世界不能多點包容？

wan_sosin

Gary_family 發表於 17-2-21 17:04
真不明白，點解世界不能多點包容？世界係有不同程度同天資的小孩，為何平庸的要經常被人比較？被人奚落？為 ...

係囉，TSA拿10歲都未夠的孩子來比較，話什麼基本能力，唔知為乜，既然係基本能力，又點解會不斷提升程度，小朋友能力真的可以每年向前進化嗎？

little_yolky

Gary_family 發表於 17-2-21 17:04
真不明白，點解世界不能多點包容？世界係有不同程度同天資的小孩，為何平庸的要經常被人比較？被人奚落？為 ...

既然是其他人, 管他呢。

Jane1983

其他家長愛比較，出言奚落你小朋友？父母唔介意，仔女就唔介意，街外人無關痛癢，鍾意講乜就講乜，關埋門你地一家父慈子孝，十分幸福就夠。

小朋友成長唔係睇一次考試的比拼，唔係睇三幾年的成績。而家唔好，唔代表第日唔掂，最緊要對自己和小朋友有信心。

Yanamami

無关痛痒既人講既無謂說話，其实可以選擇性失聰｡凡事上心只会苦了自己……我諗最避無可避既应該係－大家族坐埋一齐，姨媽姑姐叔伯兄弟互相比較自己仔女……

Yanamami

家長自己本身心態上也要强，要有自信才可以令孩子也有自信呢~要有－个正向思維才可以继續向前~正所謂人地睇唔起你，你亦唔可以睇唔起你自己……似乎你真正想講係学校老師講說話俾你孩子听？話佢成績唔好？如果老師唔想辦法去幫学生鼓勵学生，而係俾說話学生听，或者你会諗下轉校？
如果係固有空间不能逃避，就必须明白以下道理：
God grant me the serenity
to accept the things I cannot change;
courage to change the things I can;
and wisdom to know the difference.


不能改变現实就只好改变心态｡

Jane1983

回覆 Gary_family 的帖子

幾多年級？ 教導小朋友重視自己的努力和奮鬥過程，感受進步的快樂，比心機，相信努力和知識改變命運。成績唔好比人話，咁操行和上堂表現呢？做好自己最緊要。好多人好mean，或者講嘢唔經大腦，善意的批評要接受，惡意的譏諷就唔好放係心上面。
千金難買少年窮，把這些當係磨練，小朋友成長會更堅強。

greentea000

靠人地包容不如靠自己強大 包括內心

1998Ruby1998

大人都唔鍾意人地攞你同其他人比較人工、家底、業績等等，「己所不欲，勿施於人」！

不過呢，把口生係人地到，你控制唔到佢地講咩，但係可以控制自己心態。呢個世界咩人都有，互相比較呢樣野，只會隨年齡增長，越來越多。你若覺得日子過得煎熬，那這日子過得也煎熬，你若坦然，這日子過得也坦然。一切無關其他，只在於自己的心境。

我覺得只要父母唔攞自己仔女去比較就得。我阿媽成日同我講邊個邊個好過我，我咁樣的成績／行為令到佢係其他家長面前有d冇面。有一次我忍唔住講左句，你咁鍾意佢，咁要面，咪認佢做女囉！搞到頓時關係冰封。

我地未必改變到呢個世界，但係我地可以用心境去改變自己點睇呢個世界。

Felix223

Gary_family 發表於 17-2-21 17:04
真不明白，點解世界不能多點包容？世界係有不同程度同天資的小孩，為何平庸的要經常被人比較？被人奚落？為 ...

盡了自己力去辦好一件事情，無需要理外人的看法和比較。想多了，只是會比自己負擔。

MrBeast

雖然把口生係人度控制唔到，除了自己stay +ve 外，若小朋友較low self esteem，父母要多些留意觀察子女，及時做適當的情緒saw導，多listen少說話

little_yolky

Gary_family 發表於 17-2-21 20:54
不是管不管他的問題！是孩子也懂得聽，自專心，自信心被一步一步挑戰與踐踏！
...

我是過來人, 當然明白。不過, 以我既經驗, 如果父母take it easy, 小朋友係會有抗體的, 當然, 係要做事後心理輔導。

我大伯一家人正一狗口長不出象牙, 次次見到我大女就話佢又肥咗, 可能因為佢細個時的確偏瘦D, 阿妹又無端端由肥妹變咗做瘦妹, 有比較。不過, 佢其實都唔算好肥, 標準既上限線啦, 都係標準丫嘛, 但就次次飯局話佢肥。咁唔通鬧佢叫佢收下把衰口咩? 我哋返屋企咪做心理輔導囉, 同佢講, 女仔有D肉哋至好睇, 著衫可以long得起件衫, pat pat夠大著傘傘裙好靚, 唔好好似枝竹咁, 好肉酸, 云云。當然都有建議佢做多D運動, 條腰幼D會好睇D等等正面既想法。


阿女性格都多愁善感架, 但經過我一番努力, 咁佢依家都自我感覺良好, 唔會自卑, 都覺得自己幾靚女。所以, 呢個世界無教養既人多的是, 就係做父母既要做多D功夫咁囉。

little_yolky

Yanamami 發表於 17-2-21 21:19
家長自己本身心態上也要强，要有自信才可以令孩子也有自信呢~要有－个正向思維才可以继續向前~正所謂人地睇 ...

咁又真係可能因為我自己自信心爆棚, 所以兩個小朋友都自我感覺良好喎, 有遺傳。

不過, 如果樓主小朋友係老師出事, 又真係好麻煩, 小朋友响學校時間多過响屋企, 見老師多過見父母, 老師一句好過家長講十句。好彩我哋學校D老師都無乜嘢啫。

little_yolky

Hoining 發表於 17-2-23 11:22
我認同，我家3個孩子都有不同學障問題，亦有被老師看輕過，但又如何？佢哋依家盡力將成績做好亦唔比一般小 ...

同小朋友講：天將降大任於斯人也, 必先勞其筋骨, 餓其體膚, 苦其心智。我細個時遇到咩困難, 都係用呢句勉勵自己, 好似好阿Q咁。所以, 邊個話讀古籍無用。

vpo0615

我哋控制唔到世界, 無法阻止其他人講D傷害說話; 但我哋可以控制自己嘅心態.
想世界變好係天方夜譚, 唯有引導小朋友提昇EQ.

retriever

Gary_family 發表於 17-2-21 20:59
說的，是其他人，老師也有！避得幾多？就算幾咁「自我感覺良好」也沒用！因為存在於固有的空間，不能往深 ...

把口生係人度，係無辦法既事。

既然你有信仰，就教孩子一同為議論你孩子既人祈禱，原諒佢地既過錯，因為聖經教導不可隨便論斷人。並引以為鑑。