小朋友五音不全， 但又想入到學校合唱團

Yanamami

你想幫佢……佢無天份……自己唔曉教……亦唔想正式揾老師教……即係又要馬兒好，又要馬兒不吃草？就算非牟利既香兒都要audition.

little_yolky

little_kid 發表於 17-4-8 23:34
小朋友兩年試音都失敗， 佢想出年入到學校合唱團。 點幫佢好呢？ 我小朋友無學樂器， 我又唔識教唱歌。 但 ...

通利都有個聲樂團, 雖然要試音, 但我覺得好易, 因為阿妹都係五音不全, 但都過到關。

little_kid

IloveJJ 發表於 17-4-10 12:20
佢參加咗，可能就會無興趣了！

哈哈！ 你又有道理。 宜家大部份興趣班唔係為興趣，係為攞成績。

little_kid

Yanamami 發表於 17-4-10 12:25
你想幫佢……佢無天份……自己唔曉教……亦唔想正式揾老師教……即係又要馬兒好，又要馬兒不吃草？就算非牟 ...

好似好矛盾。 我只係唔使專人一對一教，我小朋友唔係要做歌手。

有JM介紹有啲比較易入的合唱團， 我會去試下。

little_kid

IloveJJ 發表於 17-4-10 13:07
我既意思係，你仔因為覺得好聽，所以想去學。但如果佢無天分，學係學得好辛苦（要投入好多，跟得好辛苦） ...

如果去到咁， 我唔會比佢再學， 因為我好清楚俾佢學嘅目的。  而且我現階段唔會話我小朋友有無天份。

little_kid

little_yolky 發表於 17-4-10 12:37
通利都有個聲樂團, 雖然要試音, 但我覺得好易, 因為阿妹都係五音不全, 但都過到關。 ...

謝謝你， 我會去試下。

didier99

其實坊間有好多聲樂班，都係幾百蚊一個月，好似當學樂器咁學都得。會唔會考慮搵老師幫手準備一下，至少tune返正五音？

little_yolky

little_kid 發表於 17-4-10 13:12
好似好矛盾。 我只係唔使專人一對一教，我小朋友唔係要做歌手。

有JM介紹有啲比較易入的合唱團， 我會去 ...

你要唔要多D帶佢去聽歌, 或上youtube D合唱團聽歌, 吊下佢條癃先。因為我細女做乜都係三分鐘熱度, 佢話想學琴, 我無即刻俾佢學(其實都係因為要排隊等位), 吊咗佢胃口大半年, 佢成日聽家姐彈歌仔好好聽, 到佢真係排到位學既時候, 真係好開心, 好俾心機練。至於天份..............就緊係無啦。不過, 佢練習時好開心, 好投入, 成個郎朗咁既feel架。

最緊要, 大前題係你只為興趣, 唔好為升中, 佢學完叫佢唱俾你聽, 你唔好理好唔好聽, 總之要聽得好開心, 你開心佢又開心, 咁佢先有心機練, 成日俾人話唱得難聽, 係人都唔想練啦。都係果句, 如果唔係想做歌手, 天道酬勤, 唔駛要咩天份既, 呢個世界邊有咁多天才, 個個都係努力。阿仔有興趣其實都係一個天份嚟, 佢無興趣你點塞佢都唔學。


試音時, 記得, 要大聲D, 用肚仔力唱把聲出嚟, 夠大聲好緊要。

little_kid

mannitol 發表於 17-4-10 09:12
美孚小童群益會嘅合唱團都招收緊小朋友，可以試吓，當然，也要試音啦。
...

謝謝你。 但美孚太遠。

little_kid

didier99 發表於 17-4-10 13:33
其實坊間有好多聲樂班，都係幾百蚊一個月，好似當學樂器咁學都得。會唔會考慮搵老師幫手準備一下，至少tune ...

會呀。 我找找先。 turn番五音已經好滿意。

little_kid

little_yolky 發表於 17-4-10 13:39
你要唔要多D帶佢去聽歌, 或上youtube D合唱團聽歌, 吊下佢條癃先。因為我細女做乜都係三分鐘熱度, 佢話想學 ...

係喎， 要keep下佢興趣。試下你的方法先。  小朋友好多時三分熱度。 我見佢試了兩年都想出年再試 ，咪想幫下佢。

little_kid

IloveJJ 發表於 17-4-10 14:18
我唔係話潑你冷水，亦贊成你去參加，因為唔參加過唔會知。
我只係俾個心理準備你。
我自己個仔係咁，學咩 ...

明白。 謝謝你提醒。 我小朋友學游水都係慢•慢•學， 佢想游我又俾佢繼續學， 當做下運動。

little_yolky

little_kid 發表於 17-4-10 14:14
會呀。 我找找先。 turn番五音已經好滿意。

其實理鬼得佢tune唔tune到, 培養一個興趣已經十分好了, 佢五音不全, 但鐘意唱, 自己唱得好開心, 咁咪夠囉。

little_kid

little_yolky 發表於 17-4-10 16:43
其實理鬼得佢tune唔tune到, 培養一個興趣已經十分好了, 佢五音不全, 但鐘意唱, 自己唱得好開心, 咁咪夠囉。 ...

little_yolky

IloveJJ 發表於 17-4-10 14:18
我唔係話潑你冷水，亦贊成你去參加，因為唔參加過唔會知。
我只係俾個心理準備你。
我自己個仔係咁，學咩 ...

乜你哋D教練/老師咁衰架。我阿女D係唔會俾面色佢睇的。報暑期泳班時, 我第一時間同櫃枱姐姐講：我兩個女唔鬧得架, 你搵個最淋既教練俾佢兩個, 佢哋唔駛學得叻既, 最緊要唔好驚, 學完暑期班我打算開咗學繼續學落去減肥架, 你唔好搵個惡教練鬧到佢哋唔想學, 俾麻煩我呀。

為咗生意, 佢哋都會從善如流的。

little_yolky

little_kid 發表於 17-4-10 17:08

你唔識唱仲好, 開頭陪佢一齊唱, 兩個走晒音, 但唱得好enjoy, 好爽架。如果你唱到莫華倫咁, 阿仔反而無心機啦。