請問上智英文書院和顏寶玲書院，會如何取捨?

Eat_Sleep_Play

os_ecu 發表於 17-3-16 15:10
咁 SFA 呢個 level既 主要target 會大概係邊幾間呢 ?

上智去過聽talk, 個人覺得都仲係同一線爭少少. (No o ...

不過話說回來，SFA升中去直資中學比較少，自行及抽獎佔的比例為多，有時間可以去看看SFA的派位結果，有哂校名及數字一清二楚

ksli312

我囡囡現讀上智中一，舊年係九龍城區小學，有考直資，女拔in完有waiting list, 德望有offer,上智自行有2nd in，最後無註冊德望，派上智。原因囡囡比較內向，德望搭完地鐵仲要駁一程小巴，佢唔係咁中意。好大考慮同勇氣才放棄德望，因為上智自行唔收就要落乙部大抽獎。但係囡囡好喜歡上智，只好等自行結果。
之後重新估計，上智有2nd in 其實入到機會至少有80%，因為有50個位，佢in 90個，其實已經收生咁多年，已經好有經驗，90 人當中一定有部份會take自資offer,我有個朋友個囡囡同我地一齊2nd in, 佢後來take 左 德望 offer，亦會有d係揀上智自行二，如果自行一收左，又少左個人去上智，所以七除八扣，有2nd in 就差不多入梗上智，唔洗太擔心。
最重要係囡囡中意，我囡囡衣家讀得好開心，雖然有少少忙，正如係學期中家長會，班主任好自負咁安慰家長唔洗太擔心囡囡讀成咩情況，佢話：入得黎上智嘅，全部都係精英，除非你係符碌入黎嘅，否則唔洗太擔心。
真好，假好，上智絕對係一間好top好強嘅學校，至少老師，校長同學生都覺得係。
至於一唔一線，如果要同女拔，St. Paul coed, 鄧顯，呢d最強嘅比較，如果你囡囡入到嘅，恭喜你，但係都要睇下佢跟唔跟得上，讀得開唔開心，好唔好，請唔好忘記，幾強嘅一線學校，只有最多幾個10A, 唔會個個係，亦都有d學生考尾，一樣會DSE考得差入唔到U，日日都希望果個唔係你囡囡。所以其實好學校已經足夠，最終都係要睇下囡囡讀成點先係最重要。

Ktfk

十分多謝分享。

又派晒定心丸。

Ktfk

一下子全英文語境是否容易跟得上呢？

同學仔們有冇適應有困難呢？

ksli312

再補充少少，如果真係咁唔好彩自行有2nd in 都派唔到，到時再扣門相信機會會好大。因為叫得你2nd in，已經係對你囡囡有認同佢係揀選對象，只不過唔夠位啫，所以你扣門係會機會大d，聽講以前有例子自行2nd in，扣門果時就in 都唔洗in就收了。因為比起其他未in過黎扣門嘅，無論誠意，對你囡囡評估，了解都係你囡囡稱鮮d。

ksli312

上智係無精英班的，反而有補底班，理論上自行收果D好少跟唔上，因為揀過蟀先收你，通常係乙部大抽獎抽入上智果D會有機會跟唔上，因為抽獎係無得揀，B1尾都會入到，所以，係暑假考s1試果時分埋班，全部5班係暑假返兩個星期銜接班，但係有兩班叫做補底班就要再返多幾個星期。所以到9月開學就應該會適應到。

ksli312

唯一要彈嘅，就係校社比較細，好似仲細過係隔離果間愛德小學咁，更加唔好同有標準室內泳池嘅女拔，德望比。所以，無場地嘅支持，上智嘅運動係學界係唔好成績的，如果你囡囡係運動健將，向學界紀錄挑戰的，上智唔啱你囡囡。反而，係學術上，例如辨論，上智係學界係有成績的。最重要，上智入三大嘅百分比係一D都唔弱，你可以比較下D數據。

Yanamami

Ktfk 發表於 17-3-17 22:52
一下子全英文語境是否容易跟得上呢？

同學仔們有冇適應有困難呢？

如果小學時英文喺一向唔錯既話，一下子全英都唔會有問題。我細女剛升中一（唔喺HTC），班主任話我唔講都唔知佢喺中小升上黎。如果喺SFA等幾私小，英文一定無問題，不過透過大抽獎入既就有d難講，我其實亦唔太清楚SSP津小既英語水平。

Yanamami

os_ecu 發表於 17-3-16 15:10
咁 SFA 呢個 level既 主要target 會大概係邊幾間呢 ?

上智去過聽talk, 個人覺得都仲係同一線爭少少. (No o ...

三間私校top既女仔不外乎喺考DGS、SPCC、SPCS、HY、GH啦~~SFA就入考津校多d。HTC當然喺同呢d爭少少，果d叫傳統名校，HTC叫地區名校，喺有d分別既~

S1Parents2017

emibaby 發表於 17-3-10 17:40
上ek search 過亦聽過我既朋友提過，以往自行主要收外區生，而SSP既學生主要係大抽獎入。簡介會當日校長都 ...

我之前都gum認為，問小六班主任，班主任說我想多了。

供參考：我女深水埗區私小，1A成績，沒有特異功能，有second in。

大抽獎我繼續放上智乙1，2017年成功入讀上智。

HM168

S1Parents2017 發表於 17-12-22 11:32
我之前都gum認為，問小六班主任，班主任說我想多了。供參考：我女深水埗區私小，1A成績，沒有特異功能，有s ...

請問最後是自行OR 抽入?

S1Parents2017

補充一句：我女很喜歡上智，我叫她早上鬧鐘set 6:30，她就set 6am,喜歡早到學校玩一陣。

wanmum

上智是我母校,我囡2015年自行也有報上智,有2nd in,但佢最後揀GHS, 因佢嫌校舍細。
而家D小朋友好有主見,唔逼得。

rayeu160

ksli312 發表於 17-3-17 22:36
我囡囡現讀上智中一，舊年係九龍城區小學，有考直資，女拔in完有waiting list, 德望有offer,上智自行有2nd  ...

我想問下, 係唔係直g有offer, 都可以考自行先. 再決定放唔放棄直g呢? 直g要注冊, 係唔係都要注左冊先架呢?

little_yolky

rayeu160 發表於 17-12-22 12:39
我想問下, 係唔係直g有offer, 都可以考自行先. 再決定放唔放棄直g呢? 直g要注冊, 係唔係都要注左冊先架呢? ...

咁緊係要先注冊直資啦, 唔係咪無咗個位LOL。不過自行都係7月至派彩, 你要揀自行, 就要早D同直資抽飛, 俾咗教育局就無得抽了。

Ktfk

wanmum 發表於 17-12-22 12:19
上智是我母校,我囡2015年自行也有報上智,有2nd in,但佢最後揀GHS, 因佢嫌校舍細。
而家D小朋友好有主見,唔 ...

GH or HTC， 兩間都好。

Ktfk

S1Parents2017 發表於 17-12-22 11:50
補充一句：我女很喜歡上智，我叫她早上鬧鐘set 6:30，她就set 6am,喜歡早到學校玩一陣。 ...

係呀！
亞囡以前朝朝要人剷起身。

依家朝朝自動波， 6:30 彈起身，約埋同學 MTR 等，番到學校都係7:15，早到好多。佢好enjoy 校園生活！

S1Parents2017

HM168 發表於 17-12-22 11:45
請問最後是自行OR 抽入?

不知道哦，估系自行吧

Ktfk

S1Parents2017 發表於 17-12-22 13:54
不知道哦，估系自行吧

深水埗私小1A喎，人見人搶啦..
好大機會自行已被取錄了