應否幫小學生取得好成績?

palmchristy

其實一直都有掙扎, 雖然已經過左呢個階段, 就係: 究竟應否幫小朋友在小學階段取得好成績.

經驗話我知: 小朋友係可以透過早教及其他幫助, 在小學階段取得好成績的.  這個好成績, 與補習無關, 也未必關讀邊間幼稚園事, 而是靠家長跟緊一些.

點解咁問? 因為覺得小朋友的自信心, 某程度上同佢是否取得好成績有關. 見過一直保持好成績的小朋友, 細細個已經會有要求, 識得在學業上緊張, 因為唔想成績跌返落去, 所以唔會懶散.

但同時, 佢地好似燃燒緊未來的青春咁, 有時見到都覺得佢地辛苦. 一個階段的成功, 如果係建基於透支將來, 對成長未必係好事, 因為佢地總會有乏力的一日.

大家點睇?

1998Ruby1998

我都明白呢種感受。

不過「唔跌得落去」，好多小朋友會扭曲成「我唔失敗得」而唔係「我要 keep 住呢個成績來證明自己實力」。我見前者嘅學生唔少，佢地年年月月積聚嘅壓力，唔比大人少。

我覺得既然由父母決定，不如同仔女講，等佢地都有一半人生話事權。同佢地講：如果依家小學我地努力讀書，將來讀中學就會輕鬆d，因為你根基打得好過其他人，但係可能你呢幾年會讀得比較辛苦。如果我地依家輕輕鬆鬆過小學，將來中學多好多野讀，有機會因為其他同學小學已經準備好中學，你可能會追得辛苦。

咁樣黎等一家人一齊行量，我建議就劃個表出來，列出好處壞處，咁樣父母同仔女都清楚風險同回報，等埋有時間冷靜思考，公平討論，唔會「父母咩都話曬事，有佢講冇我講」。

hkpapa852

palmchristy 發表於 17-3-14 16:44
其實一直都有掙扎, 雖然已經過左呢個階段, 就係: 究竟應否幫小朋友在小學階段取得好成績.

經驗話我知: 小 ...

我既諗法係, 只要唔會令小朋友增加太多壓力, 我認為可以.

我自己到依家都無俾小朋友去補習, 只係安排小朋友參加佢地有興趣既興趣班(對升學完全無幫助).

想"谷"成績都只係買多幾本課外補充叫佢地做吓

Jane1983

學業成績係重要，小朋友係全職學生，讀書係佢的主要工作。

但追求呢個目標，唔應該係以透支，或者用晒佢所有時間谷恒佢去達到。我女無補習，但我唔反對人地補，但真係要有針對性。

MC1128

回覆 palmchristy 的帖子

我會從旁協助,  但目的不是要孩子跑前很多, 保持中間位置即可


升到中學, 又是另一階段

little_yolky

palmchristy 發表於 17-3-14 16:44
其實一直都有掙扎, 雖然已經過左呢個階段, 就係: 究竟應否幫小朋友在小學階段取得好成績.

經驗話我知: 小 ...

我又覺得小朋友有無自信心同佢係咪好成績無必然關係喎。

我大女小一成績都係一般, 不過佢對學業好緊張, 好努力, 因為我同佢講讀書要靠佢自己, 阿媽我唔得閑, 阿爸又只會教錯佢, 見佢努力, 我又會勁讚佢(原來呢個年代, 小朋友自己努力溫書做功課, 係好神奇既事), 所以, 佢又更加上心。呢個我覺得係性格既問題。至於佢既自信, 係由佢興趣班比賽得獎攞返嚟既, 同學業又無乜關係。


細女仲勁, 讀書唔多掂, 但自信心爆晒棚, 不過, 佢就真係間唔中要跟下, 唔係就真係可以錯得好離譜。但就算係錯得好離譜, 甚至唔合格, 佢都仲係咁有自信, 有時我真係好佩服佢既。呢D都應該又係性格問題。

little_yolky

hkpapa852 發表於 17-3-14 17:10
我既諗法係, 只要唔會令小朋友增加太多壓力, 我認為可以.

我自己到依家都無俾小朋友去補習, 只係安排小朋 ...

原來我又谷過你, 我有俾佢補英語會話。

MASAYA

進步比成功更令人成長，小學六年，我計劃慢慢進步到畢業之後自己飛，因為父母幫助而由頭帶到尾，到放手時佢係向下跌定向上飛，冇人知

MC1128

little_yolky 如果只係中間位置就收貨,直頭叫佢自己跑啦。

有時, 保持中間都唔係好容易

MrBeast

我見身邊某些谷谷例子，做到父母要求，會收到手指公和稱讚，起初子女係好受，亦受谷，正因為咁，如你所說，較有自信，但隨著成長，有自己主見，就開始反抗。所以我會覺得，這套only works if everything 順風順水。

on the other hand，若子女學習上遇到困難，父母有責任去幫。要子女成材，我念父母的involvement 對大部分家庭來說是絕對需要，有些人會選擇學業，有些就選擇處事態度和解難行先，當然後者亦有risk of 小朋友變hea 和缺乏目標

little_yolky

MrBeast 發表於 17-3-14 17:43
我見身邊某些谷谷例子，做到父母要求，會收到手指公和稱讚，起初子女係好受，亦受谷，正因為咁，如你所說， ...

係, 小朋友成長開始反抗真係好麻煩, 我果個無端端變得好黏身, 要我幫手佢學習同溫習。阿妹已經煩得我要死, 仲要同阿妹睇書, 真係邊有咁多時間理佢。

即時將個波丟咗俾C6, 但係, 我都係見C6揸住本常識書問佢問題佢答, 同佢自己溫都唔知有乜分別, 但佢就係都要黏住我哋, 反判期真係好奇怪, 唔知佢諗乜。

palmchristy

1998Ruby1998 發表於 17-3-14 17:08
我都明白呢種感受。

不過「唔跌得落去」，好多小朋友會扭曲成「我唔失敗得」而唔係「我要 keep 住呢個成績 ...

不過「唔跌得落去」，好多小朋友會扭曲成「我唔失敗得」

呢件事係會發生, 而且發展落去, 會好令人擔心.

至於劃表分析討論, 似乎高小係最後階段做呢樣野. 一到中學, 個回應相信係: 知啦, 你好煩!

palmchristy

hkpapa852 發表於 17-3-14 17:10
我既諗法係, 只要唔會令小朋友增加太多壓力, 我認為可以.

我自己到依家都無俾小朋友去補習, 只係安排小朋 ...

無補習好勁. 唔知有幾多父母做得到.

palmchristy

MC1128 發表於 17-3-14 17:20
回覆 palmchristy 的帖子

我會從旁協助,  但目的不是要孩子跑前很多, 保持中間位置即可

師姐, 到中學要向你請教吓.

palmchristy

little_yolky 發表於 17-3-14 17:25
我又覺得小朋友有無自信心同佢係咪好成績無必然關係喎。

我大女小一成績都係一般, 不過佢對學業好緊張, 好 ...

咁兩姐妹一定係有啲其他野做得好好, 並得到認同.

MC1128

palmchristy 發表於 17-3-14 18:05
師姐, 到中學要向你請教吓.

中學好多嘢玩, 另一個世界

學業上放手, 但不是對個孩子的教養放手。

其實, 家庭組合我們有點相似

judy

回覆 palmchristy 的帖子

我會建議盡量讓孩子正正常常、自自然然地讀書。正常作息、正常課外活動。不為測驗考測而讀書。

Jane1983

回覆 little_yolky 的帖子

反叛得咁sweet，我希望我女青春期都係咁就好啦!

greentea000

回覆 palmchristy 的帖子

問題係好多家長自己接受唔到仔女成績唔係最好，主動上刀山下火海，一分都不能少既唔係仔女。