金庸以外

October.

回覆 IloveJJ 的帖子

唔覺有書係必讀的，睇書也從來不為提升中文能力而睇。

四大淨係睇過三國及紅樓，紅樓係成年後先睇，睇咗幾次，dab 落有味，越睇越好睇。

有d書話就話係名著，見到都悶（個人觀點，因我只係消遣心態睇書），唔係個個有耐性睇得落去，金庸勝在內容豐富精彩，峰回路轉，吸引你追落去。

言情小說喜歡外國翻譯文學，如《傲慢與偏見》《飄》《簡愛》《咆哮山莊》等，好好睇，中國瓊瑤果d無得比。法國既大仲馬小仲馬倆父子，如《茶花女》《基度山复仇計》自己就唔多中意，俄國托爾斯泰的《安娜卡列妮娜》《戰爭與和平》幾好睇，不過比較長篇。

偵探小說就喜歡英國Agatha既《東方快車謀殺案》《尼羅河謀殺案》等。

中國現代小說非常非常中意錢鐘書的《圍城》， 其它就。。。。。

時代不同了，依家唔興睇呢d書，我女就中意睇日本戰時文學及東野奎吾一切作品。

S-Kwok

小時了了 發表於 17-4-3 10:39
我女係睇金庸前已有睇過下 阿濃, 杏林子, 何紫等.

阿女幾鍾意睇阿濃 "新愛的教育" http://www.cp1897.com ...

中學時代要做讀書報告嘅書我記得有“唐山大地震”及“棋王”。“唐山大地震”

1998Ruby1998

回覆 October. 的帖子

我最鍾意睇《傲慢與偏見》！同好多中文書（尤其係香港 d 言情小說）根本冇得比。
《安娜卡列妮娜》就需要多 d 俄羅斯帝國歷史同埋文化知識（例如東正教、俄國皇室文化），尤其睇英文版，香港人如果事先冇任何呢類知識就去睇會有 d 吃力。《齊瓦哥醫生》《悲慘世界》我都覺得好好睇，不過好長。

我冇點睇金庸，即係劇情太多枝葉，搞到我好混亂（我中文又唔好），加上我又唔係太鍾意武俠題材，所以拒於門外。

唔知你女兒會唔會睇過 The Ink-Keeper's Apprentice？講一個 13 歲嘅男仔係日本點樣追尋漫畫夢（涉及少少愛情），不過呢本書比較罕有，圖書館未必有不過都可以試下。

little_yolky

ABC-DAD 發表於 17-4-4 10:20
小學生睇古典文學？陪讀都係咁話，“五十而學易，五、十宜去郊遊”。

所以, 我無叫樓主睇易經, 只叫佢睇論語。你的五、十宜郊遊真係發人心省。


古典必讀書宜精不宜多, 家長陪小朋友一齊讀, 修身養心, 係好好既培養。

little_yolky

IloveJJ 發表於 17-4-3 18:45
咁睇嚟我都唔搵必讀既書啦，事關我自己無咁既修行。
咁如果我搵啲有水準既作家既書俾佢睇，根據大家建議， ...

有D作家唔係寫兒童文學, 佢哋文筆雖好, 但因為內容比較有深度(即看得明但看不懂), 雖然係白話文, 但亦宜家長陪讀。反正, 這些書與古典名著不同, 多看無妨, 但又不需必讀就是了。

little_yolky

greentea000 發表於 17-4-3 21:33
相對古典文學，個人認為成語故事、唐詩三百首呢Ｄ更重要，作文、閱讀理解一定用到，亦有文化傳承，要精讀  ...

成語故事真係必讀。唐詩三百首亦很有益。不過, 如果因時間不足不能看太多, 最好先看論語及古文觀止, 因為係文, 唔係詩, 而且內容有人格修為既養份, 十分有益。

BTW, 睇書唔好成日為作文同閱讀理解啦。

ABC-DAD

回覆 IloveJJ 的帖子

睇名著又睇得津津有味，實屬難得，如果希望提升水平，不妨按看過的名著，選擇一些有趣味又有質素的書評，大概中小學學習及課業上都會有得益。
看名著的好處，在於容易找到不同版本、編印等等有多樣選擇，包括雙語版本，方便把閱讀介面引導由中文過渡到外文，又會有不同文學評論，可以有系統地擴展語文能力，簡單如詩評，文字精練，而寫作應用延伸可有不同變化，有興趣的話，可上網Google下。


題外話，去全港九新界泳池是為做project還是游分齢賽？時間管理得好多（好好）喎，可否交流分享一下心得呢？

ABC-DAD

名著重有電影、話劇、音樂等等不同支援，各有其妙趣之處。至於是否必讀，各自有自己心得而已。

little_yolky

ABC-DAD  有水平嘅漫畫版都唔錯嘅，古典文學要精讀？中學生都未必人人掌握到哩。  發表於 25 分鐘前


That's why要PG家長指引囉。

你又講得啱, 上次响歷史博物館間書店, 有一本漫畫版紅樓夢, 阿女又話想買, 本來屋企有九萬咁多套, 唔想買俾佢, 但佢又話呢套唔一樣, 仔細好多。我一睇, 雖然係漫畫, 但文字係原著古文, 真係好D, 所以, 又買咗俾佢。

MASAYA

greentea000 發表於 17-4-4 10:10
美麗人生的22種寶典 / 杏林子

目錄

死後出版？杏林子死於2003年

little_yolky

MASAYA 發表於 17-4-5 11:30
死後出版？杏林子死於2003年

一睇個書目就知道係出版社將D舊文整理再出版。唔係咁, 出版社點嫌錢。

little_yolky

IloveJJ 發表於 17-4-5 11:52
不是游分齡賽，如果我仔有呢啲技能，我哋就無可能有咁多時間郊遊了！我有朋友親戚孩子有游分齡賽，根本就 ...

點解你咁多時間, 我果兩件都係無特殊技能, 但就無時間? 真係去公園既時間都無。阿妹話暑假好開心, 因為可以瞓晏D同埋可以同猫猫玩, 你睇佢哋個願望係幾咁卑微, 我真係汗顏。


其實你响書局唔會有好多書有唔同版本, 來來去去都係賣得果幾本。至於點解要咁多本? 根據阿女既解釋, 係內容仔細度有分別。但又唔可以話揀一本最好既KO咗佢, 因為好似阿女為例, 唔通幼稚園就俾佢睇原著咩, 所以要睇程度, 幼稚園睇幼兒版, 等佢對個故仔有概念。到佢有興趣, 鐘意多D, 就買兒童版, 然後又有好多其他導讀/旁枝既書, 大D又可以睇青年版, 再大D咪睇下漫畫原文, 程度夠就可以睇原著。咁原著都有唔同版本, 有D深D有D易明D, 所以咪要有唔同版本囉。

greentea000

MASAYA 發表於 17-4-5 11:30
死後出版？杏林子死於2003年

呢本書有N多版本，公共圖書館就有2000同2008，同事仔女學校係2006。
盡量我會揀最新版，紙質、排版、彩色。。。全部都係睇書享受。另，唔係咁多細路仔坦然接受幾十年前既老古董，雖然新版內容不變。

little_yolky

IloveJJ 發表於 17-4-5 11:58
我又係有同一疑問：一樣係成語，睇咁多本做乜?因為嚟嚟去去，佢都係出嗰啲成語，再買又係重覆。
我屋企有 ...

咁緊係買D唔同成語啦, 有乜理由買本本都係果D成語。我識個國內才女, 人哋中學係玩成語接龍!!!!!! 佢話基本上係可以接到的。唔好好似我哋咁, 來來去去都係用得果幾個。