金庸武俠小說

happypapahk

眾所周知提高中文能力的好辦法就是閱讀，而金庸武侠小說是提昇中文能力，了解中國文化的好書。請問各位的子女幾歲開始自行閱讀，或家長伴讀此書？效果如何？謝謝！

MC1128

happypapahk 發表於 17-2-27 20:47
眾所周知提高中文能力的好辦法就是閱讀，而金庸武侠小說是提昇中文能力，了解中國文化的好書。請問各位的子 ...

我估, 查大俠寫小說時, 是希望大家鐘意書中人物、故事, 沉醉他的武俠世界

看小說後, 提升了中文能力, 是副作用, 應該不是目標


希望, 唔好本末倒置

看書劍, 為紅花會兄弟結義之情深而激動, 同樣見於倚天的武當七俠

看射雕, 沉醉黃蓉的刁鑽聰敏, 郭靖的俠之大義

看神雕, 愛楊過的率性任情.....

看金庸小說為了提升中文能力, 了解中國文化, 會不會犧牲了看書的樂趣?

MC1128

金庸館  2017年3月1日起展出

  查良鏞博士是香港著名的報人和社會活動家，亦是享譽國際的文學家。1955年他在機緣巧合下，以筆名「金庸」在《新晚報》發表首部武俠小說《書劍恩仇錄》，大受歡迎，其後他的作品一部部橫空出世，直至1972年完成《鹿鼎記》後封筆，總共寫了十五部膾炙人口的武俠小說，讀者遍及全球，是二十世紀最具影響力的武俠小說作家。
  金庸的武俠小說為電影、電視、電台廣播、舞台劇，以至潮流電玩和各類文創產品提供無窮無盡的素材，對香港過去數十年流行文化的發展，有着巨大的貢獻，更成為世界華文讀者的共同語言。
  展覽透過逾100項展品，包括早期流通的小說版本、珍貴的手稿、文獻及照片等介紹查良鏞博士(金庸)的早期事業、武俠小說創作歷程及其小說對香港流行文化的影響。觀眾更可以透過展場內的互動展品，重溫經典金庸電影、電視劇和主題曲的選段，並認識到金庸武俠小說所蘊涵的豐富知識內容。

沙田文化博物館展出

來源:康文署

1998Ruby1998

我補習個妹妹中文好好（應該好過我），佢小四升小五暑假已經開始睇金庸同瓊瑤。

不過提一提，睇書主要為興趣，唔係為提升中文能力，呢個係附帶。睇書可以學多d 字，學多d 知識／文化，但係先要條件係你享受閱讀過程。比如說，睇《還珠格格》本書（因為我冇睇過金庸同其他中文書，所以舉唔到其他例子）果陣你唔會將注意放在瓊瑤寫作手法同用字，你會首先鍾意睇小燕子搞搞陣，爾康同紫薇之間的愛情等等。然後再睇多幾次先會去欣賞中華文化、寫作手法、用字、鋪排等等。

MrBeast

射鵰英雄傳 tv 大家覺得那套最好看呢？
2017
胡歌
張智霖
黃日華

MC1128

MrBeast 發表於 17-2-28 08:21
射鵰英雄傳 tv 大家覺得那套最好看呢？
2017
胡歌

好難有人睇過晒三套，然後比較到最好罷，橫跨30幾年

hoihoima

MC1128 發表於 17-2-27 22:34
我估, 查大俠寫小說時, 是希望大家鐘意書中人物、故事, 沉醉他的武俠世界

看小說後, 提升了中文能力, 是 ...

我估計仔會沉迷到不得了，所以唔敢俾佢開始睇武俠小說。暑假就可以考慮。大家覺得第一套睇邊套好？邊套無咁多本？

ppmmbb

學校推廣！


http://www.yingwaps.edu.hk/Content/02_school_life/02_Activity/displaySingleActivity.aspx?activityId=851&ct=activity&styleId=2

chanwendy

MrBeast 發表於 17-2-28 08:21
射鵰英雄傳 tv 大家覺得那套最好看呢？
2017
胡歌

我只有2017版未睇過, 但胡歌版改咗好多架, 同原著差好遠.

MASAYA

chanwendy 發表於 17-2-28 10:14
我只有2017版未睇過, 但胡歌版改咗好多架, 同原著差好遠.

聽講跟新版，不過我都冇睇過，新版書同劇都冇睇

chanwendy

我剛剛的暑假 (升小五), 我比佢睇射鵰, 我冇伴讀, 但係借完本書我自己先睇, 睇完第一冊先比佢開始睇第一冊, 每睇完一本我再問吓佢內容.  可能實在太多字, 我發現佢就算睇完都唔係太入到腦, 好重要的情節睇完話唔記得.  聽聞2017版係最跟足原著的, 所以有諗過今個暑假比佢先睇劇, 再翻睇一次書.

MASAYA

chanwendy 發表於 17-2-28 10:25
我剛剛的暑假 (升小五), 我比佢睇射鵰, 我冇伴讀, 但係借完本書我自己先睇, 睇完第一冊先比佢開始睇第一冊, ...

原著係咪指連載時期？連載時射鵰有小紅鳥，之後d版本得小紅馬

greentea000

我家族對中文有要求，課外閱讀有指定某些作者。不過返學日子可以睇自己有興趣既，用作娛樂、減壓，新一代沉迷鬼故事同盜墓小說。長假期要睇1~2本指定既，例如白先勇、余光中既作品，之後會有討論。

greentea000

我地唔會伴讀，亦都唔使讀書報告，閱讀如果變成功課就無意思啦！

happypapahk

回覆 IloveJJ 的帖子

你個仔的中文可以考DSE了，好勁！