語文不及格教語文

蝦米豬

我以前有個師弟，好想入行做教師，有教育理想，但不是教育專科畢業，後來讀pgde, 最後做了津校中學老師。之後見面，佢同我吐苦水，話教中文的中文不及格，教英文的英文不及格，唔明點會教得好學生。我想問，現在雖然有所謂的教師語文基準試，但聽講不達標的，可以讀書(master?)補番數，問題仍然存在。我想問現在是否還是這樣的情況?

1998Ruby1998

回覆 蝦米豬 的帖子

我都聽過我老師講，基準試攞 C 就合格，但係基準試 C 級程度等於 DSE 3-4，如果唔合格可以旁門左道咁補返數。如果學校唔係好 top 果隻，呢類老師會更多。仲要情況好似咁多都一樣冇變過，記得幾年前出過一單新聞話，考 C 果班老師 d 英文文法唔得，用字淺陋，發音更加唔洗講。

greentea000

CE時同學仔問老師公開試成績，無一個肯講。

roybird

香港地讀教育要求低，教院成為好多人既水泡科，私校名校當然專科専教，二三線學校就真係比較飄忽，當然有有心力教既老師，但絕對唔多，好多有心教育，亦好多只係為兩餐，不過其他行業就冇咩，試問有幾多打工仔真心enjoy份工，好多咪都係返工等放工放出糧，社會問題，價值觀問題，結構問題，好難解決

boyboobee

無論中文或英文的老師，好多口語一樣有懶音。

augkBB

識好多中文老師中文係畢業，英文老師英文好好，指的是中學老師。遇过小学老師英文唔掂。

1998Ruby1998

回覆 IloveJJ 的帖子

私小都咁，其他學校點算？

不過話說回來，我中小學普通話同英文發音都好過大部份老師，試過有老師問我父母係咪內地人／外國人。

simonwan

上個月，聽一個小四學生講（地區一綫津校），渠英文老師上堂時講 ”巴叉“， 渠聽唔明，想左好耐，原來系想講英文 ”bar chart", 不過發音就系同用廣東話讀 “巴叉” 100%相同！
如果系數學老師，絕對唔怪渠，以香港官津校的條件，唔可以要求甘高。
不過，呢位老師系教英文的，仲教左好多年。。。。。。

little_yolky

IloveJJ 發表於 17-3-12 23:58
唔係噃，我舊同學（B2中學無讀大學無普教）就响名私小教中文，仲要普教中添!
...

咁如果係我間B2母校, 中文都好勁既。我當年文科班都係得5個入到大學, 因為得呢5個(包括我)數學合格, 夠科入, 或讀六科, 數學唔合格都夠科入其實仲有好多同學仔D中文好鬼勁, 但英文/數學唔合格, 入唔到U。加上, 當年U少, 所以都有一D入咗師範。

hkpapa852

蝦米豬 發表於 17-3-12 13:48
我以前有個師弟，好想入行做教師，有教育理想，但不是教育專科畢業，後來讀pgde, 最後做了津校中學老師。之 ...

話說N年前都有個英文科既補習天皇係咪啦!

little_yolky

IloveJJ 發表於 17-3-13 13:03
我哋係當年5個B既B3,我當佢係B2喳，我哋好少人入到大學架!

咦? 你都有5個band, 失覺晒, 我以為你係3 band年代。

shadeslayer

IloveJJ 發表於 17-3-13 08:33
所以我對學校老師既要求係識唔識教佢哋群體，例如點樣處理不公平、學生頑劣問題……之類多啲。講真，要學 ...

問題係, 老師開宗名義學校唔教語文還好, 而家又要教又教錯點叫家長接受?

shadeslayer

其實應該係大獲飯問題, 做得好唔好也可教一世。

little_yolky

IloveJJ 發表於 17-3-13 13:27
其實我真係唔明大家點解覺得老師一定要啱晒?我又覺得老師有錯唔出奇。好似我哋細個啲中文字既寫法，而家都 ...

但係醫學係因為不斷有新研究, 所以醫生至要update, 但語文老師係basic嘢, 其實真係唔應該錯。中文字既寫法同我哋以前唔一樣, 應該係規範字既問題, 以前老師無執得咁緊。不過, 我哋以前老師執筆順緊過依家。