數學 - 教有關 '比" 概念

gigilulu

小朋友一見"比大, 比少, 比多, 比貴" 就怕計

我試用實物, 圖像都不明, 請問可有其他方法, 萬分感謝!

教到真的很氣餒

1998Ruby1998

你意思是否 「XX 比 YY 貴／大」？

我以前都好驚呢d，我個解決方法係：係形容詞「貴」／「大」／「小」等等，後面加個「過」字。然後「貴／大／小 ＋過」呢個組合去代替「比」呢個字。

例如：這隻狗比那隻貓大

第一步：
這隻狗比那隻貓＋「大＋過」

最後變成：
這隻狗大過那隻貓。

咁樣比較容易明白。

如果係一條問題：牛肉比雞肉貴多少？

同樣道理，將題目變成：牛肉「貴過」雞肉多少？

口語化左個句子／問題，咁應該冇咁怕計。

Ocean419

是小一嗎和+/- 攪不清？我當時是print 張紙印左1-100，比佢睇住如問題問比15大3的數字，手指由15開始向大方向數3格去到18，concept 明白左再返轉頭例式 15+3=18 答案。

gigilulu

多謝大家!

大哥小三, 教極都唔明, 弟弟小一唔教都明.

今晚我再努力試試你們的方法.

bobbob

gigilulu 發表於 17-2-22 09:43
小朋友一見"比大, 比少, 比多, 比貴" 就怕計

我試用實物, 圖像都不明, 請問可有其他方法, 萬分感謝!

係唔明『大小』、『多少』、『平貴』嘅解釋？定係數量概念？

gigilulu

只是聽到'比' 字, 就唔明

數量, 大, 小, 貴, 便宜的概念是明白的

昨晚, 一聽到大過, 少過明好多. 原來真的聽唔明'比'字

多謝大家!

twlo

我的小朋友最初也不明，用了很多方法解釋，也不懂。
可能大人會覺得簡單，一望題目就明。
最後記得幼稚園有教大，少比較用 （＞）及 （＜）扶號，跟著再教A比B多定少，A多過B用＞，A少過B用＜，再決定加減。

1998Ruby1998

回覆 twlo 的帖子

（＞）及 （＜）扶號我小二老師教，邊個「口」大 d 就邊個大。我以前都係左右不分，都係佢教我左手食指同拇指可以做個「L」手勢，一記就記到依家。

呢d 阿媽阿爸點教都唔明，教到好煩厭，點知老師一句就解決曬所有問題。

rean_chau

多+少-。我經歷過講極唔明既階段。
圈左問題要求既數，再搞佢係多定少果個，然後多+少-。

skkeung

gigilulu 發表於 17-2-22 09:43
小朋友一見"比大, 比少, 比多, 比貴" 就怕計

我試用實物, 圖像都不明, 請問可有其他方法, 萬分感謝!

小囡小五才明！

rainrain613

gigilulu 發表於 17-2-22 09:43
小朋友一見"比大, 比少, 比多, 比貴" 就怕計

我試用實物, 圖像都不明, 請問可有其他方法, 萬分感謝!

請問你家小孩現在是否三年級？

cowmoon

係字面（語言）上唔明，定係概念上唔明。

例如，一個橙一個西瓜，"邊個大D"？佢識唔識答？
例如，橙 5 元，萍果6元，"邊個貴D" "貴幾多"？佢識唔識答？

如果識，就係概念上識。
唔識答 "萍果比橙貴一元"，係語言上的問題，written language 同 oral language 的分別。
講比佢知，其實佢識，只係唔識用這個語法 (Syntax), 唔洗驚住，係記住這個 syntax 在口語上的意思就得。