會睇chapter books但英文說不好

蝦米豬

小一，非害羞形，會睇chapter book如rainbow magic 一本又一本，但說不好英文，家中是長者+印姐多用中文，有何方法?

monkeydiary

蝦米豬 發表於 17-2-22 16:58
小一，非害羞形，會睇chapter book如rainbow magic 一本又一本，但說不好英文，家中是長者+印姐多用中文， ...

我女的情況和你的小朋友相似, 我也想知如何解決呢！

freshrose

識睇同講係2回事, 就正如你識中文唔等於識講普通話

平的方法就係睇多D 英文節目, 你同佢講多D

貴的方法就係直接請個外籍老師教佢

Sask999

蝦米豬 發表於 17-2-22 16:58
小一，非害羞形，會睇chapter book如rainbow magic 一本又一本，但說不好英文，家中是長者+印姐多用中文， ...

會睇是否明白。

任何語言想講得好，都唔係一朝一夕。小朋友在家沒有人同佢講，也沒有其他講的機會，好難講得好。

Honey

何必咁心急呢，除去去旅行，香港小朋友要用英文最重要係小六interview中一，有5年時間，佢肯睇英文書已好好（我細仔唔睇），多啲鼓勵欣賞佢仲好。

shadeslayer

Honey 發表於 17-2-22 19:19
何必咁心急呢，除去去旅行，香港小朋友要用英文最重要係小六interview中一，有5年時間，佢肯睇英文書已好好 ...

語言黃金期, 所指的其中一樣, 就是要發展出講英文時用英文思考。大個左唔係唔得, 係事倍功半, 同能夠達到的水平沒那麽高。

Honey

shadeslayer 發表於 17-2-22 19:53
語言黃金期, 所指的其中一樣, 就是要發展出講英文時用英文思考。大個左唔係唔得, 係事倍功半, 同能夠達到 ...

香港小朋友要學兩文三語，中文比英文難，除非讀國際學校有英文語境，還是先駕馭中文吧！到時兩頭唔到岸或喜歡英文討厭中文，得不賞失！

簡單講，英文要有機會講先講到，一係學校講，一係屋企講，兩樣都冇最後咪出去上會話。

shadeslayer

Honey 發表於 17-2-22 20:16
本帖最後由 Honey 於 17-2-22 20:23 編輯

香港小朋友要學兩文三語，中文比英文難，除非讀國際學校有英 ...

你講的和我講的無衝突, 是兩種野。中文同英文之間平衡是完全另一個話題。

1998Ruby1998

會睇書唔代表可以講得流利！我睇法文書冇問題，但係講會難好多。
我自己讀 Band 1 女校，但係以中文為教學語言，父母同我講客家話。我同朋友自願用英語溝通，由小五到依家我同佢都係用英文多。

除非你家庭同學校用英語做主流，否則呢個年紀應該未能夠「駕馭」英語溝通吧，仲係認識英語階段！環境好重要，依家我係英國大學讀 Year 1 英語及語言學，成日對住班英國人，所以先慢慢將我d 間中 American accent 變做 RP。我如果繼續係香港讀大學，我英文都係繼續間中出現半美口音狀態。冇辦法，香港好多老師英文其實唔係想像中咁好，更不用說 accent。

如果唔想出去會話班／請 native，可以嘗試將 Chapter Books 讀出來。我補習妹妹個媽媽叫我同佢伴讀，我同個妹妹梅花間竹各讀一段，等佢習慣講英語。

再大d，就可以跟台詞讀同睇 TVB Pearl。我細個好咪 Harry Potter 電影，所以會跟住 Emma Watson 講所有台詞，要求自己發音同音調一模一樣。我都有睇 TVB Pearl 的 Dolce Vita 同 Bloomberg（依家好似叫 Market Overview），我以前早上 6 點會同阿爸睇英文財經，Dolce Vita 夜晚 8 點開始做，因為唔係膠劇所以阿媽會畀我睇。

shadeslayer

1998Ruby1998 發表於 17-2-22 21:22
會睇書唔代表可以講得流利！我睇法文書冇問題，但係講會難好多。
我自己讀 Band 1 女校，但係以中文為教學 ...

小一可能被 Voldemort 赫親， Dolce Vita 更加唔啱。

看合年齡的明珠卡通可以了，例如 Garfield.

1998Ruby1998

回覆 shadeslayer 的帖子

我都係一年班唔敢睇 Voldemort ，所以淨係睇前半部份，前半部份講 Diagon Alley、Hogwarts、Quidditch，唔會夏親。Dolce Vita 有時候講食物果part 會好吸引。
所以我上面咪話再大d 先睇，唔需要 1 年班就睇。

我冇睇 Garfield 果d 卡通片，我睇財經大

1998Ruby1998

回覆 IloveJJ 的帖子

NET 或多或少有d 幫助，畢竟係畀細路多個機會同渠道講英文。不過，自身吸收能力係一個主要因素。
不過我覺得請 NET 好貴，同埋有d 家長會講明要 American／British accent，但係值得留意本身 American 同 British accent 分好多種，例如 British accent 有 RP、Northerner、Londoner、Southerner 等等，Northerner 英文口音會稍稍怪怪的。

1998Ruby1998

回覆 IloveJJ 的帖子

話唔定係沉默寡言，一鳴驚人呢！單憑文字，好難斷定咩方法先對你仔仔最有效，不過我估計佢有少少慢熱，一對一或者小組果陣就會比較容易放鬆多講。不過講多冇壞，有人係旁邊糾正就好。

bobbob

1998Ruby1998 發表於 17-2-22 23:46

不過講多冇壞，有人係旁邊糾正就好。

經常糾正會唔會打擊小朋友自信？我覺得細個由佢亂up都得，反正外國人比較寬鬆，只要聽得明就自然會答你

1998Ruby1998

回覆 bobbob 的帖子

我覺得唔矯枉過正就得。

ABC-DAD

睇英文兒童節目，有字幕嘅，有真人嘅最理想，可以看表情同唇形去模仿同感受當中的情緒表達。

Yanamami

我本身中中畢業，英文同煲冬瓜都唔掂，有見及此真係要早d教女~~自己本身出国讀書時就同Ruby講－样，多同外国同学一齐学佢地囗音，自己做功課要睇書時就边睇边讀出声，練下~到d女出世就只睇英文卡通(未識講野开始)听英文兒歌，到幼稚園(英普)上下英文同普phonics, 讀英文書就－定，暑假又浸下英文班……不过屋企係無人講英同普，一句都唔講~其実到升中先叫臨急抱佛腳揾个鬼上下会話，以应付面試(上左两个月)……其实一直以黎我唔知d女講成点，点知小学畢業典禮上佢果班做英文話劇，先知佢好ok下，升中面試同校長英普麗音都無问題(都要多謝五六年班个班主任，係英文科主任，教得好)~所以以我平常家庭－个既經驗係要早早由細浸，听都要听多d,听惯發音~剛啱中一上学期见完老師，唔知係客氣定乜，竟話唔講都唔觉佢係中小入畢業。学Ruby話齋多听多睇英文台(我女以前睇Now，乜節目都睇，煮餸、減肥真人show,、生BB、旅遊、动物世界……卡通)｡

1998Ruby1998

回覆 Yanamami 的帖子

我阿媽阿爸都係中學畢業，阿爸仲係左仔學校畢業，一句正式英文都冇學過，到出來同鬼佬打工，自己買 grammar 書、睇英文版財經同新聞，到今日佢 d 英文都唔錯，起碼我睇佢寫求情信等等都非常流暢精簡。唔講真係冇人知佢原來 19 歲先學！佢幾十年前咁樣都可以學到英文，依家小朋友咁多機會接觸英文，應該更加容易。
以前細個唔明都照睇，Nat Geo Wild、廚神、模特兒、歷史紀錄片等等照睇。Youtube 好多 BBC 紀錄片同真人秀，雖然冇台詞，但係通旁白都會講得好清楚。如果冇字幕怕唔明，可以睇較有興趣的題材，例如 Dog Whisperer with Cesar Millan 《 報告狗班長》（美國馴狗大師 Caesar Milan 幫美國家庭馴狗，呢個 Youtube 打中文有完整片＋字幕）、The Secret life of 4 year olds （英國人研究 4 歲小朋友世界觀同行為）。我仲睇埋 DaVinci Code、Niccolo Machiavelli、George III Documentary 等等，因為涉及好多深入宗教同西方歷史，睇到我一舊雲，不過都照睇，咪當研究下，認識呢個世界。