溫書做功課唔集中, 睇電視好集中, 算唔算專注力不足

愛德華一世

溫書做功課唔集中, 睇電視好集中, 算唔算專注力不足 thx

wan_sosin

絕對不能用樓主你一句說話就可以作判斷，你不如先問問學校老師。

phoebewong123

看電視不計

1998Ruby1998

呢個情況好多人都有，讀書／工作唔專心，打機／睇電視就好專心。

我阿媽同老師都懷疑過我專注力不足，醫生問左幾個問題：

讀書成績有冇排尾三？  冇，中下。
係咪所有科目都考得差？  唔係。
睇電視／打機／睇書／興趣專唔專心？ 好專心。

結果醫生話咁樣我唔似係專注力不足，只不過係比其他人弱，訓練下就得。

不過當然，單憑你一句話，真係唔可以做判斷，都唔好上網睇症狀然後自行斷症，可以問下學校老師。

再唔係，可以試一試呢個方法（醫生講話呢個可以大概測試到，我唔知得唔得，不過可以一試），100-200 拼圖如果唔可以一口氣拼完，有機會專注力弱但係問題唔算大，如果中間遊雲、坐唔定，就可能係專注力不足。

Tintin926

1998Ruby1998 發表於 17-3-16 18:29
呢個情況好多人都有，讀書／工作唔專心，打機／睇電視就好專心。

我阿媽同老師都懷疑過我專注力不足，醫生 ...

唔明，請詳述
唔可以一口氣砌完，大多原因咪就係雲遊和坐唔定囉！
咁點分弱但問題不大或不足呀？

如小朋友又冇雲遊又坐得定但一口氣都砌唔完，我覺得問題仲大，應該係智力問題喎！

1998Ruby1998

回覆 Tintin926 的帖子

Sorry，我講得唔夠清楚。

有一類小朋友會好專心一口氣完成。

有一 d 小朋友砌到半路，覺得悶／tedious task，但係抖一陣會隔硬強迫自己繼續砌埋佢，呢種係專注力比較弱，弱不能等於不足，問題唔大，只係需要訓練、歷練一下。
但係有一 d 就每砌兩砌就食濟左咁，唔願繼續落去，就算抖夠都會搵 d 藉口（食野、飲水、去廁所），dum 波鐘，或者對住拼圖遊雲冇行動，要人軟硬兼施、半推半鬧先可以完成到。如果係咁，好大機會係專注力不足。


希望解釋得清楚啦。

wan_sosin

1998Ruby1998 發表於 17-3-16 18:29
呢個情況好多人都有，讀書／工作唔專心，打機／睇電視就好專心。

我阿媽同老師都懷疑過我專注力不足，醫生 ...

其實現在有些科學化D嘅方法去測專注力，例如播放一些不同間隔和次數的聲音,然後要測試嘅小朋友去數有幾多下。
用成績來衡量都唔太可以作準，見過有例子是因為個小朋友聰明，所以點都差唔到底，上到中學課程深先開始現形。
如你所講，有些人只是專注力弱，嚴重些是不足，但另有一類是專注力失調。
人腦好複雜好奇妙。

bobbob

1998Ruby1998 發表於 17-3-16 18:29
呢個情況好多人都有，讀書／工作唔專心，打機／睇電視就好專心。

我阿媽同老師都懷疑過我專注力不足，醫生 ...

邊有人咁斷症？

1998Ruby1998

回覆 bobbob 的帖子

公立醫院醫生 (雖然斷症方法離奇，但係好彩佢咁講，唔係的話阿媽真係會踩過火)
不過我都知我唔係專注力不足，我對鍾意嘅野可以對成日，廢寢忘食，不過就唔係讀書呢方面而已，但係知道依家香港學生生命超過一半奉獻左畀讀書，而且科技產品好容易會令小朋友腦部持續興奮，需要更多腦刺激，書本相比之下唔係咁能夠刺激大腦，所以先會畀人感覺專注唔到，同埋成晚對住咁多功課，仔女唔攰，父母都攰。

從補習得知，初小學生專注力大概 20-40 分鐘，高小就 30-60 分鐘，所以我中間一定要畀佢地「落地」10 分鐘（我都要抖氣 ）

wan_sosin

1998Ruby1998 發表於 17-3-17 01:20
回覆 bobbob 的帖子

公立醫院醫生 (雖然斷症方法離奇，但係好彩佢咁講，唔係的話阿媽真係會踩過火)

小學通常兩至三堂才有小息，轉堂唔比傾偈，走出位當然更不可，即是最少要持續一至一個半小時的專注，有幾多個小朋友真正做到？跟住學生自然會開始做些不同小動作，老師就開始鬧學生曳，唔留心上堂，周而復此，係個課室困獸鬥。
你當年睇嗰個可能只係普通兒科醫生，並非精神科醫生或真正專業評估，我仔當年一見就三個醫生，我聽到佢哋細細聲商量，有兩個似乎意見不一，最後當然高級嘅話事。

bobbob

1998Ruby1998 發表於 17-3-17 01:20
回覆 bobbob 的帖子

公立醫院醫生 (雖然斷症方法離奇，但係好彩佢咁講，唔係的話阿媽真係會踩過火)

係咪睇精神科？普通科斷唔到症，even見cp/ep都要起碼幾個鐘臨床觀察先可以斷症，唔係單單問埋啲咁layman嘅問題就可以。

miriam

有懷疑係搵專家做評估, 單純用睇電視好專心係唔會準.

有邊個小朋友鍾意死咕咕咁對住功課幾個鐘, 就算係你都頂唔順喇.

做評估係有一份問卷要由學校老師填埋課堂表演, 家長亦都有一份長到你都覺得悶既問卷要做, 再由 CP/EP 對住小朋友做評估, 終合三方面既資料先可以出報告.

little_yolky

wan_sosin 發表於 17-3-16 16:17
絕對不能用樓主你一句說話就可以作判斷，你不如先問問學校老師。

我都好confuse, 我成日覺得阿細專注力有問題(佢真係可以做功課發呆, 溫書遊魂於天際之間), 家長日問班主任學校既情況, 佢又話佢有遊魂, 但情況正常, 個個小朋友都係咁, 佢識得回魂, 所以我都好困擾。

愛德華一世

IloveJJ 發表於 17-3-16 23:42
樓主，如果你有懷疑，建議你借本有關專注力既書嚟睇。我當年都有咁既懷疑，借咗本書睇，就清楚明白有咩分 ...

可以推薦係咩書嗎 ? thx

MrBeast

印象中小朋友attention span = age x 1 min，以現今小學課程和功課量，若積埋返屋企做，真是不會足夠。

Joking aside ，應該有些行為量表自己作初步評估，googke 下

mimi1102

IloveJJ 發表於 17-3-16 23:42
樓主，如果你有懷疑，建議你借本有關專注力既書嚟睇。我當年都有咁既懷疑，借咗本書睇，就清楚明白有咩分 ...

請問你仲記得書名嗎?

wan_sosin

little_yolky 發表於 17-3-17 10:36
我都好confuse, 我成日覺得阿細專注力有問題(佢真係可以做功課發呆, 溫書遊魂於天際之間), 家長日問班主任 ...

有無寫句子但抄漏個字，或抄抄下抄咗第二度？
有無唔記得今日要做嘅事情？
經常遺失東西？
同佢連續講3,4個指令，佢唔能夠記得到，做咗第一個，唔記得第二個？或做做下唔知做乜走去做第二樣野。
經常碰碰撞撞，整跌東西。
以上只係觀察個大概，都要見專業人仕去斷定。

little_yolky

wan_sosin 發表於 17-3-17 10:50
有無寫句子但抄漏個字，或抄抄下抄咗第二度？
有無唔記得今日要做嘅事情？
經常遺失東西？

有無寫句子但抄漏個字，或抄抄下抄咗第二度？<====成日抄英文生字抄漏字母, 但中文唔會
有無唔記得今日要做嘅事情？<===========無, 佢雖然上堂遊魂, 但老師交待所有嘢都會記得, whatsapp谷入面其他媽咪既問題佢全部答到
經常遺失東西？<==========無
同佢連續講3,4個指令，佢唔能夠記得到，做咗第一個，唔記得第二個？或做做下唔知做乜走去做第二樣野。<========會記得指令, 但亦會做做下去咗玩, 不過佢仍然係記得指令
經常碰碰撞撞，整跌東西。<=========無

wan_sosin

little_yolky 發表於 17-3-17 10:36
我都好confuse, 我成日覺得阿細專注力有問題(佢真係可以做功課發呆, 溫書遊魂於天際之間), 家長日問班主任 ...

有些小朋友不是不能專心，只係容易分心，我仔就係這類，所以當攞走容易令佢分心嘅東西，無野干擾佢，佢就無大問題。佢睇書要在家睇，出街就睇唔到，唔會比佢平時打機，佢温書屋企要靜晒，好在得一個，否則另一個一定會嘈到佢。
所以家長在未有專業判斷前，都可以自己留心下小朋友，那些方面對小朋友有幫助，介紹你睇一本書"分心就該這樣教"