阿仔被確診係自閉症譜系…好徬徨

lambaby2011

阿仔已經5歲幾就6歲，黎緊9月會讀小學，究竟係呢段時間我仲有咩可以做去幫助個仔？

係協康會做左評估，係心理學家幫阿仔做，出黎既結果係自閉証譜系，我無好震驚，因為一直都有上網睇有關情緒問題既資料，但我有d措手不及，因為我既着眼點係阿仔既情緒問題同專注力問題。結果出後我無細心了解自閉症譜系係咩一回事，因為我好疑惑阿仔係專注力方面有無問題，點知心理學家承認佢無係專注力方面作出觀察同評估，暈。我又嬲又失望又無奈，幾想問佢有無得再做過專注力果PART既評做呀！！！

由於講評估結果時花左好多時間同心理學家討論阿仔係專注力方面既問題，心理學家只係講左好少關於自閉症譜系既野，佢只係提過阿仔屬於高功能，跟住又話類似亞氏保加症，不過佢話而家已經唔用亞氏保加症呢個名，統一稱之為自閉症譜系。我上網CHECK，以前係有分類為高功能自閉症同亞氏保加症兩類，咁我個仔係屬於邊一類呢？因為我要等到2月先有詳細報告同轉介信，係等待既期間我真係度日如年，我究竟要睇咩資料，我有咩可以做？

其實阿仔由細到大都好難湊，好多病痛，又有情緒問題，我係佢阿媽，我看在眼內係睇倒阿仔同人有啲唔同，奈何身邊所有人都唔認同，包括佢爸爸，甚至認為我因為無耐性唔夠俾心機湊仔而揾一個出口，我要對抗周遭既壓力而堅持已見帶阿仔睇醫生做評估實在唔係一件容易既事。可惜阿仔係K1時去左政府排隊做評估，到評估時已是K2既事，當時只係確診係言語發展遲緩。如果一早揾私家評估發現阿仔有自閉症譜系，咁就唔駛錯過密集訓練既黃金時期，我真係好後悔！

另外，心理學家有提過唔知阿仔學校有無專家到校服務，佢仲有問我想唔想俾學校知阿仔既情況，我當時答只要幫到阿仔，我唔介意俾學校知。

請問我可以係邊度CHECK？學校可以提供咩支援？

懇請各位可以俾啲意見，唔該晒。。。
       

ncandtkh

你話你仔之前係有言語遲緩，咁應該唔係亞氏保加.

ncandtkh

CAC都話我仔係言語遲緩only,i/e咩位都冇幫我轉介，好在仔未夠兩歲已在私家確診自閉排咗兼收位。我在想如果我冇提早自己搵私家，可能去到仔5/6歲也未必發現問題。

creamyXDD

我小朋友都係2011年出世，政府冇一套完善既支援俾呢d小朋友，資源非常少，我仲記得政府醫生最後同我講：你小朋友冇野，唔駛來。所以誤導左好多家長，錯過小朋友冶療黃金時期。

既然政府唔幫，我就一直響外面有返私家，由自費上社交班，感統，言語到私人上門，另外再針灸，驗血，食療。學習方面，由傳統名幼轉國際學校，請shadow teacher。之間去過20幾間國際學校參觀，每間去2-3次，了解學校早午流程先報名。每日親自接送了解上課表現，課外活動全部私人教，融入感統訓練，再加上在家自己訓練，最近開始見到明顯進步。

小朋友有問題，做家長一定難受，我亦用左好多方法先俾屋企人同朋友明白同正視問題。家長肯面對問題對小朋友係好大幫助，要脫離傳統學制亦係要衝破心理關口，種種冶療亦需要大量金錢同時間，但只要小朋友有進步都係值得既。衣食住行大人可以好慳，慳埋都用响佢身上。

呢個世界太多歧視同意見，太多競爭同不滿，若果小朋友唔能夠䀆早改善，好快一上到小學，尤其local 主流，佢好快知道自己同人不一樣，就算佢未必同平常人一様表達同相處，起碼能夠自己避開沖突，保持開朗心裡，健康成長，呢d都係好重要。

LeeCC

creamyXDD 發表於 17-1-31 11:02
我小朋友都係2011年出世，政府冇一套完善既支援俾呢d小朋友，資源非常少，我仲記得政府醫生最後同我講：你 ...

你所講的方法，一般家庭吾系大人慳就可以負擔得到，好多家庭只可以等政府，在等政府時只可以排下NGO的服務，都係個句，都係要排

chowqv

ncandtkh 發表於 17-1-31 01:57
你話你仔之前係有言語遲緩，咁應該唔係亞氏保加.

No，我個仔係阿氏保加，都有言語發展遲緩。

KCHK

樓主， 請問心理學家的評估是否已經做IQ test ？如果是亞氏保加， 即係IQ 高於正常? 另外你講得小朋友有專於力問題係點樣的？ 你意思係佢每做一樣野都唔可以專注好耐?定係佢對住自己有興趣的東西可以好專注? 因為自閉症小朋友係對自己喜歡的東西可以重複又重複做,好專心到其他人想插入佢都唔理人。 如果一早已經有上開言語治療的, 有無問到治療師傾下小朋友情況? 樓主是擔心那一方面的問題？行為問題定社交問題?

ivertam

chowqv 發表於 17-1-31 16:17
No，我個仔係阿氏保加，都有言語發展遲緩。

想問樓主小朋友語言遲緩多久？

piglet0529

原帖由 lambaby2011 於 17-01-30 發表
阿仔已經5歲幾就6歲，黎緊9月會讀小學，究竟係呢段時間我仲有咩可以做去幫助個仔？

係協康會做左評估，係 ...

直接問幼稚園有冇到校服務, 唔知仲有冇可能上幾個月, 另不要選一線小學, 選二線關愛小學, 因為已經有情緖出來, 專注力也是question, 三.趁仲有大半年上社交班/情緒班/小一適應班, 尤其善用暑假, 家長要留假陪伴九月份開學協助適應上小學, 多了解及鼓勵, 好的開始好緊要, 識到朋友仔同唔爆脾氣的話就可以好快適應小學生活, 我仔當年CAC起初也説冇野, 也是言語delay數月, 後來才評到自譜, 亞氏的定義説有言語delay不屬亞氏, 其實是不是亞氏不重要, 如果你上YouTube 長大後的以前評為亞氏有很多的在社交上有言詞不融合的情況, 反正這個term已經不存在, 反而言語delay加緊訓練仲可以追上一般小朋友

piglet0529

原帖由 lambaby2011 於 17-01-30 發表
阿仔已經5歲幾就6歲，黎緊9月會讀小學，究竟係呢段時間我仲有咩可以做去幫助個仔？

係協康會做左評估，係 ...

直接問幼稚園有冇到校服務, 唔知仲有冇可能上幾個月, 另不要選一線小學, 選二線關愛小學, 因為已經有情緖出來, 專注力也是question, 三.趁仲有大半年上社交班/情緒班/小一適應班, 尤其善用暑假, 家長要留假陪伴九月份開學協助適應上小學, 多了解及鼓勵, 好的開始好緊要, 識到朋友仔同唔爆脾氣的話就可以好快適應小學生活, 我仔當年CAC起初也説冇野, 也是言語delay數月, 後來才評到自譜, 亞氏的定義説有言語delay不屬亞氏, 其實是不是亞氏不重要, 如果你上YouTube 長大後的以前評為亞氏有很多的在社交上有言詞不融合的情況, 反正這個term已經不存在, 反而言語delay加緊訓練仲可以追上一般小朋友

KCHK

另外, 樓主, 小朋友是否已經注冊小學學位? 定係要等大抽獎? 如果係前者就盡快通知學校小朋友有特殊需要。係後者的就睇清楚有邊間學校比較適合小朋友支援。

MyAutisticBoy

lambaby2011 發表於 17-1-30 21:09
阿仔已經5歲幾就6歲，黎緊9月會讀小學，究竟係呢段時間我仲有咩可以做去幫助個仔？

係協康會做左評估，係 ...

樓主，我都好明白你嘅心情，我都係過來人，我覺得你可以而家幫佢報一些社交班，小學適應班等等。另外，我個人經驗係運動可以幫到我仔仔，所以幫佢報咗游水、足球、籃球等等，亦可以等佢學吓合群。我亦都有俾仔仔食魚油丸，因為佢專注力都唔好。

另外，如果經濟許可，或者可以留意下國際學校？

chowqv

ivertam 發表於 17-2-1 07:03
想問樓主小朋友語言遲緩多久？

當年話遲咗1年-1年3個月…但係我個仔口齒伶俐…2歲識同我講佢好寂寞（當然我有問佢知唔知點解）。我問個言語治療師點解，佢話阿仔無咩"量詞"，所有野都係"一個同一隻"…我話正常吖，因為佢阿娘我都係咁。但治療師堅持要寫呢個數…我都無計。
到小學，個仔優先上言語治療班（係治療師到校，一班4個人）

chowqv

KCHK 發表於 17-2-1 00:03
樓主， 請問心理學家的評估是否已經做IQ test ？如果是亞氏保加， 即係IQ 高於正常? 另外你講得小朋友有專 ...

智力評估一般要7歲先會做。如果係CAC，佢地只會為智力略遜既做，因為佢地可能要讀特殊學校。
我自己就同阿仔自費去排港大，7歲時已經做咗。結果係未到資優（資優要有130分，阿仔得128）.

chowqv

KCHK 發表於 17-2-1 00:03
樓主， 請問心理學家的評估是否已經做IQ test ？如果是亞氏保加， 即係IQ 高於正常? 另外你講得小朋友有專 ...

智力評估一般要7歲先會做。如果係CAC，佢地只會為智力略遜既做，因為佢地可能要讀特殊學校。
我自己就同阿仔自費去排港大，7歲時已經做咗。結果係未到資優（資優要有130分，阿仔得128）.

KCHK

咁即係只要覺得係智力正常就唔會做IQ test。我仲以為6歲就會成套評估做一次。

KCHK

原來係咁， 我仲以為協康或CAC 都係用同一個準則去做評估, 當中包括智力評估。 現在只知道唔一定要做智力評估

Tifftiff0115

不如針對小朋友專注力搵D訓練小組參加下，唔係好貴架啫。之後再問下D導師有咩意見俾到你咁囉，始終做嗰行又熟D，我都係咁問。