請問大家小朋友每日要用幾多小時做功課？

babywoman

功課多就真係難搞。如果大部分家長都有此感覺 ，我覺得大家應該集合起來向學校反應下。

我仔小四，平日都比較少帶功課回家做，因在校的功課堂做晒。今日星期五，回家再做半個鐘，就ko咗全部功課。

Bigpig_2007

babywoman 發表於 17-2-17 18:47
功課多就真係難搞。如果大部分家長都有此感覺 ，我覺得大家應該集合起來向學校反應下。

我仔小四，平日都 ...

家長多數只會私底下傾，個別去反應還可以，如果集合起來一齊反映，就會變成投訴，投訴完隨時冇運行，大部份家長都唔會博吧～

真係好羨慕，原來仲有咁多學校有咁多功課輔導堂（仔更正我：原來一個星期多數都係得一堂），功課又咁少，我諗都係再慢慢睇有冇機會轉下啦

CALVEN

Bigpig_2007 發表於 17-2-17 20:59
家長多數只會私底下傾，個別去反應還可以，如果集合起來一齊反映，就會變成投訴，投訴完隨時冇運行，大部 ...

我仔學校以前都出名多功課，前幾年有部分家長反應過，改善左好多。

babywoman

回覆 Bigpig_2007 的帖子

大家一齊反映一定得，個別反映，學校以為得你一個咁 ，或少數覺得有問題。
聽聞德信小學五六年前都多功課，經家長反映後，現在少咗 好多（聽在讀生講的）。

不過，我發覺少功課，小朋友都未必得閑。我仔身邊不少同學，放學後一至五及六都排滿節目，可能佢 地樂在其中，但我見到好辛苦。

山海兒女

其實，功課數量只係一個數字，跟本冇得比較，要比應該同自己班同學比。

但能力會因人而異。就算同一班，有人天天在學校完成所有功課，放學後一大堆課外活動，九點半上床；有人晚晚十二點還未做完功課。

我家兩個已經好唔同，明明覺得妹妹的功課好少，應該可以半小時完成，不知不覺，三個小時也未做完。之於哥哥，話好多功課，但好快完成又可以去玩。

greentea000

樓主打聽左小四~小六功課量未？
越高班越多？

洋蔥頭媽咪

小三已經每日10樣，11-12點先訓覺，點捱到高小？通常高小功課會更多，若學校有分精英班，會再多啲。我兒小學時功課不多，通過1個鐘內完成，如果多果日佢亦會利用小息或午息時間做些少，時間分配好重要。我諗樓主有必要了解小朋友是否真係唔識，定粗心大意心散，亦必須要教孩子學懂時間管理，對將來升中後都好有用。如果學校功課真的太多，有必要跟學校反映吓，唔須要怕日後會點點點，好好與班主任溝通下，其實家校合作都好重要。