天神嘉諾撒小學

wtyedu

我都知有個小一的轉校了, 不過佢的情況有啲特别，因幼稚園轉校有阻滯，基本上冇讀K3，所以上小一後跟得辛苦而失去信心。據了解其實仲有人成績差過佢，不過可能父母寜願小朋友轉換環境試試。其實個小朋友好聰明的，作為佢的同學家長我都有啲失落。

其實去年我都跟樓主一樣有點不安，亦出個post問前輩，樓主都可以search番，不過上了大半年覺得還可以的。重要的是真的要有閱讀習慣，啲能力係會慢慢發揮出嚟。

Happy_J

路過。。。
純粹上學期的話，如果聰明又肯溫習，應該追到，但我相信下學期明顯教得快咗、深咗，如果個底打得唔「穩」，應該會相當吃力，尤其中英文。

sissysze

karen55407 發表於 17-3-26 15:58
唔想一下子嚇怕佢？有一個old girl小一第一次派成績表，滿堂紅，唔知會唔會一下子嚇親呢？
...

相信唔使等上學期成績表，分班試成績都應該會嚇親

suzuki12

siden 發表於 17-3-26 16:34
「一直沒有上任何校外既academic補習班, 知道入了天神後, 亦沒有打算上任何預備班, 我地既心態係吾想一下 ...

網上留言真要識得分真偽，要小心過濾，唔係時間一過就恨錯難返

se6b03

純粹路過，有感而發。

講真如果唔計叩門入，入呢間果批學生只係經派位入，唔同入直私果批經過面試甄選。理論上，係程度方面有差別係好正常，如果本身個小朋友只係讀普通學券幼稚園，無補底，但只要係無ADHD及SEN之類，應該都會跟得上。學校唔應該小一上學期一開學就假設學生一定已經學識晒上學期既野而教快教深。

打個比喻，小一入學好比田徑賽跑起步，偷步要被取消資格。

果d一早已經識晒既人，我覺得只可以當佢係比賽偷步。無理由人地偷步，老師唔吹罰偷步果位，仲讚佢叻。但現時既情況係，我無跟佢一齊偷步，依返正常學習進度，老師反而怪責我點解上小一之前仲未學識，呢d係乜野道理？

twlo

如果小朋友又聰明，又肯温習，讀咩學校也可以

MrBeast

好多香港人昨天已發完夢，不過就算sfa 都有學卷kg+雙職父母，有幾多做到，自己諗
ps 唔好愛佢變成害佢就得

qooqoobaby2010

天神只有英文教快一年！ 一開學已經用p.2書， 如果我囡自行入了，襯尼半年追一追英文，k3 仲算得閒，好過開左學先慢慢追

siden

twlo 發表於 17-3-27 10:16
如果小朋友又聰明，又肯温習，讀咩學校也可以

Agree

但現實不是個個咁完美

ok3

se6b03 發表於 17-3-27 09:47
純粹路過，有感而發。
講真如果唔計叩門入，入呢間果批學生只係經派位入，唔同入直私果批經過面試甄選。理 ...

我對嗰D教快一個學期, 甚至一年嘅學校都唔係好認同(尤其官津校, 學生差異較大嗰D). 但現實係學校自己都要睇住份成績表做人. 現今資訊發達, 家長好容易就知道邊D學校係教快教深, 你如果唔認同都仲揀佢, 又可以怪邊個? 另外學生超前學習點可以話人偷步犯規?! 學習唔洗花時間下苦功? 只可說對手嘅準備功夫比你做得更好. 人地花時間練習時, 你去吃喝玩樂大覺瞓. 你同人跑得一様快(甚至更快), 我反而覺得冇天理

Happy_J

ok3 發表於 17-3-27 11:13
我對嗰D教快一個學期, 甚至一年嘅學校都唔係好認同(尤其官津校, 學生差異較大嗰D). 但現實係學校自己都要睇 ...

同意。
間間學校都有好有唔好，揀得都起碼了解過，唔好入咗又要話狂谷、教快。
每個小朋友學習能力有不同，一樣咁教，都有人吸收快、有人吸收得慢，家長應該清楚自己小朋友，搵間適合嘅。
幼稚園間間課程不一，程度梗有分別啦，咁暫時識多少少就算偷步犯規？ 咁要唔要DQ 呢？

Yanamami

valentinored 發表於 17-3-25 20:38
小女是讀緊有學券既Happy School的, 一直沒有上任何校外既academic補習班, 知道入了天神後, 亦沒有打算上 ...

唔知升小－果个summer要做五本暑期作業对happy kindie既学生会唔会吃力？

twlo

siden 發表於 17-3-27 10:57
Agree

但現實不是個個咁完美

但係好多家長會認為其他小朋友可以，自己嗰個也可以。一句到尾：人比人，比死人。

Jane1983

我女係讀EK好多人覺得hea玩的私立幼稚園，同屆有同學仔去天神。個女仔幾叻幾活潑，佢媽係舊生，都有話覺得個女唔一定適合。但考完一輪學校，發覺計埋學費、雜費，仲有亞妹跟尾，好難有更好選擇....幾年下來，個妹妹讀得好好，亦鍾意學校，不過亦睇得出讀書係佢地家庭好重要的一件事，no free lunch。

hkpapa852

se6b03 發表於 17-3-25 10:53
想問下，香港既一條龍中小學，通常係一對一。但好似St.Mary呢類一對二，一間中學同時跟St.Mary及天神接龍既 ...

真正無任何直升要求就可以直升既一條龍學校只有津校, 亦只有呢一批:

http://www.edb.gov.hk/tc/edu-system/primary-secondary/applicable-to-primary-secondary/through-train/sch-list.html

se6b03

hkpapa852 發表於 17-3-27 14:04
真正無任何直升要求就可以直升既一條龍學校只有津校, 亦只有呢一批:

http://www.edb.gov.hk/tc/edu-system ...

唔該晒！

不過話就話一條龍可以無任何直升要求，但又見到下面張通告寫住小六學生如果未能達到某d要求，仍有機會未能原校升中。相信好似天神或St. Mary呢類學校，應該都好難坐定粒六原校升中，校方可能會千方百計令到成績差果批無法原校升。

http://ktkc.edu.hk/it-school/php/webcms/public/index.php3?refid=1375&mode=published&nocache&lang=zh

hkpapa852

se6b03 發表於 17-3-27 15:11
唔該晒！
不過話就話一條龍可以無任何直升要求，但又見到下面張通告寫住小六學生如果未能達到某d要求， ...

呢個一條龍微調安排EDB一早公佈咗, 其實小學只可以要求不達標學生"留班".

http://www.edb.gov.hk/attachment/tc/edu-system/primary-secondary/applicable-to-primary-secondary/through-train/TT%20Circular_c_App%202.pdf

留班係下年依然可以直升 (因為只能留一次班).

所以入到去小學, 去到小六頂多讀2兩小六就一定可以上龍中

不過要讀幾多年先去到小六, 同中一升唔升到上中二, 就係另一回事

Felix223

其實家長為個女選擇得天神之前, 自己係要考慮在學術, 時間自己能否作出配合, 正常地有心機讀都可以應付.

CMMM

升小一的暑假,學校會派幾頁紙叫你温,分班試會考,老師話分班試主要是看看家長能否配合學校去提升子女成績...
Happy Kinder 未必跟不上,資質好重要.有人追得叫苦,有人也算輕鬆.
天神上到高班好難拿高分,學校俾分好死,跟marking scheme唔同就冇分...附近補習社有齊天神 D test 嘅 past papers,可以看看.
天神老師是有愛心的.學生大部分都乖巧,不過因為整體氣氛重成績,低年級已經好有鬥心,看分數好重.
對學業有高要求,天神一定完滿足到你; 想更多培養孩子高堦思維、創意和presentation skills,可考慮其他學校.

hha

呢間真係冇free lunch, 入學試唔達標已經要見家長，小一測考已經大量不供詞填充或寫句子(中文同常識都係），英文教快一年，數學題亦係轉個彎嗰d⋯⋯個底差嘅真係可以成份中文卷0 分。我朋友個女名列前矛都一家跟得唔輕鬆。

當然，我覺得讀得掂係值嘅，勤奮六年換來B1AA中學，仲要12年免費，只專注跟到學校進度，唔使名列前矛，唔使花金錢/時間/心機去操體藝，亦唔使準備升中面試等派彩瞓唔着，已經幸福過好多人了！