服食Ritalin -- 8歲小朋友每星期只是食藥6天可行嗎?

小余

阿仔食藥大半年左右. 一直醫生都係比足佢一星期7天的藥, 但週末的藥量會比平日少. 但實際上我地一路都只係返學果日才吃; 星期六,日,如果做唔晒功課才會在做功課前食藥.
最近一次睇醫生,佢知道我地每星期可能會有1-2日完全唔食藥，就話我哋咁樣食法對阿仔長遠的控制唔好. 話要訓練到佢習憤自動自覺得埋位做功課，而我哋的做法佢到咗青春期就食咗藥都無用云云.
我真係唔明個中道理係咩, 希望有經驗家長指教一下

elsa1230

小余 發表於 17-4-8 01:20
阿仔食藥大半年左右. 一直醫生都係比足佢一星期7天的藥, 但週末的藥量會比平日少. 但實際上我地一路都只係 ...

我個女三月尾先至開始食藥，食R字頭8小時，醫生同我講話假期或星期六日可以唔食，不過而家個女都係食星期一至六，因為六要補習

PurinBB

我地都係食R字頭8小時，現在見佢越來越瘦，請問有咩方法或食物可以等佢地易吸收肥番D，但唔食又專心唔到上課

yankaka

PurinBB 發表於 17-5-18 07:52
我地都係食R字頭8小時，現在見佢越來越瘦，請問有咩方法或食物可以等佢地易吸收肥番D，但唔食又專心唔到上 ...

冇胃口係Ritalin LA的副作用之一, 好常見但亦好見仁見智, 我囝也是食Ritalin LA, 佢中午嗰餐會冇胃口, 在校食少D, 但放學返嚟由下午茶到晚餐基本上補番中午食少嗰D, 食咗差不多半年藥冇輕過, 所以你可以考慮晚餐或藥力過後整D佢鍾意食的吸引佢食番多D!

20071974

我仔3月開始食藥，R字頭8小時，醫生話放假可以唔食。醫生另開咗4小時，佢話假期有須要先食。好彩呀仔食藥後胃口都算正常，食得瞓得。

PurinBB

回覆 yankaka 的帖子

早餐食好少，到放學回家都有食下午茶，有時晚餐選擇性食某種食物，可能佢本身又偏食加上又食藥，所以越來越瘦。想比佢飲朱古力奶，但係咪朱古力奶對佢地仲唔好。

07mama

20071974 發表於 17-5-24 21:39
我仔3月開始食藥，R字頭8小時，醫生話放假可以唔食。醫生另開咗4小時，佢話假期有須要先食。好彩呀仔食藥後 ...

請問你小朋友幾重，食R 8小時 幾多mg?

Tam2002

Ritalin LA一般是接1mg/kg(體重). 可以考慮在家中煮早餐,讓小孩多吃喜歡的食物後才食藥!晚餐如是!

ccmak2009

我估醫生想靠藥物幫小朋友做到可以靠自己能力去完成日常的功課、温習、自理等。但ADHD小朋友因為專注力的問題常常做事拖拉、甩甩漏漏，雖然星期日可能不用做功課，但仍要維持一定程度的專注力去改善生活上的甩甩漏漏。6-8歲是治療的黃金期，父母老師講的說話他們仲肯聽，再大D就有自己想法不一定咁聽話了……

小平媽媽

我女7歲，食過8小時嘅會無餵口，後來轉食4小時分2次會好啲，學校午餐都食到大部分

weather

想請問你哋啲小朋友幾多歲開始食藥？ 謝謝

小平媽媽

weather 發表於 18-5-19 13:01
想請問你哋啲小朋友幾多歲開始食藥？ 謝謝

我女1年級尾先俾學校發現，今年2年級開學開始食20mg，可能太重藥無胃口，近來轉10mg，不過放學佢唔太肯食藥，變左做功課都係好慢

Chans1988

我個仔 8歲 之前食R字頭 20mg 胃口唔好同有時候放咗學 脾氣仔勁咗 🤦🏽‍♀️
後尾 醫生轉藥 佢依家食C字頭 27mg 都okay喎 胃口無咁差 脾氣好返少少 依家佢又想停藥 🤦🏽‍♀️ 話自己好乖乖

Chans1988

回覆 weather 的帖子

7歲

Chans1988

回覆 yankaka 的帖子

同意 醫生都係咁教

stupideee123

回覆 小余 的帖子

如果用食藥來做功課嘅輔助工具 我都不太認同 好似個小朋友有近視 做功課先戴眼鏡咁
平時就唔俾佢戴～
好怪...
不如教個小朋友明白做完功課 可以拿拿臨去玩 鼓勵佢快快做完功課就算 唔好要求功課表現咁高啦⋯⋯