中三數學科成績6X 是否很差？

活出彩虹

小兒中三，就讀Band One男校, 數學考試成績一般都是6字頭，請問數學成績是否算差？

兒子現在要揀科了，擔心他的數底是否能應付高中的數理科，所以頭痛呢

請大家指教一下

1998Ruby1998

6字頭有少少危機，我學校話 7字頭或以上先可以讀 BAFS 同 M1。當然，要睇返佢學校出卷係咪一向深，例如我學校英文卷，2 小時 45 分鐘 30 頁，長題目多，好多同學做唔切，同埋第一部份只係淺過第二部份閱讀理解少少，唔合格嘅機會率好高。結果 DSE 同樣時間但係得 20 頁，仲要第二部份淺過我地平日學校嘅第一部份。

佢文科表先如何？如果數理唔得，不如就讀純文科或者只係讀一科理科（留返條理科後路畀自己）。

不過唔緊要，我初中數學都係麻麻 d，好彩遇到好嘅補習老師同埋自己操多左卷，一直 keep 到 7X％ 呢個位置，Form 6 mock exam 更加有 8 字頭

活出彩虹

1998Ruby1998 發表於 17-4-4 16:25
6字頭有少少危機，我學校話 7字頭或以上先可以讀 BAFS 同 M1。當然，要睇返佢學校出卷係咪一向深，例如我學 ...

我都覺得6字頭算差，他小學時數學全級第三，參加奥數比賽也有點小獎，就是上到中三就退步很多（中一，二時還有7,8字頭的），可能本身數學天分不高，越高班就越掌握不到。他文科一般，他一定不會讀地理和中史，History和Econ比較好，理科應會揀chem, physics應讀不上了，Bio太讀嘢背和沒興趣

活出彩虹

1998Ruby1998 發表於 17-4-4 16:25
6字頭有少少危機，我學校話 7字頭或以上先可以讀 BAFS 同 M1。當然，要睇返佢學校出卷係咪一向深，例如我學 ...

請問你初中數學是私補還是出面補習社補呀？

1998Ruby1998

回覆 活出彩虹 的帖子

我數學係出去中小型補習社補，因為英數搵私補難同埋貴，大型補習社對數感唔好嘅人幫助唔大。
雖然係好殘酷，但係唔好再諗小學成績，好多人小學都係人中龍鳳，但係一上到中學就唔同世界。我一個同學佢小學全級第一，平均分年年 90分，上到中學，佢跌倒落去 100 名外。我父母都係成日攞小學黎比較，話以前幾高分，幾出色，但係現實就係中學讀書模式同小學唔同。

如果係咁，Chem、Econ、History 對佢比較有利，不過 History 都係背野多，可能會中途覺得煩厭。Physics 唔係個個都讀到，我同學數學好好，次次都 9X％，但係 Physics 成日徘徊合格邊緣。但係按道理，地理應該幾好讀，背嘅野相比之下唔太多，都講 common sense，唔知點解會唔想讀呢？

gigilovesnoopy

Dear 活出彩虹

如果能力許可，不如比囝囝一對一或二私人補習，有可能係今年的數學老師教學方法唔啱佢，所以數學成績未如理想。

我亞囡讀女校，數學老師鼓勵想讀M1 or M2 的同學，S3數學成績最好70或上。想讀Physics的數學最好有A or B。

但CHEM ， BIO ，ECON同數學能力冇直接關係。另外，中國文學比中國語文易取高分入大學。

Yanamami

6x又好,7x都好，其实係要睇埋級average, 齋睇幾多分無意思~俾你7x又如何？原來个average係80,反之亦然，6x未必好差，如个average係5x. 見家長時班主任有乜意見？

洋蔥頭媽咪

活出彩虹 發表於 17-4-4 15:03
小兒中三，就讀Band One男校, 數學考試成績一般都是6字頭，請問數學成績是否算差？

兒子現在要揀科了，擔 ...

睇幾多分不能作準，中學通常測/考後每科都會有級名次，睇睇兒子在該科排名，就能看到是否算差。

greentea000

活出彩虹 發表於 17-4-4 15:03
小兒中三，就讀Band One男校, 數學考試成績一般都是6字頭，請問數學成績是否算差？

兒子現在要揀科了，擔 ...

要同其他同學比較先知 :funny:
部分中學出好深，可以問下班主任。

October.

樓主標題問是否很差？我認為唔算差，起碼比合格多10分以上。F1-2能夠取得70-80成分，數底不算弱，如果肯俾心機去補習，對提升分數會有幫助。

以6X分數學能力去應付高中數理科，應該不容易讀得輕松，我仔都面對緊差不多既問題，好怕選科方向錯咗，影響升大。

johnmamama

中三數學60幾要睇全級數平均分之上或之下，如果同平均分差吾多， 應該可以有得補救，我囡中三都是60幾，升到中四後期數去到50分，連佢自己都擔心來，中五時跟同學去補習，直到考DSE考到5。

ppmmbb

活出彩虹 發表於 17-4-4 15:03
小兒中三，就讀Band One男校, 數學考試成績一般都是6字頭，請問數學成績是否算差？

兒子現在要揀科了，擔 ...

有啲中學40分合格，你仔果間呢？

johnmamama

ppmmbb 發表於 17-4-6 09:57
有啲中學40分合格，你仔果間呢？

通常高中40分合格

YmOra

活出彩虹 發表於 17-4-4 15:03
小兒中三，就讀Band One男校, 數學考試成績一般都是6字頭，請問數學成績是否算差？

兒子現在要揀科了，擔 ...

數學60幾分都算差差哋呢!若然,經常性失分於"40分"左右位置,換言之,有很大的進步空間之餘,亦應該容易看到"邊類數"導致學生得分底,針對下葯,成效必然易見呢!



：）努力加油呀!

ppmmbb

johnmamama 發表於 17-4-6 10:32
通常高中40分合格

我F.1時已是40分合格:happy:

brother4

band 2中文中學數學有6字頭，中四選科冇問題。。。

losir0227

單看 6字頭 這數字難以判斷，分數本身有多種含意
首先程度愈高的學校，合格分會變低。40分合格線拿到 60分就比50分合格線來的好。
其次沒題目看就只能和同學比較。平均分和標準差是簡單有效的參考指標，看你孩子排名在哪個位置。以及和『上次』、『下次』比較是進步還是退步了

chrischeung

回覆 活出彩虹 的帖子

六字吾叫差，系仔學校叫中間前小小，亞仔中二，數七十頭已系校內頭十五%，但五六十分比例反而好多。

ANChan59

我覺得學校如果能夠提供級平均分，及每科級名次，比齋分數更有意思！

個別學校，個別學生，成績可以十分參差！單位數到滿分，合格是40，6x可以是水平之上，亦可以在水平之下！

問問班主任，會有更清楚的了解。我建議前瞻少少，問埋如果中間成績，出去DSE又是4，抑或5*，對學校成績有更深入了解！

另外，大部分學校對選修M1/M2有門檻，了解門檻高低，可以知道大約水平！