4歲數學能力

星星的後裔

想請教4歲小朋友的數學能力去到點？

我唔係要谷我個小朋友，亦唔係覺得我個小朋友特別叻， 更叻的就有一大堆。我只覺若他可以行快d ,無謂夾硬拖住。佢現在1數到60,70甚至100都得。單位數加減心算都做到，比較大細， 分次序等都唔係問題。若根據學前教育指引，5-6歲可以做到數1-20, 開始運算加減題，分次序，有一個半個概念。這些他現在都能做到。

現在的是Happy school,學校都跟指引去教。其實我想知，那些谷的學校K1,K2 是教什麼數？聽講乘數已係現代幼稚園生要學的範圍。

我亦想隨他自己的能力發展，若他真的可前多一步，就向前多行一步，唔洗要因為指引，學校進度而限制他的發展夾硬拖慢成長。當然最緊要是他自己覺得舒服又唔係谷出黎。

babymamaloveyou

我小朋友4歲，可以數1-99，到99就唔識100.
能比較大小
分次序是什麼?例如?
心算可以，只限於最浅，例2+3，4+1，減也是最淺的3-2，5-1個D，再深佢会數手指
我一直冇特別考过小朋友心算，上星期同小朋友行街，店鋪寫"買一送一"，我便解釋給小朋友知，從而考考佢。

scgift

乘數？普通津貼小學小二才教乘數。小一上學期教單雙數;下學期教單雙數順數倒數，睇時鐘。

我女3歲半，你小朋友做到既佢都做到，已識睇時鐘。佢學校(劵校)仲教緊數字6，數到6。

我自己唔會睇住其他學校既課程來教，日常生活遇到既，睇書見到既，玩遊戲玩到既，我就會教。如果依你既諗法，下一步應該教單雙數，順數倒數，雙位加減數，識晒呢啲後就背乘數表

rafaelbaba

回覆 星星的後裔 的帖子

我囝囝進度及年紀跟妳的小孩差不多
數學除了加減外,應該還有其他更有趣的東西學習~

星星的後裔

scgift 發表於 17-2-28 00:39
乘數？普通津貼小學小二才教乘數。小一上學期教單雙數;下學期教單雙數順數倒數，睇時鐘。

我女3歲半，你小 ...

thank you, 問其他學校只是想知，唔係想作目標。若情況適合下教快少少教多少少無所謂。而且多謝你的建議（單雙數等），大人當然好多都識，但小朋友下一步教什麼，我就唔太識。

我聽過有村校教背九因歌，不過只是背，死記。

我聽過有樣野叫操作式數學，是一個教數的方法，亦有幼稚園用緊。唔知有無人聽過，又或有無其他的教學方法，又或隨機生活見什麼教什麼？

money82

我仔3歲半，可以數1至100＋，倒數，單雙數數到一百都可以，加減心算可以做5內加減。6以上要用點點數。明白10＋2＝12，11＋2＝13，20十10＝30。已經識0X，1X，2X，3X，5X，10X倍數。形狀知道角和邊。我沒有吹谷，他想知就教。好多都係睇youtube學返來。小朋友有興趣就教，最主要係距有興趣。

星星的後裔

money82 發表於 17-2-28 17:13
我仔3歲半，可以數1至100＋，倒數，單雙數數到一百都可以，加減心算可以做5內加減。6以上要用點點數。明白1 ...

無錯，重點是有興趣咪教， 問到見到咪講。

可能我不太明白細當中奧微，但我覺得教署定的數學程度定得比中英文仲要淺。這裡幾個家長都在無催谷下超前左最少一年。無理由明明都識加減數，仲成叫佢數1-20.問得多自己都厭。

星星的後裔

今晚用左十分鐘，佢基本上都識1-10的單雙數，偶然都會錯。相信一星期間中問佢，佢就會掌握到。有無正統既方法教呢？

nic_bb

你哋啲小朋友好叻！我個仔3歲10個月，K1，淨係識順數1至50，認讀2位數字。至於加減數，係完全冇接觸過淨係問過如果媽咪有一個蘋果你又有一個，咁加埋有幾多個之類嘅問題咋

星星的後裔

nic_bb 發表於 17-3-1 22:27
你哋啲小朋友好叻！我個仔3歲10個月，K1，淨係識順數1至50，認讀2位數字。至於加減數，係完全冇接觸過:waha ...

唔知你講包唔包括我個小朋友呢，哈哈。真心我個唔係叻，當然我欣賞他。而是每個小孩都學習很快，只是家長有無留意及比機會佢。

你個小朋友主動問證明佢好學，教佢多d 啦。佢肯問肯學，唔需要介意制度裡應該是幾時教。

nic_bb

星星的後裔 發表於 17-3-1 22:55
唔知你講包唔包括我個小朋友呢，哈哈。真心我個唔係叻，當然我欣賞他。而是每個小孩都學習很快，只是家長 ...

咁又係，好似我發現我仔由細已好鍾意中文，成日問d字點讀點解，我見佢有興趣都有刻意教佢多d，佢近來鍾意讀《我自己會讀》，先發現佢原來已經識好多中文字除咗學校教嘅英、數，我另外有再教佢少少，好彩佢唔抗拒

星星的後裔

另一樣，我覺得可邊玩學是砌圖。教署指引是4-5歲玩8塊併圖 -_-" 太少了。我地同佢玩幾次30塊的併圖，佢就可以掌握到技巧。只要是他喜愛的卡通人物。若初開始可以選有相同案圖作底紙的，小朋友就容易砌。

babymamaloveyou

教署四至五歲只是八塊，根本就是最低standard， 3歲已做到啦!不是正常standard，而是最低standard. 我四歲小朋友砌30塊冇难度， 我唔覺得佢叻，好多小朋友都做到，所以不用看教署。

rafaelbaba

3歲時開始玩下康樂棋,要擲dice按數字向前及向後行,又要數格仔.
跟住玩UNO ,啤牌遊戲,蘋果棋,黑白棋等,Rush hour game頭十關都可以自己過.
這些遊戲都不錯.

星星的後裔

rafaelbaba 發表於 17-3-6 14:35
3歲時開始玩下康樂棋,要擲dice按數字向前及向後行,又要數格仔.
跟住玩UNO ,啤牌遊戲,蘋果棋,黑白棋 ...

我以為你講要用Q, 打入窿那種康樂棋。

nic_bb

星星的後裔 發表於 17-3-6 22:00
我以為你講要用Q, 打入窿那種康樂棋。

hello^_^

money82 發表於 17-2-28 17:13
我仔3歲半，可以數1至100＋，倒數，單雙數數到一百都可以，加減心算可以做5內加減。6以上要用點點數。明白1 ...

你好，我仔4歲，加法都系用數手指，想請教點樣教佢心算？唔該曬

money82

hello^_^ 發表於 17-3-9 15:21
你好，我仔4歲，加法都系用數手指，想請教點樣教佢心算？唔該曬
...

日常生活多考距，開始比D超簡單。預距識，比距多D信心，有興趣先。迫唔來