應否退修一科？

小師妹

阿囝而家除核心科目外，還選修Chem,Econ,Phy，M2, 成績都不俗，老師project佢DSE成績全都在4或5以上，可以再好d, 其中較約chem同econ, 老師說可考慮退修其一，以集中精力在其他科考更好成績，但只計best 5 subject, 讀多科無乜着數，但阿囝好似唔想放棄，有無過來人比d意見？

mega_yi1

其實７科已經好夠，每年只講今年有幾多個７優狀元。

1998Ruby1998

其實老師講得冇錯，個個考生都係得返一樣時間去溫書，越少科越多時間分配其他科，就越有機會溫得好。呢種情況，可以考慮退 Econ，效益上來講，基本上大學冇一個學系睇 Econ，但係好多理科都睇 Phy Chem，甚至要求要至少兩科理科成績。

不過如果仔仔想堅持，都唔係一件壞事（起碼代表佢有信心讀好佢，唔會 hea），但係一定要清楚風險同後果。

作為家長，可以同佢講，老師同父母都知道你可以提高成績，但係選修科咁多會分薄左剩餘唔多的時間，導致 DSE 前好大機會幾科都兩頭唔到岸。既然大學唔需要你讀曬咁多科，你可以選擇唔讀一科。

假如你核心科全部 5，選修科 4。如果你讀少科，可能每一科都可以提高一個 grade，咁就變成核心科 5*，選修科 5，咁帳面你就賺多左 6-7 分，遠遠多過你堅持讀曬咁多科。

Band5

mega_yi1 發表於 17-3-4 23:15
其實７科已經好夠，每年只講今年有幾多個７優狀元。

7優狀元一般係要3X唔計M1M2，所以想做狀元就要考3X，只可以放棄M2。

Stillgood2

小師妹 發表於 17-3-4 22:24
阿囝而家除核心科目外，還選修Chem,Econ,Phy，M2, 成績都不俗，老師project佢DSE成績全都在4或5以上，可以 ...

Chem or Econ.  睇下學校過去DSE 的記錄，比較自己Econ 的成績如何。 感覺上，某些學校Econ 特别叻，老師因素都幾大。 修Econ 的人多， 但能夠考得好成績並不容易。

moniquechoy

我都想請教, 我女雖然只是F.3. 但我近日聽一個家長講, 佢話最後決定退修唔退修是在F5 第二個學期之前. 雖然佢現在決定唔退修, 但最後去考DSE 時, 佢小朋友就算唔合格或是ABSENT 都唔影響, 因為大學考慮BEST 5 OR 4C+2X, 只要佢4C+2X 考得好, 都沒問題. 我想知道是否正確呢? 因為我考大學既年代, 只要你一科差D, 去面試時, 都會問你點解啦? 仲有, 如果有相同成績既同學, 佢都會考慮第3個X, 對嗎?

pineapple0983

JustAParent

小師妹 發表於 17-3-4 22:24
阿囝而家除核心科目外，還選修Chem,Econ,Phy，M2, 成績都不俗，老師project佢DSE成績全都在4或5以上，可以 ...

除非你囝囝真係好唔掂，我係老師就唔會叫佢drop任何一科elective.  一定要drop, drop M2囉。

除了best 5, 還有學系看4+2的， 讀6科咁大膽？

hw1115

小師妹 發表於 17-3-4 22:24
阿囝而家除核心科目外，還選修Chem,Econ,Phy，M2, 成績都不俗，老師project佢DSE成績全都在4或5以上，可以 ...

你好:如想讀工程的话, ㄧ定唔可以drop M2。

ABC-DAD

都係唔講嘢好啲

Kittymummy

既然成績唔差, 梗係唔drop 啦. drop 左多左既時間, 唔代表一定會放係其他科度講真. 唔計M2, drop 其中一科X, 剩餘2X. 依家黎緊又話要4C + 2X, 另外果2X 係一定要食糊唔好失手. 再者, 有理科係度, 冇理由唔考埋M2佢.

mielmiel

如果可以應付到就唔見議drop，今年同阿仔去大學開放日聽talk，有啲學系話佢哋唔會interview，就算只睇4c+2x / M1 M2，如果太多人同分就會以DSE總分再作篩選，即係話如果你考多人一科就算只有1分，你都高其他人1分。

studyso2c

如有4/5，呀仔又唔想放棄，點解你要煩?
讀少科多左時間溫，但亦有可能d時間用左響其他地方。放手比佢自己決定啦

cow

我見唔到有乜理由要drop M2.

JustAParent

cow 發表於 17-4-11 10:51
我見唔到有乜理由要drop M2.

如果目的係升大學，我有大把理由去drop M2.  全港考M1+M2也只有幾千人。

LingChiBaBa

JustAParent 發表於 17-4-11 11:53
如果目的係升大學，我有大把理由去drop M2.  全港考M1+M2也只有幾千人。

咁睇下大學想讀乜。
好似我細女其中一樣想讀Maths Education。唔揀M1/2就不合資格。

科大同理大M1/2好多科都high weighting,
都係睇目標決定。

cow

樓主只係問drop chem or econ or not. 唔明點解有人(講笑除外)叫佢drop M2.
(睇錯)

JustAParent

LingChiBaBa 發表於 17-4-11 12:46
咁睇下大學想讀乜。
好似我細女其中一樣想讀Maths Education。唔揀M1/2就不合資格。

M1/M2 mandated既學系冇乜好討論。Weighting問題，就係多x0.5， 我覺得將操數嘅時間讀好Ｄ三科elective，冇賺都唔會蝕幾多。純考慮八大入學，我點睇都係花時間讀好三科elective著數Ｄ。

cow

// 就係多x0.5
4 x 1.5 = 6 = 5*
5 x 1.5 = 7.5 > 5**
5* x 1.5 = 9 > 5**
5** x 1.5 = 10.6 > 5**

JustAParent

樓主講明project 4或5，唔明點解有人(講笑除外) 5*x, 5**x ...