閱讀雜談 — 兩個閱讀喪志的少年

eviepa

記得讀中一時，坐在小弟旁邊的同學，非常喜歡天文學，經常和同學們提起天文的話題。但可惜，這是一個冷門的範疇，班中除了一個同學外，就沒有任何同學對這題目到興趣，知音難尋。唯一例外的人並非別人，正是小弟我。

我讀小學時，博覽群書，被我所住區內的一間小圖書館管理員視為「最大的客戶」，借書量不僅是區內第一，而且是鶴立雞群的第一。

我閱讀過無無謂謂的書多得很，多到父母偶有微言：「要讀書就要讀有用的教科書，課外書多看無益」。有一次，媽媽見到我閱讀一本名為《趣味天文學》的書，馬上責備我：「你多麼的不長進，有趣味的課外書就看得津津有味，沒有趣味的課本你就不看！」

回到我和同學的天文研究吧。中一這一年，我們時常交流天文的心得，一起看星星，認星座、星星，研究如何自製天文望遠鏡，好不愉快。不過，始終是閱讀喪志，報應來了。學期尾，我試升中二，他留級。我們都被認定是讀書不成的人。

我清清楚楚地記得，我和他最後一次見面是八零年代中期，我有幾個醫學問題要澄清一下，就穿著拖鞋，徑自往他的宿舍走去，詢問了這個醫學院學生幾個醫學問題，再聊了一會便返回自已宿舍去。

xxx   xxx   xxx   xxx   xxx

我讀小學時，學校非常差勁，像我這樣對學術有濃厚興趣的同學一個也沒有，但到中學時，這樣的同學起碼有幾個。

一個同學很喜歡研究第二次大戰歷史及軍事知識。

一個同學很喜歡研究中國歷史及戰爭科技。

一個同學博覽群書，而且有一套絕技：將全世界的主要國家、首都、重要城市、山川河嶽都記下來 — 這點和我一樣！

連同我上文說研究天文的同學，中一班的同學內，起碼有五個人是自發地研究學問的。當時以我校的戰績，平均每班大概有五人可以考進港大及中大。剛才所說自發研究學術的五人當中，兩個研究天文的是在留級邊沿，另外三個亦只有一個勉勉強強名次在五六名左右。但不知怎的，後來全部都越讀越好，不是入了中大就是港大。

xxx   xxx   xxx   xxx   xxx

中四時，學校附近的一間社區中心舉行常識問答比賽，小弟的學校作為區內成績最好的學校，和小弟參加這次比賽的參賽者，不少都是自已的同學、師兄、師弟。結果冠軍是我的同學，就是上文所說，記盡全世界首都、山川河嶽的同學。我和幾個人拿了優異獎。很有趣，無論冠軍以及優異獎得獎者，我所認識的，日後全都入了兩大。

xxx   xxx   xxx   xxx   xxx

讀預科時，考完大學入學試等放榜，參加了一個青年中心的義工組。當時中心舉辦了一個常識問答比賽，我們的義工組也組隊參加。每組三人。結果我們拿了冠軍。我扮演了最重要的角色，但另兩名組員的學識也很廣博。

一個月後，港大或中大都取錄了我們三人。

xxx   xxx   xxx   xxx   xxx

知識廣博是不是入大學的必要條件呢？不是。

讀大學時，遇到很多只懂教科書內的東西，其他學術性書藉都不碰的校友。但無可否認的是，博覽群書，讀過很多公開試不會考的東西的人是不成比例的高。如果全港平均有兩三個巴仙的人可以界定為博學的話，中大港大裡可能有兩成人可以界定為博學。

知識廣博絕不是入大學的必要條件，但知識廣博的學生能考進大學的機會遠高於知識貧乏的人。

xxx   xxx   xxx   xxx   xxx

出來做事後，每當我見到一個孩子看書看得津津有味，尤其是學術性書藉時，我都會發出會心微笑：儒子可教也！

這幾十年來，我預測所有博覽群書的人都能入大學。這樣的預測，命中率非常高，比任何指標都要準確。

我也有一個孩子，很喜歡看書，現在也正在讀大學。

Lu324

做左呀媽先明閱讀重要。現在我去圖書館開心過行街

little_yolky

eviepa 發表於 17-4-10 00:36
記得讀中一時，坐在小弟旁邊的同學，非常喜歡天文學，經常和同學們提起天文的話題。但可惜，這是一個冷門的 ...

如果你既預測真係準確就好了, 我有個不思進取既細女, 有書唔溫, 勞死口氣, 但好鐘意睇唔同類型既書。

eviepa

回覆 little_yolky 的帖子

我看好任何一個肯花時間、心血去鑽研普通人覺得很沉悶的學術的孩子。我敢和妳打賭，日後八大會取錄妳細女。我覺得我的勝算很高。

shadeslayer

eviepa 發表於 17-4-10 18:21
回覆 little_yolky 的帖子

我看好任何一個肯花時間、心血去鑽研普通人覺得很沉悶的學術的孩子。我敢和妳打 ...

如果不誤交損友, 真的勝算高。

brother4

路過，其實開卷有益，不論看什麼書，自己看得很雜，如漫畫等，25歲才會考，當中重覆留班及踢出校，肯努力會考都OK，但未能上大學。自己孩子讀書不叻，有學習問題，小學教佢打機看漫畫，中文中學考全級尾尾，現在也是讀大學，平時很喜看書及做義工。。。不要看低D漫畫，鼓勵性及減壓作用。。。

fatchoibaby

我以前都好鐘意閲讀，七、八歲已經完成十萬個為什麼、中國古代神話故事、格林童話、十歲已經讀希特拉傳、西遊記....

我懷疑我以前係資優生(以前冇呢個名詞)，因為自己上堂半邊腦聽書，半邊腦思考緊其他書，所以班主任好討厭我。小學唔使點讀就考到band one, 我記得小學畢業老師仲同全班講，呢d人都考到band one中學....

中學又係經常比班主任鬧，又見家長，話我古怪，但最尾兩年先發力，又入到大學。

但係有小朋友之後，我覺得現今小朋友閱讀太廣泛並唔係好事，升中之前，閲讀必須由廣闊轉深度，找出最想鑽研的，尤其是現今的知識太廣泛，更新得太快，高中前最好可以收窄點。

NCSC9

樓主曾說自己小學時只愛玩樂，缺上進心，不會溫習，功課求其 :

https://www.edu-kingdom.com/foru ... ;page=1#pid39221621

但現在才知原來樓主小學時博覽群書，對學術有濃厚興趣。失敬失敬！

樓主也曾在以上連結帖子說自己的天賦是top 10%，但對於一般沒上進心和沒天賦的孩子而言，要令他們如樓主般愛上學術是不容易的，樓主有何建議？

little_yolky

IloveJJ 發表於 17-4-11 09:49
樓主：
我睇完你呢篇分享兩日，先思考到想問乜?
首先，很認同睇多啲書，係好好。我仔都係咩都鐘意睇，又喜 ...

都話咗好多次, 讀中中上大學係無困難, 呢個唔駛樓主答你。

除非你係讀神科, 例如法律。否則, 中中上大學一D問題都無, 因為中中學生唔係唔識英文, 只係無用咁多, 無識咁多生字。如果學生夠上進, 生字量都唔會差好多, 只係响學校既實戰會差過人。我同屆除咗我, 仲有一個同學係中中, 同系亦有好多係中中, 佢哋全部無適應問題。我自己因為英文底差, 所以第一年追得辛苦D, 但之後都OK。另一位同學就無乜問題。


另一位同學係培正的。

little_yolky

shadeslayer 發表於 17-4-10 20:27
如果不誤交損友, 真的勝算高。

.....佢係完全無focus既........睇書包括恐龍、偵探書、童話、歷史、科學.............但就無一樣係特別鐘意。呀！最鐘意漫畫。

佢完全無特別愛好, 根本唔知佢鐘意D乜。不過, 好鐘意整手工就是。佢細個時睇弟子規(當然又係漫畫版), 用雪條棍整咗本竹簡出嚟。我今朝坐火車同C6講, 唔好迫佢讀書, 好好keep住B2, 入聯繫輕輕鬆鬆咁讀, 等佢有多D空間, 佢可能以後會變得好出色都唔定。

MASAYA

fatchoibaby 發表於 17-4-10 22:58
我以前都好鐘意閲讀，七、八歲已經完成十萬個為什麼、中國古代神話故事、格林童話、十歲已經讀希特拉傳、西 ...

小學橫向廣泛學習，中學縱向深入學習，冇衝突，閱讀廣泛冇乜問題，到中學自然會搵最鍾意既去沉迷 (當然沉迷唔係好事)

little_yolky

IloveJJ 發表於 17-4-11 10:20
但前兩年你都有份話讀英中好啲，又話唔好限死讀大學讀中文，仲有好多選擇咁架!（唔好意思）
...

有得揀緊係讀英中啦(除非培正收我), 但係又無話中中入大學會跟唔上。但係做律師呢D, 英文要講到中文咁好, 唔由細浸到大, 我諗都幾難了。我母校剛剛果年都入咗一個HKU法律。所以, 無話唔得既, 但要知道自己想要D乜, 然後努力囉。

我到依家都覺得可以的話應該入英中, 因為普遍依家英中收既學生平均係叻D, 咁你班同學進取D, 對自己學習一定係有正面作用既。但如果真係入咗中中, 又無乜所謂, 最緊要學校校風好, 唔好學壞。最多唔好揀神科囉。

little_yolky

IloveJJ 發表於 17-4-11 10:39
啱呀！俾啲空間佢就啱啦！其實你哋已有聯繫B2，唔需要怕啦！除非佢唔喜歡/唔適合自己中學啫。
...

唔會有唔適合/唔鐘意既學生的......又大, 又靚, DSE又好, 點會唔鐘意呢。B2女仔見到個個對眼閃閃發亮。

不過, 阿妹要做到B2至得架, 我哋學校全科B都係B3了。