金庸以外

1998Ruby1998

唔知你仔仔鍾意邊類同埋幾多年班？睇左四大未？

我自己睇何紫多，不過佢描寫 60、70年代，唔係個個小朋友都覺得好睇。另外我都鍾意曹文軒嘅「草房子」同埋鍾肇政嘅「魯冰花」，我中一睇都覺得唔難（我中文一向差，果陣中文能力同小五、小六程度相似）。我睇中文書唔多，多數睇翻譯文學。

我記得老師以前推薦過西西、阿濃、龍應台（父母睇都會有深刻感受）、老舍。因為讀女校，同學多睇君比、馬翠蘿，不過我都記得有人睇佐賀阿嬤、狼圖騰、鏡花緣（講遊覽好多騎呢怪神話國家）、阿Q正傳。

小時了了

IloveJJ 發表於 17-4-3 01:04
成日聽到話金庸既作品水平高，所以睇佢可以提升語文水準。仔已睇咗幾套，想再搵下其他書俾佢睇（消閒嗰啲佢自己已有搵嚟睇）。
請教一下，有咩其他作家既書高水準，不可錯過?

書店中的巴金,三毛.....書,你們在那裏??? https://www.edu-kingdom.com/forum.php?mod=viewthread&tid=2807461

唔怕古老, 可以搵三毛,巴金, 朱自書, 魯迅, 戴厚英, 白先勇....

1998Ruby1998

回覆 IloveJJ 的帖子

兒童版同原著唔同，文言文為主，不過都可以睇下，當訓練定將來中學讀文言文。如果有唔明，可以上網睇解釋同埋睇兒童版「摸」下。不過呢 d 有三種，一種係兒童版，刪減左好多情節同埋精簡用詞，第二係成人版，基本上係全部翻譯，第三種係原本文章。單睇書封面好難分辨到底係翻譯文定係原本。
我講果 d 都可以參考下，因為我中文程度差，金庸我一本都冇掂過（覺得好難明），所以我所講果堆都係比較淺，容易明白。

小時了了

IloveJJ 發表於 17-4-3 10:16
謝謝，係咪通常要找古老既作家，先係好架?我哋以前好似都係規定要睇三毛、老舍嗰啲，其實係咪佢哋而家都係 ...

我女係睇金庸前已有睇過下 阿濃, 杏林子, 何紫等.

阿女幾鍾意睇阿濃 "新愛的教育" http://www.cp1897.com.hk/product_info.php?BookId=9622641202 呢本, 佢自己翻睇幾次, 因為佢好羨慕書入面間學校啲老師非常有愛心, 啲學生行為咁差啲老師 (如阿濃) 都咁包容啲學生. 另外阿女都好鍾意睇蘇恩佩 "死亡! 別狂傲" https://www.hkreadingcity.net/book/details/5774f3526a0b62c8098b5341及 子騖《海闊天空-一位血友病者的生命札記》 http://www.cp1897.com.hk/product_info.php?BookId=9622649718

三毛係網友係嗰個帖分享話好睇, 我幾十年前中學時睇過下 "撒哈拉沙漠", 但我睇到眼瞓睇唔晒. 反而舊年我買返 "汪洋中的一條船" 及 "稻草人" 呢兩本我中學時代讀書報告要睇嘅書俾阿女睇

小時了了

IloveJJ 發表於 17-4-3 10:40
謝謝分享，我去搵下先。

我唔知妳為仔仔選書會以咩野為標準?

我選書目的有:
1) 為中學學術打底: i)中文: "古詩", "圖解中國文學", 金庸小說, 陳郁如小說 ....;
                               ii)中史: 漫畫中國歷史...
                              iii)科學: 升國中前必讀的科學漫畫全攻略 https://gkids.cwgv.com.tw/event/2010-mac/EDM.html
                              iv)英國文學: 英詩

2) 勵志及正面思想: 阿濃, 杏林子, 何紫.... 介紹多一本以下嘅書我自己就睇到眼濕濕, 阿女睇完都覺OK 好睇

《把課室搬到撒哈拉》 http://www.cp1897.com.hk/product_info.php?BookId=9789888246663&cl=chinese
一個從未跑過長跑的正生孩子，參與撒哈拉馬拉松，除成為最年輕的跑手。在沙漠上課，由大自然親自授課，同學包括了世界各地各種年紀人士，正生書院的艱苦環境裝備他面對嚴峻挑戰。青年人在沙漠上了人生寶貴的課堂。誰說課室一定要在學校，學習一定要在課堂？


作者簡介：
鄧信彥，曾是叛逆少年，在基督教正生書院生活六年後畢業，現為中文大學體育運動科學系學生。2014年，他以19歲之齡，成為「極地長征」歷來最年輕的跑手。

陳兆焯，現任基督教正生書院創校校長及正生會總幹事。1960年生於香港，1979年畢業於加拿大Trinity Western University，1985年回港任教學助理。1986年起任教於匯基書院，1995年任教於正生會。1998年創辦基督教正生書院，擔任校長至今。著作包括：《正是這樣：正生會的全人互動治療社區》、《教壞細路——荒島校長的教育筆記》、《荒島校長的教子祕笈》。

小時了了

IloveJJ 發表於 17-4-3 11:27
我選係兩類：
一：係按佢興趣而選，即是佢對歴史有興趣，就按佢程度選啲深入啲既俾佢睇
二：係工具書，即係作文書、數學書、科學書。
三：就係能提升語文水準既書，即係我而家想搵既書。我只係想搵具水準既作家既書，俾佢睇下高質素作品，題材無乜所謂（只要唔係教壞人）。
因為唔清楚邊啲作家寫野好，所以上來問下。

明白. 妳試下加多一類勵志, 正面思想又或者人物專記嘅書俾仔仔睇, 多啲正能量及正面思想抗衡呢個混亂世界麻. 突破出版社有好多呢啲呢類好好嘅書, 好適合你仔仔小四以上程度睇. 比起阿爸阿媽日哦夜哦講人生大道理, 作者分享佢親自經驗之談都未嘗不可另一方法教仔女

MASAYA

IloveJJ 發表於 17-4-3 11:27
我選係兩類：
一：係按佢興趣而選，即是佢對歴史有興趣，就按佢程度選啲深入啲既俾佢睇
二：係工具書，即 ...

又話兩類既？我真係揀兩類：一. 適齡閱讀，題材不限 (我揀)；二. 跟佢當下有興趣既題材搵，因為我經常借唔同題材，所以佢有興趣睇既睇都耐唔耐有改變，呢排睇緊偵探推理、魔術同科學實驗

ABC-DAD

四年班大概可以自己去書局圖書館自己揀書睇啦。

MASAYA

IloveJJ 發表於 17-4-3 12:48
哈哈，打打下變咗三類。
因為我仔乜都睇的，而且一日睇幾本 所以都會滲啲有價值既書俾佢睇，唔好浪費。佢 ...

林語堂、梁實秋呢d?

ABC-DAD

好奇問一下，好似對於兒童文學作品，唔係好多家長會推介，太淺？無養分？