數學科突然多了careless mistakes

grandmalolo

個女數學科初小成績至小四上測考 維持 95- 100 , 通常錯解錯題,   今年小四下學 ,小測  100分, 84分 (末試過) , (解錯題 + 3 題  careless mistakes)   3月中期考92分(1題解錯 + 3 題  careless mistakes), 有私補。奧數比賽有獎.

有乜解決方案?

1998Ruby1998

奧數比賽攞到獎代表數感唔差，解錯就即係有 concept 未清（要同私補老師講），粗心大意就人人都有，問題多定少。

解決方案好多種，最常見係罰錢，如果小朋友有零用錢的話，一個 careless 罰 ＄1 （平日私補老師提供嘅練習都要罰），考試測驗一個罰＄5，罰得多就會更小心。我數感差，又粗心大意，以前係補習中心罰左兩年先可以完全冇 careless。

siden

我覺得佢已經叻過好多人。

happy105

1998Ruby1998 發表於 17-3-23 21:11
奧數比賽攞到獎代表數感唔差，解錯就即係有 concept 未清（要同私補老師講），粗心大意就人人都有，問題多 ...

真係work! 返工如果一唔小心老闆就扣糧咪好大壓力。有時做錯自己都唔想！不過你有成功例子可能方法對岩人就ok
其實樓主個小隨朋友已經好叻，不過高小啲野真係深啲! 解釋多幾次比佢知應該無問題

1998Ruby1998

回覆 happy105 的帖子

當然啦，個個人都唔同，但係總有一個方法去解決。不過罰錢呢個最多人受用，效果都比較易見。感覺同遵守校規相似，做得好就冇事開開心心，犯規就一定罰。罰過就長記性，下次避免。
我都覺得樓主女女數學好好，我高小最高分都係得 96，平日有 80 以上就收貨。

只要小心睇題目，畀多幾條同樣性質嘅題目去參考，等佢摸熟題目字眼、關鍵位同埋陷阱就應該 ok。可能做卷心急，check 卷可能只係睇兩眼，冇一題一題咁當自己再做多次咁睇。

小曳人

唔駛咁緊張，我個上次測驗80分添！
明知佢識，但就係錯埋d傻嘢，叫極check 卷都係時好時壞，我已"放棄"
基本上我唔會再理佢數學搞d乜，80分攞嚟笑佢：成個數學校隊，睇怕都未試過有人測考得80分咁低！

grandmalolo

回覆 1998Ruby1998 的帖子

四下第一次小test 100分,、, 2個topics,  第二次小test, 插水至84, 因1題careless已失8分。吾知會不會有了失誤後，她已不開心，我數差，平日靠補習和自己上堂留心，所以3月考都是只有92, 末知最高的，又是careless mistakes,上學期最高是她，考有100分,不小心好像受了一次打擊陸續發出來。她要挽回對數的自信心！

小曳人

家長，睇嚟你要開導佢情緒，而唔係處理數學分數嘅問題喎~
阿女有完美主義傾向？！
平時無輸嘅經歷？！
小心~小心~

retriever

小曳人 發表於 17-3-24 10:57
唔駛咁緊張，我個上次測驗80分添！
明知佢識，但就係錯埋d傻嘢，叫極check 卷都係時好時壞，我已"放棄"
基 ...

可能你化左，從小到大一般仔會較大意。

樓主果個係女，未必接受到“不小心”

Jane1983

我女數學一向好好，小一小二次次測考都係～100分或者錯一題。今年小三，第一次測驗又係大失手，得八十幾分，但份卷有同學100分的，即時唔太深。考試去番96，但平均分已拉低好多。

佢既原因係佢地學生年年大兜亂，佢的best friend去咗隔離班，未搵到啱玩的人，而一個佢好憎的男同學，又坐佢斜對面，所以日日蚊蚊憎憎，唔得集中卦。

小曳人

retriever 發表於 17-3-24 12:25
可能你化左，從小到大一般仔會較大意。

樓主果個係女，未必接受到“不小心”

係，我睇化哂
但如果小朋友太在意得失，會唔會因果有外在因素？
要佢地唔會輸唔起，首先家長一定唔太在意得失

依家d細路太玻璃心，如果跌低能夠企返起身，當然好啦！但如果個個都要佢企，反而會有壓力！
壓力太大，小心....

真心怕佢生命當中會有其他失意，到時就知數學幾多分真係微不足道.... 記住，佢係識嘅！咁已經好夠

小曳人

搞清楚，係阿女想揾人幫佢解決呢個問題：唔小心，低分

定係家長心痛，阿女自信心減弱，所以好想幫佢解決問題！呢度要好有技巧，做唔好，壓力仲大，自信心打擊更大！(阿媽已經教我點點點，我都仲咁...)

bobbob

retriever 發表於 17-3-24 12:25
可能你化左，從小到大一般仔會較大意。

樓主果個係女，未必接受到“不小心”

唔通男仔女仔真係咁唔同？
我仔前次測驗攞8x分，當堂喊咗出嚟，我話抵佢，跟住2次小心啲又攞滿分，佢仲話唔明點解當初咁激動，其實都係好小事。

小曳人

bobbob 發表於 17-3-24 13:01
唔通男仔女仔真係咁唔同？
我仔前次測驗攞8x分，當堂喊咗出嚟，我話抵佢，跟住2次小心啲又攞滿分，佢仲話唔 ...

女仔多數思想較敏感，而原美主義者亦多數係女仔，男仔唔多重視細節

JustAParent

grandmalolo 發表於 17-3-24 11:12
回覆 1998Ruby1998 的帖子

四下第一次小test 100分,、, 2個topics,  第二次小test, 插水至84, 因1題carele ...

我希望你明白一件事， 數學， 只有對或錯，沒有所謂careless mistakes。 如果你給小朋友無限時間， 所謂的"careless mistakes" 基本上都會消失。 這樣只反映一件事， 你小朋友對有關topic未夠熟練， 時間緊迫下可能估，可能撞，亦可能skip了某些平時會做的steps等等。

我從來不建議小學生不斷操練操到完美100分。 最後的10分8分，小朋友可能就要用多幾倍力去練習去爭取。值唔值得？就見仁見智了。 不過，有一件事我可以肯定，叫小朋友"小心啲" / "睇清楚啲" 係冇用既。

grandmalolo

回覆 小曳人 的帖子

她不聰明但好努力讀書，老師話佢好留心聽課，想付出便有成果，青春期早熟好敏感，我要上班，小二巳開始平曰做功課，各科小測默書，自己温(佔少少)，大考先幫她。現在我也要調節心情同她面對！……當呈分前一個考验！😥

3年级試玩比赛，無學，買書做，今天校隊有免費training,可能怕被學校從校隊抽出她。

October.

JustAParent 發表於 17-3-24 13:41
我希望你明白一件事， 數學， 只有對或錯，沒有所謂careless mistakes。 如果你給小朋友無限時間， 所謂的 ...

我都曾經聽老師講過,沒有所謂的"不小心", 有"不小心" 是能力未夠既一種表現。

樓主小朋友只是缺乏每次皆取100分的能力, 分數已經不錯了, 有必要次次都100分嗎?  

1998Ruby1998

回覆 JustAParent 的帖子

我都聽過呢個說法，不過我就有少少保留。因為我係 careless mistake 嘅高手。漏單位、加減號同埋數字排序調轉（但係最尾答案係計正確，係我寫錯）、計「大數」漏左／多左一個 0。我做卷好慢好淡定，最尾都有時間剩同埋每做一題都 check 同埋大 check，不過 check 卷又係眼大睇過龍果隻。我又唔屬於時間緊迫之下估，呢 d 真係 careless 到激死阿媽。 好似你咁講，畀足夠時間同埋多d 練習，會減少好多呢 d 問題。
不過樓主女女應該唔係我果種 careless，係時間緊迫，趕做下一題，check 卷又唔夠仔細。
不過如果樓主都話女女有機會係怕奧數隊下年冇佢份，可能佢自信心係數學呢方面建立。呢個現象好常見都好正常，如果畀多少少心機落操數，攞到最後的 10 分 8 分可以令佢開心有自信而佢又唔怕操唔怕辛苦，我覺得係值得。同意講「睇清楚 d」同「小心 d」係冇用，阿媽日日講，我照樣錯。

1998Ruby1998

回覆 grandmalolo 的帖子

我明白果種想每次都做到最好、完美果種想法，尤其係數學，攞到 100 分果種征服感好大！我有個朋友係呢種人，攞唔到滿分／高分會好嬲好不滿（因為上到中學之後唔係咁多科可以攞滿分），所以佢會好專心聽書，功課備課做足曬（佢又冇咩操練），所以年年都全級考頭 20。
不過你同女女考試前（依家未考試，就可以試下），每次一坐低溫書深呼吸一大啖，大聲同自己講「我有信心做到最好」，臨考試果陣都可以試。呢 d 睇落好奇怪，但係可以舒緩到壓力同埋令自己有能量同自信去做。呢個我朋友次次考試溫書都咁做，自己試過，都感覺良好。

Jane1983

我女果次的careless mistake係題目話750，佢當700咁减，佢計得正确但無用。又有計好答案，但抄落去抄錯，如3085，佢抄咗3805。好彩都係一次痴綫。