子女的期望 vs 父母的期望

Ahbee02

wan_sosin 發表於 17-3-5 11:42
本帖最後由 wan_sosin 於 17-3-5 11:44 編輯

我哋閱讀理解都係三篇，其他題形有好多唔同種類。

好奇問下，你點勸阿仔由精英班轉去普通班？另，你甘樣做，好難得！

Ahbee02

MNIF 發表於 17-3-5 17:31
我想問吓樓主，今天你長大成人，可曾有半點想過感恩父母嘅辛勞。父母辛苦花錢把你養到今天，你還清條數未？ ...

我覺得樓主係一個好聰明的人。但仲好年輕，需要再多d時間同經歷去體會，才能放下同媽媽的種種衝突矛盾。

wan_sosin

Ahbee02 發表於 17-3-7 13:53
好奇問下，你點勸阿仔由精英班轉去普通班？另，你甘樣做，好難得！

我個仔雖然讀到呢D班，但佢性格並唔係嗰種人，佢貪玩唔定性，拼埋佢班同學係格格不入，在班上無乜朋友，連老師都唔多喜歡佢。佢亦唔鍾意班上氣氛，所以其實佢自己都唔想讀這個班。
今年佢多返好多朋友，返學開心過上年，分數同開心，我揀開心多D!
我都要承認我當初估計錯誤，以為我仔同近似水平嘅同學應該會相處到。

Ahbee02

hkpapa852 發表於 17-3-6 15:59
的確, 如果只求"解決"與家人生活上的糾纏, 一刀兩斷是一個方法.

但"解決"了與家人生活上的糾纏, 是否就雨 ...

對！一直放吾下的話，等同一直孭住個沉重的包袱在人生旅途上往前行。但要放下甘大的積怨，估計樓主仲要經歷好多才能有所體會。

Ahbee02

Tintin926 發表於 17-3-6 17:52
好多時候家事係解決唔到的，正正因爲有着地位輩分的差別，單方面的改變和包容極大機會只會令另一方變本加厲 ...

其實對住呢種甘強控制欲，唯我獨尊式親人，係吾係無限包容先叫做孝順，叫做放下呢？我吾甘認為。換著此時此刻的我能理解母親對我的期望和愛，但絶不認同佢的種種專制方法。比著我的話，我會尊重佢，內心放下對佢的介懷，但行為上則保持一定距離。當作与母親今生沒什麽緣分。

wan_sosin

Ahbee02 發表於 17-3-7 13:58
我覺得樓主係一個好聰明的人。但仲好年輕，需要再多d時間同經歷去體會，才能放下同媽媽的種種衝突矛盾。 ...

就是樓主是非常聰明的人，佢同佢媽媽引發嘅火花就更大，強者遇強越強。這也可給大家一些啟發，如何同勉強的小朋友相處。
樓主已是成人，佢會走佢嘅路，最少佢現在並非憎恨佢媽媽(我個人感覺)，只係關係較疏離，時間有時也是修補關係的一種方法，將來未必無轉機。

Ahbee02

MNIF 發表於 17-3-7 14:44
論聰明，你比樓主聰明得多。你回我的文中兩個字「放下」已經道盡一切人間煩惱。這世上執迷不悟嘅人太多。
...

哈哈，謝謝讚賞！
“放下”二字人人都識，但真正做到卻很困難。如果無返甘上下經歷同內心反省掙扎，係好難體會到。

hkpapa852

Ahbee02 發表於 17-3-7 15:13
哈哈，謝謝讚賞！
“放下”二字人人都識，但真正做到卻很困難。如果無返甘上下經歷同內心反省掙扎，係好難 ...

"放下"二字, 又係一個知易行難既事情

又試吓舉個例, 相信不少家長都有前男/女朋友, 甚至與前男/女朋友愛得很轟烈, 但點知大家是否已完全對前男/女朋友"放下"呢?

我會咁睇, 當你重提當年那些與前男/女朋友刻骨銘心既事情時, 可以淡然面對不再影響自己情緒, 好像在說故事一樣輕鬆, 就算真正的"放下"了!

wan_sosin

Ahbee02 發表於 17-3-7 15:13
哈哈，謝謝讚賞！
“放下”二字人人都識，但真正做到卻很困難。如果無返甘上下經歷同內心反省掙扎，係好難 ...

對!如果講下就放得低，唔少家長同小朋友的日子就可以輕鬆好多，唔少家長1分也不能少

Artie

回覆 greentea000 的帖子


我兩個仔女較大，已經好少入 "小學" 版。今日有空閒時間，游下游下來了這個 topic。真係十分多謝樓主的分享。
其實你媽媽是愛你，可惜用錯方法。你好叻女，又好乖，真的幸好你沒有走歪路。睇到你一家的經歷，橫跨多個年頭，相信大家都痛苦。你爸爸真係好好，好有耐性，要夾在中間，佢都好辛苦。而家你大個女，可以的，就試下原諒媽媽，
父母生兒女，但不一定個個都識如何做好媽媽好爸爸，不幸中大幸，你爸爸真係冇得頂。
其實帶著 "恨" 一直生活下去，是苦了自己，放下，其實也是放過自己。
祝你以後可以幸福地生活。

homeuser

1998Ruby1998 發表於 17-3-7 05:02
回覆 homeuser 的帖子

我阿媽都有少少抑鬱，本身已經屬於緊張大師，一出世佢就開始更加容易情緒波動， 睡 ...

謝謝你， 我會加油， 你和媽媽關係如何?

homeuser

miujoey 發表於 17-3-7 10:54
回覆 homeuser 的帖子

明白了, 原來係咁, 其實聽你講你個囡已經好乖又叻, 你又點會係阻礙佢發展呢, 你放鬆 ...

係啊， 我既眼光就係不停咁圍着她， 應該要有返自己既生活， 分散下注意力

greentea000

wan_sosin 發表於 17-3-5 12:38 學校唔會咁衰，在活動方面，班班一樣，但普通班好處是功課少一些，例如精英班要抄書，普通班唔洗，精英班有機會被參加比賽，普通班唔洗。
同學之間相處和諧好多，少比較，識欣賞

我既第2間小學衰到無人有，有Ｄ課間參觀精英班先有得去，考試精英班唔同試卷(考深Ｄ)！

學期尾考試級頭40自動成為下年精英班，暑假精英班有精進補課！

greentea000

brother4 發表於 17-3-5 13:04
小孩不笨，好懂看父母尾頭眼額，希望得到父母讚許，小學時肯努力讀書，對自己好有要求。另一個朋友孩子年年考全級頭三名內，一次考三名外，玩高中飛人，好彩樓下是花園，只斷手斷腳，所以有要求的孩子不一定是好事。

何止不笨，簡直聰明到逆天，只係唔識/唔想表達，父母又無察覺。

越極端既家長，仔女越早熟，未使出社會已經係屋企打通十八銅人陣。

過份著重成績既家長，仔女亦會以成績衡量自己既價值，一旦成績唔得就感覺人生完了。

greentea000

homeuser 發表於 17-3-7 21:34
係啊， 我既眼光就係不停咁圍着她， 應該要有返自己既生活， 分散下注意力 ...

過份聚焦反而失焦，距離產生美同樣適用於親子關係！

加油！

greentea000

wan_sosin 發表於 17-3-7 14:10
本帖最後由 wan_sosin 於 17-3-7 14:13 編輯

我個仔雖然讀到呢D班，但佢性格並唔係嗰種人，佢貪玩唔定性，拼埋佢班同學係格格不入，在班上無乜朋友，連老師都唔多喜歡佢。佢亦唔鍾意班上氣氛，所以其實佢自己都唔想讀這個班。
今年佢多返好多朋友，返學開心過上年，分數同開心，我揀開心多D!
我都要承認我當初估計錯誤，以為我仔同近似水平嘅同學應該會相處到。

我跳級之後都係無朋友，阿媽認為無問題，返學係讀書，玩到就一齊玩，無就自己玩。

開學果兩個月我好似吉祥物咁，其他班老師同同學仔經過都入黎望下我。我本來就細同學幾個月，跳級直接細多1年。班主任叫同學多照顧我，同學話我麻煩，唔理我唔使負責任。

仲好笑係阿媽成日問我今日有咩趣事啊，返學又唔係去遊樂場，邊得黎咁多趣事！

greentea000

Ahbee02 發表於 17-3-7 14:14
對！一直放吾下的話，等同一直孭住個沉重的包袱在人生旅途上往前行。但要放下甘大的積怨，估計樓主仲要經歷好多才能有所體會。

任重道遠！

1998Ruby1998

回覆 homeuser 的帖子

我同媽媽關係同好多朋友／同學相比，唔算好好，可能因爲性格同埋年紀差太遠（佢 1960 年代出世，同我相差接近 40 年，相比其他父母，佢同社會脫節得比較多），以前為左讀書真係日日嘈。
不過年紀越大，升上大學，越能夠體諒我媽媽。我阿哥中度自閉症，20 年前佢知道阿哥有呢個病真係求助無門，果陣社會對自閉兒童理解好少，又冇咩協會、資源培訓，所以佢好緊張我成績，佢冇咩興趣愛好，都冇打工，我就係佢生命的寄託。佢咁多年累積好多壓力，所以我有時候扮下低能、傻瓜、講下笑話逗佢開心。

放心啦，你女兒一定明白你苦心，儘管你唔係最叻嘅媽媽，你係佢心目中係永遠最好，無人能及。我媽媽一樣，都唔係最叻最識得教仔女嘅媽媽，但係佢永遠係我心目中最偉大付出最多嘅媽媽。

greentea000

planetearth 發表於 17-3-5 16:29
得不到母愛(or 父愛) 的小朋友真係好凄凉。父母不應只怪責子女百般不是, 要包容成長過程中的各種過失。 管教得來要讓互相尊重，讓子女心服口服。
選擇去原諒也是一種祝福。 解了心中的结令自己也輕鬆。 沒有對錯，只有願意不願意。

最近思考：隨意既破壞，輕易既原諒，到底有無意義？如果凡事無代價，靠咩約束一個人？