英文的「不供詞填充」

retriever

shadeslayer 發表於 17-4-6 12:37
主要用填充等練習操出來的, 難有高水平。

先唔講係咪高水平.

如果多睇書都做到, 就算準繩度或效率差D.

就無必要操題去達成.

shadeslayer

greentea000 發表於 17-4-6 13:23
回覆 little_yolky 的帖子

如果你有睇我個post，我考試果幾日係晚晚睇電視，下午訓覺，咪話睇閑書，淨睇電 ...

小女會抱佛腳, 但考完第一時間同同學玩。我問：第一科咋喎, 佢話也要興祝。

greentea000

shadeslayer 發表於 17-4-6 13:55
小女會抱佛腳, 但考完第一時間同同學玩。我問：第一科咋喎, 佢話也要興祝。
...

要慶祝架，終於捱完一科嘛，哈哈！
臨急抱佛腳係一種技能，唔係人人得，起碼記憶力超人，自己就唔得，咪死死地氣提前溫習囉！:thinking:

greentea000

retriever 發表於 17-4-6 13:53
先唔講係咪高水平.如果多睇書都做到, 就算準繩度或效率差D.

其實你已經講出左兩大分別/重點，（1）睇書針對性低，（2）睇書效率低。咁一定有人選擇更有針對性更有效率既方法囉，時間寶貴，而家要周身刀把把利架！

day_bo

retriever 發表於 17-4-6 13:53
先唔講係咪高水平.

如果多睇書都做到, 就算準繩度或效率差D.

Agree. 睇書可真正提升語感，到高小、中學語文好的學生通常語感好，而語感好是自小培養出來。

little_yolky

greentea000 發表於 17-4-6 13:46
回覆 little_yolky 的帖子

又好奇一問，你做小學生果陣同你兩個女唔同嗎？

點可以用我小學生果陣同佢哋比, 我幼稚園開始已經習慣「每日」自動自覺溫習。小學時, 暑假會先睇晒一個學期既教科書, 然後上堂極留心, 所以上堂當溫習, 每日放學turbo做好功課又溫習當日教過同埋預習明天會教的, 所以測考前當然唔駛再溫書、抱佛腳, 仲可以繼續看電視, 因為我有plan丫嘛。

BTW, 我無幫阿女做時間表溫習, 因為C6一收到測考默schedule, 就會剪晒紙條貼响月曆度, 阿女會自己睇住做人, 自己安排時間溫的。阿妹就要提下佢溫書, 考前幾日同佢溫下。但雖然話預早已準備咗, 但考試果幾日, 做樣都要攞本書出嚟睇下吧。個大既就睇閑書, 細既就同猫玩。

little_yolky

greentea000 發表於 17-4-6 13:26
回覆 little_yolky 的帖子

好奇一問，你會利誘佢做練習嗎？

有無搞錯, 已經浪費我既金錢買練習佢做, 仲要利誘????? 做咗成績好係佢既事唔係我既事, 點解我仲要利誘佢做D對佢有益既事?:anger:

greentea000

回覆 little_yolky 的帖子

拿，因為你唔係虎媽我先敢講咋！ ^^
本練習係你自己買唔係女叫買，咁佢唔主動做係好正路，而你又唔會威逼利誘佢做，佢又無如你所願生性識諗，咁本練習最終作用就係安慰劑，化解你無發功既焦慮。你會認為自己已盡責任，心裏面好過D。

又，佢成績好你亦受益，近益心情愉快，遠益佢學有所成有份好工唔使啃老仲分分鐘有家用收。

greentea000

回覆 little_yolky 的帖子

已準備咗, 但考試果幾日, 做樣都要攞本書出嚟睇下吧。<<< 呢種表面功夫係為咩同為邊個而做呢？

你係自燃人，你女係可燃人，你用自己既標準去要求佢係徒勞無功，仲一肚氣。

shadeslayer

greentea000 發表於 17-4-6 14:13
其實你已經講出左兩大分別/重點，（1）睇書針對性低，（2）睇書效率低。咁一定有人選擇更有針對性更有效率 ...

係顧全長遠利益的人小, 只急攻近利的人多。

greentea000

shadeslayer 發表於 17-4-6 16:01
係顧全長遠利益的人小, 只急攻近利的人多。

咦，乜有父母係叫仔女只做練習唔閱讀/只閱讀唔做練習，唔可以兩樣都做咩？

shadeslayer

greentea000 發表於 17-4-6 16:06
咦，乜有父母係叫仔女只做練習唔閱讀/只閱讀唔做練習，唔可以兩樣都做咩？ ...

有, 小女幼時不做課外練習, 一張也無。

有需要, 小量練習也無可厚非。太多則有害。

little_yolky

greentea000 發表於 17-4-6 15:44
回覆 little_yolky 的帖子

拿，因為你唔係虎媽我先敢講咋！ ^^

本。練。習。係。佢。叫。我。買。的。

因為佢見同學仔個個阿媽都幫忙溫習 / 有補習, 佢得自己溫, 所以好似唔安樂咁, 係佢叫我買的！似係佢安慰劑多D。上學期考試, 佢preposition錯得比其他多, 所以叫我買本佢做, 另外, 中文閱讀理解練習亦係佢叫我買深一個學年做。只有數學係我「順手」買埋的。


其實佢既成績我已經相當滿意, 我要求好低, 唔會要佢考第幾, 係佢對自己唔滿意而已。

greentea000

回覆 little_yolky 的帖子

哦，明白！^^
咁你女有無講為咩買左又唔做？會不會佢feel到你已經滿意佢成績，唔使再進步？

因為佢對自己評估計不足，欠缺執行力。如果係我，佢叫買又唔做，點都要有個合理解釋。又或者叫佢俾返錢我，教訓下佢，要自己承擔後果，下次佢再要求買Ｄ咩學習相關就會三思。

MrBeast

little_yolky 發表於 17-4-6 16:31
本。練。習。係。佢。叫。我。買。的。

因為佢見同學仔個個阿媽都幫忙溫習 / 有補習, 佢得自己溫, 所以好 ...

軟硬兼施，有冇玩過伴讀和補充練習crossover?  ie 讀題目佢聽，佢講個答案就得，我講都覺得有d變態，但若其他藥無效，不防一試

greentea000

回覆 MrBeast 的帖子

小一、小二阿媽係咁幫我溫習，佢讀題目我口講答案，都係比較輕鬆既方法。

little_yolky

greentea000 發表於 17-4-6 16:43
回覆 little_yolky 的帖子

哦，明白！^^

勤力既小朋友, 有時都會偷下懶。唔做, 咪就係懶LOL。有時間鐘意睇閑書都唔做練習！

小朋友個腦仔實在唔知諗乜的。其實係佢自己想再進步, 我 & C6 & 老師對佢既成績已經滿意, 進步當然好, 保持亦無妨, 不過, 佢想進步但又唔會諗辦法點樣可以進步, 每次都係衰咗至學得識, 唔會從旁人經驗中學習。好似剛剛噚日中默, C6晨早已經提咗佢創意默寫要早D準備, 佢就係唔聽, 臨考前一晚至寫。咁, 噚日默書係實習老師, 同平時唔一樣, 老師無提佢哋仲有幾耐夠鐘, 又無俾時間佢哋check, 所以, 10個創意默寫只寫得切4個, 咁咪抵囉。返到屋企喊到眼都腫埋, 仲改咗名姓賴, 賴實習老師無俾夠時間。咁我咪又承機話佢無早準備囉, 機會係留俾有準備既人既。

little_yolky

MrBeast 發表於 17-4-6 17:31
軟硬兼施，有冇玩過伴讀和補充練習crossover?  ie 讀題目佢聽，佢講個答案就得，我講都覺得有d變態，但若其 ...

你估我儍架? 自找苦吃, 佢唔做咪唔好做囉, 佢成績唔好又唔係我成績唔好, 做乜要皇帝唔急太監急, 佢自己要識安排時間溫習同埋學習用咩方法提升自己既成績, 補充練習都要伴讀? 實在變態。


BTW, 今年開始, 佢要求我哋同佢溫常識, 我見C6係同佢用呢個方法溫, 一邊問佢一邊答, C6問到窿窿la la, 所以佢今年常識好高分。

shadeslayer

little_yolky 發表於 17-4-7 09:38
勤力既小朋友, 有時都會偷下懶。唔做, 咪就係懶LOL。有時間鐘意睇閑書都唔做練習！

小朋友個腦仔實在唔知 ...

小孩最叻係由錯誤中學習，說教式無乜用。

greentea000

little_yolky 發表於 17-4-7 09:38
勤力既小朋友, 有時都會偷下懶。唔做, 咪就係懶LOL。有時間鐘意睇閑書都唔做練習！

小朋友個腦仔實在唔知諗乜的。其實係佢自己想再進步, 我 & C6 & 老師對佢既成績已經滿意, 進步當然好, 保持亦無妨, 不過, 佢想進步但又唔會諗辦法點樣可以進步, 每次都係衰咗至學得識, 唔會從旁人經驗中學習。好似剛剛噚日中默, C6晨早已經提咗佢創意默寫要早D準備, 佢就係唔聽, 臨考前一晚至寫。咁, 噚日默書係實習老師, 同平時唔一樣, 老師無提佢哋仲有幾耐夠鐘, 又無俾時間佢哋check, 所以, 10個創意默寫只寫得切4個, 咁咪抵囉。返到屋企喊到眼都腫埋, 仲改咗名姓賴, 賴實習老師無俾夠時間。咁我咪又承機話佢無早準備囉, 機會係留俾有準備既人既。

睇完你呢段，我否認你女有想再進步既諗法。人係好複雜既，唔可以一面之詞去判斷，通常我會結合對方實際行動修正我既判斷。
經一事長一智已經唔錯，比果Ｄ同一地方重覆跌N次既人好太多。