應否幫小學生取得好成績?

little_yolky

Ahbee02 發表於 17-3-15 14:42
你阿細個腦裡邊裝左天線嘎！我個細既都係甘，佢地係有本事一心二用，個腦同時處理吸收吾同野。 ...

即係好似當年李國章咁, 响立法會一邊玩手機, 但又聽到議員講D乜.........但最後都係要俾人鬧。

palmchristy

judy 發表於 17-3-14 18:39
回覆 palmchristy 的帖子

我會建議盡量讓孩子正正常常、自自然然地讀書。正常作息、正常課外活動。不為測 ...

如果平時底子好, 做事小心的, 用這種模式學習問題不大, 呢個模式對佢地係理想.

但一般孩子本性上總是愛玩樂多於學習, 未懂分配時間, 不明白學習意義, 也未懂得如何處理堂上所學的知識. 如果佢地用呢種正常自然模式應付測考, 表現分分鐘嚇死人.

little_yolky

wan_sosin 發表於 17-3-15 13:27
到底老師口中嘅遊魂，是否判斷準確？老師總是覺得學生眼定定望實老師，先叫留心！其實四圍望唔等於對耳仔 ...

你講開呢樣嘢, 我又記起, 阿細同我有個共同點, 係發夢時人哋以為我諗緊嘢, 諗緊嘢時人哋以為我發夢。我都唔知點解人哋會有咁既誤解。有次, 陪阿細做功課, 佢揸住枝筆發呆, 俾我鬧咗佢一餐, 原來佢响度諗緊條數點計, 俾佢鬧返轉頭。

不過, 抄寫時揸住枝筆發呆就肯定係遊魂, 因為抄寫唔駛用腦既。

palmchristy

MASAYA 發表於 17-3-14 17:30
進步比成功更令人成長，小學六年，我計劃慢慢進步到畢業之後自己飛，因為父母幫助而由頭帶到尾，到放手時佢 ...

如果講進步, 咁會唔會一開始等個小朋友靠自己考出一個普通成績, 然後再引導佢地進步, 從而令佢一直保持進步?

放手的時機, 係藝術.

Yanamami

little_yolky 發表於 17-3-14 17:25
我又覺得小朋友有無自信心同佢係咪好成績無必然關係喎。

我大女小一成績都係一般, 不過佢對學業好緊張, 好 ...

Bingo! 我地学校行自信教育。希望每个学生有“－技之長”，从而增强自信，為自己建立目標｡有時係課外活到既比賽中獲得自信，甚至帶动学業｡

little_yolky

palmchristy 發表於 17-3-15 15:33
如果講進步, 咁會唔會一開始等個小朋友靠自己考出一個普通成績, 然後再引導佢地進步, 從而令佢一直保持進 ...

真係失禮晒, 我C6係用呢招。我哋自小一放手, 你知啦, 邊有人咁沙泡, 所以, 阿大當年個成績肯定係好極有限。佢小一考個28返嚟, C6話好丫, 年廿八, 洗邋遢。阿女你年年考廿八就得, 三十都無所謂, 你有二十八名既進步空間, 好輕鬆, 做人唔好咁辛苦, 年年考第一好大壓力既。到二年班, 因為個數學老師教得唔好(仲要連續兩年係佢教), 數學持續低迷, 考試仲驚現45！我哋沉著應戰, 一邊努力協助提升強項：即睇多D書。佢下學期都叫收復失地。
之後, 好彩三年級數學換咗個科主任教, 真係唔一樣, 解釋得好清楚, 咁佢就無咁憎數學, 各科亦持續地進步。可能, C6個諗法係啱既都唔定。

little_yolky

wan_sosin 發表於 17-3-15 14:39
你期望小朋友一心一意，但小朋友本質天生的。只係盡量在本質下揾方法做得好些。
有社工同我傾過我仔多心嘅 ...

咁你囝囝有無試過寫兩版抄寫做咗45分鐘? 成日行來行去攞擦膠、攞筆刨? 你點應付?


佢好離奇既, 如果當日功課好易做又唔多, 佢係做得勁快靚正既。但一有唔識, 佢就會click住响度, 唔會先做簡單果D先, 係都要諗到先會繼續, 已經話過好多次了。測考又係咁, 如果中途遇到唔識既, 佢會無晒心機, 唔會鬥志頑強, 專心做好其他, 份卷就唔駛恨, 無眼睇。

palmchristy

jumphigh 發表於 17-3-14 18:30
对小朋友，所谓幫是教孩子學習態度、技巧及方向，唔係小一至小六陪住佢温書叫帮。其實初小已經要帮他建立好 ...

大致認同.

只是今時今日的學習要求, 已經同我們讀書時期有很大分別. 即使在學習態度沒多大問題的情況下, 每個新學年的學習重點同方向已有點不同.  在小學階段如果唔幫 (特別是技巧上), 始終唔係好放心.

h0020345

回覆 palmchristy 的帖子

其實一向有留意你的blog及你的post, 你兩女是品學兼優，而你也是十分親力親為，用心教小朋友的好媽媽，是我心中一個好榜樣。
至於你提出的問題，其中一點要考慮，就是家長想不想放手讓小朋友用自己能力去經歷現實上有點扭曲的教育環境,去面對可能的較不理想成绩。真實人生都是多變及有高底，眼光放得越遠的家長較放心早d放手。

當然家長放手都要一直從旁睇實，看看要不要counsel  the kids n offer any help as necessary.

judy

我都甘認為。讀書係靠平時，吾係考試時靠父母去谷，去幫溫書。
但我又有D矛盾，一方面係孩子某些科目基礎沒有打好，甘父母係吾係由得佢而不作為呢呢？另一方面，我阿女今年小五，黎緊6月有第一次呈分試，呢D時刻，係放手呢還是都要谷一谷呢？

基礎未打好紧係要幫手啦，呈分試當然要着緊。

wan_sosin

little_yolky 發表於 17-3-15 15:32
你講開呢樣嘢, 我又記起, 阿細同我有個共同點, 係發夢時人哋以為我諗緊嘢, 諗緊嘢時人哋以為我發夢。我都唔 ...

可能想得太投入，人哋覺得好似無晒反應。

wan_sosin

little_yolky 發表於 17-3-15 15:53
咁你囝囝有無試過寫兩版抄寫做咗45分鐘? 成日行來行去攞擦膠、攞筆刨? 你點應付?

我隻仔好快手，因為佢個人好心急，甚少拖慢嚟做，但因為太快就好易錯，我最近經常提佢要慢D做準確D.
你細女比較介意自己唔識，男仔粗枝大葉，唔識就唔識，費事諗咁多。其實你細女可能都對自己有要求，只係唔明顯，佢未必真係最需要學術上的幫助，佢要有人關心掌握到佢心理，從而幫助佢。嗰D遊魂嘅位，到底佢想緊什麼，都可以去了解下。

little_yolky

wan_sosin 發表於 17-3-15 17:18
我隻仔好快手，因為佢個人好心急，甚少拖慢嚟做，但因為太快就好易錯，我最近經常提佢要慢D做準確D.
你細 ...

你講到阿細對自己有要求, 我又諗起一樣嘢。
上個禮拜, 阿大唱校際, 我直頭叫佢早退幫佢開聲。咁難得, 因為係小息, 我就事先約好阿妹响學校門口見。但等咗10分鐘都唔見人, C6話緊係掛住玩唔記得約咗我。我心裡納悶, 因為阿細最愛媽媽, 無理由既。咁我叫阿大上課室搵佢, 同佢講媽媽要走喇。之後, 好彩家姐個同學走過嚟同我講：XX上課室搵妹妹都無用喇, 原來佢俾副校捉咗走罰企。


咁我走過去罰企區, 見到阿細响度喊。原來佢落堂好開心, 即刻跑落樓梯諗住見媽咪, 但好衰唔衰去到操場俾副校見到, 話佢跑, 罰企！佢喊得好可憐。副校唔識我, 見到我攬住佢, 問我：佢喊呀? 我就用好凶既眼神同佢講：係呀, 我哋約好响門口見, 所以佢一落堂就行快兩步想落嚟見媽咪呀, 唔係玩呀！


最堅係, 原來阿細個位係見到我, 但佢故意呢埋, 唔俾我見到, 然後自己喊, 話唔想俾媽咪見到佢俾人罰企, 真係吹脹。我叫佢下次如果再有咁情況, 要大叫媽咪, 等媽咪去救佢。

wan_sosin

little_yolky 發表於 17-3-15 18:36
你講到阿細對自己有要求, 我又諗起一樣嘢。
上個禮拜, 阿大唱校際, 我直頭叫佢早退幫佢開聲。咁難得, 因為 ...

只係咁細嘅妹妹，好可憐! 做呀媽真係心痛!
細妹其實好乖女，比我個仔，一定會同副校講原因，要求放人。

MASAYA

palmchristy 發表於 17-3-15 15:33
如果講進步, 咁會唔會一開始等個小朋友靠自己考出一個普通成績, 然後再引導佢地進步, 從而令佢一直保持進 ...

其實由佢唔識溫書，到識自己溫書都係一個進步，唔一定同分數掛勾，小一咁淺，基本上容易高分過高小既...

simonwan

little_yolky 發表於 17-3-15 18:36
你講到阿細對自己有要求, 我又諗起一樣嘢。
上個禮拜, 阿大唱校際, 我直頭叫佢早退幫佢開聲。咁難得, 因為 ...

本地學校老師的 mindset 就系甘保守僵化，唔怪得越來越多人喜歡國際學校，唔剩衹爲左英文。

retriever

palmchristy 發表於 17-3-14 16:44
其實一直都有掙扎, 雖然已經過左呢個階段, 就係: 究竟應否幫小朋友在小學階段取得好成績.

經驗話我知: 小 ...

“授人以漁，非魚”

其實樓主議題既重點係成績定係自信？

個人覺得，信心係來自獨立解難既能力，而咩唔一定係任何野既成績。

我會思考有咩能力係對佢終身有裨益既，成績唔係目標。當然話說回頭，擁有某些能力，成績亦自然唔會差。

如果要講個比喻，印象中樓主係有信仰之人， 大概似“你求天上既財寶，其他地上既野你需要自然會給你”

呵呵。。。

2jkidsfather

"應否幫小學生取得好成績?"
應該。為何要看他/她在小學階段便承受大挫折?中學生都未必能承受。