每天閱讀多久才理想呢？

swarovski2011

要培養閱讀習慣/興趣，最好每天閱讀多久呢？其實你地係咪真係做到每天閱讀呢？有時星期六日的活動比較豐富，好似就刪減了閱讀時間（不過睡前都有閱讀一本），你地會否有咁嘅情況架？

scgift

我個女3歲半，由1歲開始每日伴讀，時間由每日10分鐘至2小時不等，視乎當日佢既精神狀態來決定。我女2歲半已經係好鍾意睇書，出街一定要帶書出去。3歲後直頭變左書痴，可以為左睇書而唔玩玩具，搭車時爭取時間在紅燈/塞車時要求我同佢睇書(我一直教佢搭緊巴士小巴睇書會壞眼)。

我覺得要培養閱讀興趣重要過培養閱讀習慣。而培養興趣就首先要吸引到小朋友既興趣，所以選書時要就返小朋友既興趣。當開始培養到成為興趣時，就可以多啲睇下唔同類型既書。

以我女為例，佢從小就好鍾意唱歌，我就多啲同佢睇廖彩杏書單既有聲書。

babymamaloveyou

伴讀2小時太誇張了，只是3.5歲，有那麼多耐性?佢唔攰我都攰

swarovski2011

scgift 發表於 17-3-6 08:29
我個女3歲半，由1歲開始每日伴讀，時間由每日10分鐘至2小時不等，視乎當日佢既精神狀態來決定。我女2歲半已 ...

我都知要培養興趣重要，不過我到現在都未搵到他感到非常興趣的書類，即使佢話鐘意peppa , thomas都未至於書不離手，或為睇書而放棄玩玩具，所以要睇好耐都有點難，不過多謝你分享

scgift

babymamaloveyou 發表於 17-3-6 09:20
伴讀2小時太誇張了，只是3.5歲，有那麼多耐性?佢唔攰我都攰

我個女係書痴，有精神既話係會死捉住我唔肯停架。睇100層樓的家一次已睇大半個鐘，佢可以睇完一次馬上要求再睇多一次。不過2個鐘真係極限，通常都係睡前睇書，所以唔會有太多時間。

swarovski2011

scgift 發表於 17-3-6 09:44
我個女係書痴，有精神既話係會死捉住我唔肯停架。睇100層樓的家一次已睇大半個鐘，佢可以睇完一次馬上要求 ...

多數睡前同他睇2小時？

scgift

swarovski2011 發表於 17-3-6 09:36
我都知要培養興趣重要，不過我到現在都未搵到他感到非常興趣的書類，即使佢話鐘意peppa , thomas都未至於 ...

我女睇書睇幾耐雖然係我定，但我唔係要求佢要睇書，而係阻止佢再睇落去。我覺得每日/每次睇幾耐書，要視乎小朋友既興趣同意願，冇得迫。

scgift

swarovski2011 發表於 17-3-6 09:48
多數睡前同他睇2小時？

每晚飯後就係佢既自由時間，佢可以自行決定玩咩/睇咩(當然肚書我俾佢揀時我都會指定睇某幾本書)，夠鐘就要瞓覺。所以睇幾耐書好視乎佢當晚食飯食得耐唔耐/玩唔玩或玩幾耐玩具。睡前睇2小時書係最高記錄，一般係30-60分鐘。

swarovski2011

scgift 發表於 17-3-6 09:55
每晚飯後就係佢既自由時間，佢可以自行決定玩咩/睇咩(當然肚書我俾佢揀時我都會指定睇某幾本書)，夠鐘就要 ...

我仔都好鐘意睡前睇，成日想睇多d，但我覺得佢係唔想訓，所以不停揀書，但我地通常都只講一本，因已經夜了。我是ftm，我都有其他時間同佢睇，但唔知每天睇幾耐是最理想

swarovski2011

scgift 發表於 17-3-6 09:51
我女睇書睇幾耐雖然係我定，但我唔係要求佢要睇書，而係阻止佢再睇落去。我覺得每日/每次睇幾耐書，要視乎 ...

佢現在鐘意自己睇書嗎？我試過玩role play，一人一句，但佢就唔願意，成日只要我講我都唔知好無迫佢同我一齊讀

scgift

swarovski2011 發表於 17-3-6 10:11
我仔都好鐘意睡前睇，成日想睇多d，但我覺得佢係唔想訓，所以不停揀書，但我地通常都只講一本，因已經夜了 ...

我都係ftm,但扣除返學/食飯/瞓晏覺時間，都係晚上飯後比較多時間同佢睇書。日間啲空檔我由得佢自己玩玩具/做遊戲書/自己睇書。

每晚我係揀定3-4本書，再俾佢自己揀2本書(極速揀好)，一叠放好連續睇晒，唔會睇完一本再揀。

好難講話每日睇幾耐才理想，始終要睇返小朋友既興趣同精神狀態。唔通所有網友話每日每次睇2小時最理想，你就迫佢睇咩

scgift

swarovski2011 發表於 17-3-6 10:14
佢現在鐘意自己睇書嗎？我試過玩role play，一人一句，但佢就唔願意，成日只要我講我都唔知好無迫佢 ...

佢會自己拎ort來睇，一睇又廿幾三十本。有時又會拎學校啲主題書自己指住啲字讀出來。我平時只有睇漢字500時才會叫佢讀出來，其他伴讀唔會要求佢讀。

swarovski2011

scgift 發表於 17-3-6 10:54
佢會自己拎ort來睇，一睇又廿幾三十本。有時又會拎學校啲主題書自己指住啲字讀出來。我平時只有睇漢字500 ...

原來如此...唔該你

Elenalan

4歲, 返全日班K2, 每晚飯後睇15-20min, 大概2-3本小書, 有中有英, 佢自己揀書, 自己讀。

achumami

每晚瞓前會伴讀1小時左右, 依家3歲, 自己會拎堆書過來要求讀晒先瞓。

Tanyafish

我的小孩們兩歲， 天天都有和他們一起看書。 我無限制多少本或最少幾多本， 不一定睡覺前才看。 有時早餐前後， 有時午餐後（是上班媽媽但午餐常回家）， 下班後任何時間。 一般會看4-18本， 看他們自己的興趣。 我全屋都有很多總類的小朋友書， 他們隨手都會拿到。 日間我上班他們自己有時會自己拿來看。不過如果當天真沒有怎麼看書我也不緊張，閱讀習慣由半歲起到現在，不會一晚無讀唔見左。

swnatalie

想請教各位媽媽，你地家中既書幾耐更新一次？
我女睇厭舊書，但我買既新書又無乜興趣。以前細d都可以坐耐d睇好多本書，而家大左（2歲8個月）反而好快睇完就晤睇

swarovski2011

swnatalie 發表於 17-3-8 22:21
想請教各位媽媽，你地家中既書幾耐更新一次？
我女睇厭舊書，但我買既新書又無乜興趣。以前細d都可以坐耐d ...

我通常是加，好少減，除非好bb的，無特定幾時加新書架，見到有啱就買

Tanyafish

可以去圖書館借書？ 成人每個8本，做寶寶代理人又多張卡6本。每兩週妳最少可以有22本（爸媽加寶寶）新書！

我都好少減書通常都係加書。

picalo

自一歲起每天伴讀
星期一至五最少一小時
星期六,日最少4小時
不是不停睇,因為小女無書睇唔食飯,所以起碼我同佢食飯時間,佢一定睇
我知唔係好習慣,應該專心食飯,不過無計