.

saetang

已解決, 謝謝

little_yolky

saetang 發表於 17-4-13 10:26
小女band 1A，自行時亦報咗1A學校。我想問～ 當幾佰個band 1A學生，同時去一間band 1A學校爭果幾十個自行位 ...

過咗去就唔好問咁多了, 只有等待。我朋友仔今年小六升中, 一線小學級9, 報1A校in都無得in, 另一間全in既跨區1A校, in完佢都同阿媽講唔得, 因為英文實在太難了, 今年競爭真係激烈咗。所以, 級3又好級1X都好, 只要有得in, 都係有機。如果都係一線學校, 兩者個學術水平可能差好少, 小朋友淡定有錢剩, 緊係去邊都著收好多。

我覺得又係官腔果句, 緊係間間學校唔同啦, 但係响一定既成績大前題下, 其餘活動獎項同面試表現, 就可以分高下了。同一間學校級3同級13可能平均分只差一分以內, 更何況唔同校, 大家都知呢一分可以係小心唔小心, 好彩唔好彩, 根本同小朋友能力唔能夠掛鈎, 中學收生老師都應該知。


忘記自行, 努力研究大抽獎張form吧。

BBKDWLAM

大家選邊間中學總有原因，其實呢個本身就係答案。

如果中學出名成績好，佢咪係選成績好的學生。
如果中學出名運動好，佢咪係選運動好的學生。
如果中學兩樣都出名，佢咪兩款學生都收啲。


香港情況根本係中學選靚麵粉去做靚麵包。

os_ecu

BBKDWLAM 發表於 17-4-13 14:01
大家選邊間中學總有原因，其實呢個本身就係答案。

如果中學出名成績好，佢咪係選成績好的學生。

同意 >> "香港情況根本係中學選靚麵粉去做靚麵包。"

神校有能力去專揀一啲佢哋缺少既專材嚟壯大自己既校隊去學界攞牌;  因為好成績既佢哋已經夠多了. 等於剨禾青一樣盡收天下兵器.

返主題，我估自行揀學生都係成績行先，rank order 夠前一定佔優 (40%)，其次就係面試表現, 主要睇英文表達能力, 解難能力 (30%), 再落嚟係特異功能 (30%). 興趣玩下嗰啲唔計, 啲獎如果啱學校口味又有可能加分 (例如佢管弦樂團缺巴松管，而你又咁啱校際攞咗牌，咁就肯定佔大優勢).

呢啲間間校唔同，好睇當時情況 (同場有乜競爭對手)，不過做好學業成績，操好英文對答應該係最重要.

little_yolky

os_ecu 發表於 17-4-13 15:10
同意.

神校有能力去專揀一啲佢哋缺少既專材嚟壯大自己既校隊去學界攞牌;  因為好成績既佢哋已經夠多了. 等 ...

但係依樓主講, 級3同級1X, 中學自行時個ranking可能只係前後腳, 或差幾個位, 就就同校, 都無理由咁黑仔級4-1X都一齊考同一間, 更惶論唔同校添, 中學睇個次第, 差得幾個位又唔係差幾十個位, 可能面試都好重要了。當然, 你要打低前面果十幾名, 面試要好標青至得, 又有幾多個咁口齒伶俐, 講嘢又有point丫。

os_ecu

little_yolky 發表於 17-4-13 15:17
但係依樓主講, 級3同級1X, 中學自行時個ranking可能只係前後腳, 或差幾個位, 就就同校, 都無理由咁黑仔級4-1X都一齊考同一間, 更惶論唔同校添, 中學睇個次第, 差得幾個位又唔係差幾十個位, 可能面試都好重要了。當然, 你要打低前面果十幾名, 面試要好標青至得, 又有幾多個咁口齒伶俐, 講嘢又有point丫

Rank order 係 全港/全區 排位，你嚮本校後佢一名，出到大海可能後佢十幾名其實可以好 significant 差別好大的. 學校跟 rank order 咁 shortlist 咗最 top N 嗰啲人嚟 in,  級3入圍，1x嗰個可能連入場面試機會都無.  

只於係咪考埋同一間，強校 (估樓主小朋友係B1A都應該係喉住嗰幾間架嘞) 全港只係嗰十零間，自行你得嗰兩個 choices, 同校差唔多 background / standing 考埋同一兩間絕唔出奇喎.


去到最後成績其實知晒，要鬥就只會係鬥特別技能(獎)多同埋面試表現既唧.

mcl203

little_yolky 發表於 17-4-13 15:17
但係依樓主講, 級3同級1X, 中學自行時個ranking可能只係前後腳, 或差幾個位, 就就同校, 都無理由咁黑仔級4- ...

口齒伶俐與否，學校6年來既培訓係絕對有影響，可以改寫表面評核。跟以前同學家長分享經驗，係小組討論係擁有優勢，甚或曾經該校學生去考直資面試，碰巧多於1位同學被安排同1小組，被面試老師叫停，好讓其他同學表達吓意見，其實佢地唔係搶答，而係慣於類似培訓，但佢地只係校中成績中下既學生。

saetang

本帖最後由 saetang 於 17-4-13 18:06 編輯

本帖最後由 saetang 於 17-4-13 18:00 編輯

感謝以上各位既回覆！

我女學校有幾個同學一齊去考同一間既band1A學校，有啲排名級頭幾，而我女就排級1X，但我估我女面試應該有優勢！

正如樓上所講，同校相差果幾名只係好少問題，但係可能個全港 Rank Order 就會相差好多！

章太郎

IloveJJ 發表於 17-4-13 17:21
我覺得要睇返你in那間學校重視乜野啦！有啲重面試，有啲重成績。

就咁睇，我會覺得第二個學生好啲。因為 ...

(emoji)

os_ecu

saetang 發表於 17-4-13 17:58
非常感謝以上各位既回覆！

我女學校有幾個同學一齊去考同一間既band1A學校，有啲排名級頭幾，而我女就排級 ...

有無特異功能 ? 如果有可以追返 rank order 較後所失既分.

至於面試表現就真係好主觀的. 面試嗰位老師覺得你好就係好, 無怎客觀準則 (即係唔係多嘢講就得). 但係以我理解首先你要唔怕醜肯講 & 識得操詞; 英文會話能力強 (平時都有多講或者訓練), 詞彙豐富, 表達流暢真係會加分.

據睇完某啲 B1A 強校簡介會後了解, 會放片俾你睇問你睇到乜嘢, 如果識主動發掘問題, 見微知著亦會加分. 呢方面就有少少係天份了.

努力 & Good Luck !!

os_ecu

章太郎 發表於 17-4-13 18:07
音藝，真係好多男生的死穴。我都有幻想過真正的中學係會睇清楚，逐份睇，小朋友次第好可能係比音藝拖低， ...

對學校嚟講, Rank order 真係一個好方便既工具,

試想佢有幾百份自行表, 入晒人名同佢個rank order 去一個 excel,   sort 一個 column 再 cut 就得到一個都幾客觀既candidate list 去 in 了. 你話幾大 incentive 去用呢.  所以有傳有啲強校 級十 之後無得 in 不無道理. 個filter 跟本一開始就落咗去個 rank order 度.  特異功能只係俾佢撈啲漏網之魚.

Btw , 音樂視藝好似 weighting 係好低既, (音 2, VA 3), 男仔主科夠強都應該未至於俾呢兩科拉低既.

cmchang0927

朋友個仔級十ㄧ、二和同校級三有得見男神校，結果只收左朋友個仔。
朋友個仔從小是幼稚園司儀、小學每年drama男主角、演講比賽冠軍、很多校際朗誦獎。個性鬼鬼馬馬，能言善道，去幾間中學interview老師和他傾過不停。所以我相信級二十內、面試很關鍵。

greentea000

saetang 發表於 17-4-13 10:26
小女band 1A，自行時亦報咗1A學校。我想問～ 當幾佰個band 1A學生，同時去一間band 1A學校爭果幾十個自行位時，學校會怎樣考慮以下的兩類學生呢？

(1) 成績較前既1A學生(級頭3)，但面試表現只屬一般或中上

(2) 成績稍後既1A學生(級1X)，但面試表現好好

其實，「面試表現」是否真的是取錄關鍵？定係根本「成績」已勝於一切呢？

謝謝！

你呢2個假設已經預設左立場
咁成績好又面試好呢？成績稍遜又面試差呢？

報名表其實有列明各項比重，點解忽視呢？

greentea000

章太郎 發表於 17-4-13 18:07
音藝，真係好多男生的死穴。我都有幻想過真正的中學係會睇清楚，逐份睇，小朋友次第好可能係比音藝拖低， ...

學校同人一樣，要投其所好。唔通個個家長 / 學生重視音藝？咁學校亦自然有重視有唔重視。

little_yolky

os_ecu 發表於 17-4-13 15:54
Rank order 係 全港/全區 排位，你嚮本校後佢一名，出到大海可能後佢十幾名其實可以好 significant 差別好 ...

實質ranking差幾多大家都係靠估, 你估多我估少, 自行已經過咗去, 唔駛再諗咁多, 我主旨係叫樓主唔好再諗, 反正諗極都係得個估字, 不如花多D精神填好張大抽獎form仲實際。

Eat_Sleep_Play

greentea000 發表於 17-4-13 18:32
你呢2個假設已經預設左立場
咁成績好又面試好呢？成績稍遜又面試差呢？

成績好面試又好咪即收囉，成績稍遜又面試差就緊係out啦，就係咁簡單

little_yolky

章太郎 發表於 17-4-13 18:07
音藝，真係好多男生的死穴。我都有幻想過真正的中學係會睇清楚，逐份睇，小朋友次第好可能係比音藝拖低， ...

我又唔係咁睇, 因為好多自行表, 只係填中英數常, 有D只係填中英數。拿, 如果小朋友真係只俾兩科術科拖累, 都唔可能太低分, 因為音樂始終有筆試, 其他有嘢可以練, 你唔下苦功, 就唔好怨人哋叻。如果下咗苦功, 都係相差少少, 果5分, 我又會覺得中學係睇得出既。不過, 如果對手中英數常音樂視藝都叻咁全能, 你就只好認命了。有時好多嘢唔係講天份, 係講努力, 女仔願意努力, 男仔唔願意努力, 就係咁。

os_ecu

greentea000 發表於 17-4-13 18:32
你呢2個假設已經預設左立場
咁成績好又面試好呢？成績稍遜又面試差呢？

樓主都係擔心自行有無機上嚟舒發下，俾我都會心卦卦嘅。

B1A生比起其他嘅同學的確考慮多啲，邊個唔想入神校吖。