輕微自閉譜系小朋友選主流小學時應否在申請表格剔特殊需

ncandtkh

仔係輕微case, 無情緒問題，不知應否在申請小學時剔特殊需要，如果剔咗，又驚搵唔到心儀既學校收佢。同埋，想請教下係咪每間公立小學都有特殊服務提供俾呢類小朋友。

Tifftiff0115

我仔仔小五，雖然唔係自閉症，佢係ADHD加讀寫障礙。
係咪每間學校都有服務，係，但係好有限。如果你係咁追住學校咁每個月可以見一次心理學家嘅，但係一個月一次都知道有咩用啦。所以我都一定要出去自己再搵訓練。
我諗你可以考慮下學校個文化，有時候就算學校知左，就淨係得個知字，唔會做乜野，老師亦都唔識處理。

piglet0529

如果你擔心派得唔好要叩門, 那就唔好填住, 但如你都想開學有服務的話, 最好七月初學校未放暑假前連報告書面通知學校, 等學校可以申請到津貼, 我仔也是輕微case, 甚至有資優特質, 想當年報大抽獎時也沒有填, 因為在水深火熱的區準備叩門, 老實說叩門那短短幾分鈡冇人會睇得出, 事實真的要叩門, 叩番第二志願, 我們最後七月交番SEN報告, 雖然學校只安排了言語治療及社交班各幾堂, 但是最重要的是編班時編左跟一資深班主任有處理SEN經驗的, 開學時仔編坐班主任前面, 佢開學後有少少狀況如大聲話人做功課慢, 曾經在不恰當時説的話, 排隊有點不恰當, 班主任有和家長溝通, 後來仔一一糾正了, 班主任也有幫忙仔融入同小朋友玩, 慢慢班主任見他ok也放他調開坐, 有報告的小朋友另外又會有社工傾計, 其實只傾左三幾次, 也不用密的, 見到仔後來享受校園生活, 我沒有後悔交報告, 佢成績幾好, 今年小二仲做左一學期班長

piglet0529

原帖由 piglet0529 於 17-02-09 發表
如果你擔心派得唔好要叩門, 那就唔好填住, 但如你都想開學有服務的話, 最好七月初學校未放暑假前連報告書面 ...

Btw, 我有另外帶他周圍上社交班, 這方面不要期望一般津貼學校可以比好多

Lingyau1221

piglet0529 發表於 17-2-9 03:06
如果你擔心派得唔好要叩門, 那就唔好填住, 但如你都想開學有服務的話, 最好七月初學校未放暑假前連報告書面 ...

填左特殊需要影響叩門的？

olima

擔心學校見到，被標籤而不收。

我仔小六，阿氏保加，當年考了十間私校直資全軍覆沒，抽到心儀津校（當年太勇，有剔特殊，好彩抽到），初小繼續在外訓練，校內有語言、社交班等，成績跟到，最近考到一缐直資中學，好開心。大家努力，我們的孩子會進步的。

piglet0529

當然會, 就算融合教育做得幾好的學校, 你派去冇問題, 他們盡力做, 但叩門就未必收了!

Yukiruirui888

olima 發表於 17-3-20 09:38
擔心學校見到，被標籤而不收。

我仔小六，阿氏保加，當年考了十間私校直資全軍覆沒，抽到心儀津校（當年太 ...

登妳開心，希望我仔升學路都不會太難

Jcat

剔左係會影響叩門, 但唔會影響大抽獎.

crystal媽咪

如果交表時已唔嚴重，或估計小學後無需服務就不要剔。
話無任何影響就假的。
朋友囡囡有特殊需要，交表時，收表那職員話吓，有特殊需要架？

通常d學校都唔想收咁多

lambaby2011

ncandtkh 發表於 17-2-7 11:42
仔係輕微case, 無情緒問題，不知應否在申請小學時剔特殊需要，如果剔咗，又驚搵唔到心儀既學校收佢。同埋， ...

請問是否指在統一派位的申請表上剔？我小朋友是sen, 但我今年填表時睇唔倒係邊度有得剔？