DSE sba 係咪好大影響? 求意見

1998Ruby1998

影響可以好大架。

例如我 Eng Lit 有 SBA （唔叫 SBA，叫 Portfolio），佔 20%，我 Eng Lit 考試一向分數低，靠 SBA 拉翻一個 grade！跑贏其他同學，平日係學校我分數排名最低。

當然，Eng Lit curve 同中文好唔同，因為中文多人考，curve cut off 分數比較穩定，唔似得 Eng Lit 咁，差 7％ 就 4 同 5* 的分別。

如果讀一線學校，通常 SBA 都係會偏高分，因為好少抽查一線學校d SBA（有品質保證，呢個係我老師講的）。

翻正題，回答你問題

SBA 可以影響好多，尤其如果你考試考得好，考評局會拉高翻你個分，因為佢地唔能夠排除你學校老師有冇偏心。如果 考試考得差，考評局會 keep 你個 SBA 分數，保你周全。總之就以你利益行頭。

中英文 SBA 未必影響好似其他科咁大，因為 SBA 個分唔係獨立，係計入去卷三／四到（我唔係好記得係邊份）。上年開始已經冇卷五綜合能力呢樣野。但係都要睇你果屆個表現。如果大家分數好相近，SBA 高 2、3分真係可以高一個 grade。

genpub

//如果讀一線學校，通常 SBA 都係會偏高分，因為好少抽查一線學校d SBA（有品質保證，呢個係我老師講的）。//

所有學校都會去查，無論是否BAND 1。請看以下文件
http://www.hkeaa.edu.hk/DocLibra ... rationBooklet_r.pdf

1998Ruby1998

回覆 genpub 的帖子

我學校老師話咁多年，教育局都冇查過我地學校

1998Ruby1998

回覆 YeeYee01016 的帖子

同我上面講的一樣，因為 SBA 個分唔係獨立，係計入去卷三／四到

例子：假設有一科，卷一至四各佔 25%分數，SBA 計算入卷三，佔卷三 50%。


咁 SBA 係成個 DSE 科目成績變成 50% X 25% = 12.5%


呢個係一個極端和簡單化的例子，SBA 未必佔一份卷咁大 ％。


不過科目例如 LS 同 Eng Lit，SBA 係自己獨立一份「卷」，佔成個科目 20 ％。相比之下，其他科 SBA 緊要過中英文 SBA。

genpub

回覆 1998Ruby1998 的帖子

即是你的老師吹牛了。每間學校都要交樣品上考試局。每年放榜後都會把SBA報告交給學校，以告知其SBA分數調整的情況

lm251099

genpub 發表於 17-1-28 20:13
回覆 1998Ruby1998 的帖子

即是你的老師吹牛了。每間學校都要交樣品上考試局。每年放榜後都會把SBA報告交 ...

應該係咁。啊女話如果整體同學成績差吾多。係何以攞高啲。佢校亦試過俾考試局調高個分數。何能老師俾分比較保守。但可不可以拉高一、二個grade 就吾知啦。個人認為在cutoff 位時。有一個級別幫助吾奇。

熙媽媽

YeeYee01016 發表於 17-1-28 14:04
謝謝大家

咁點解話中英文sba 計入卷三影響冇咁大呢？

其實計入邊卷顯示出黎，抑或獨立顯示出黎並非重點。

以你同youtube講者舉中文為例，請先睇睇評核大綱。2013搵唔到啦！不過2015卷三及卷五仲未合併，分數比例同2013一樣，可作參考：
http://www.hkeaa.edu.hk/DocLibrary/HKDSE/Subject_Information/chi_lang/2015hkdse-c-clang-rev.pdf

youtube講者比較卷五分同卷六分，達致結論就係卷六好緊要，大前提我同意佢提學生要努力，不過個推論過程有少少問題。

1.如果睇睇2013年「評核大綱」，卷五(綜合)佔16%，而卷六(SBA)佔20%。卷六weighted paper mark多過卷五，並非如youtube講者比直接比較56及74可見，畢竟2卷佔分先天已不同。另各科都有自己「評核大綱」，一早寫晒SBA佔分幾多，有興趣可以上HKEAA睇睇，並唔需要自己估估下。(http://www.hkeaa.edu.hk/tc/hkdse/assessment/subject_information/)

2.有時間亦可以上小卒睇睇，你會發現一D有趣嘅現象：
(1)HKEAA會調整考生SBA個分，就好似你段youtube，個個考生由76比HKEAA調到74，減左2分。點調法又唔係咩秘密，HKEAA網都有http://www.hkeaa.edu.hk/tc/sba/introduction/，不過要花時間睇，但係應該唔存在band1因此調高嘅問題。事實上，如果話根banding調，第一屆dse就唔會有咁多名校生中文3唔到，而中文亦唔會比人稱為「死亡之卷」啦！我望過小卒考生嘅分紙，有人比HKEAA調低10分，有人被調高9分。至於點解咁調，HKEAA亦有小冊子說明，之前genpub亦有提到http://www.hkeaa.edu.hk/DocLibrary/SBA/HKDSE/HKDSE-SBA-ModerationBooklet_r.pdf
(2)自修生SBA個位HKEAA都會比個分佢，有時間可以比較下，好有趣。

3.同意中文SBA個分獨立睇好似高過其他卷個weighted paper mark，不過我只想問：當全部考生SBA平均分都有約60，大家都水漲船高，呢份卷個分雖然值得重視，但真係未去到咁神話嘅地步。總之，無論SBA定各卷，都要努力啦！

熙媽媽

YeeYee01016 發表於 17-1-27 12:45


1. 請問sba 是否對dse 整體成績影響很大

阿仔中四，我都睇多左SBA嘅野，個人覺得唔好HEA，但除左SBA佔分多嘅科目(如VA，佔50%，http://www.hkeaa.edu.hk/DocLibrary/HKDSE/Subject_Information/va/2019hkdse-c-va.pdf)，其他科目SBA對整體成績未致影響「好」大。
不過都要努力，唔好HEA。

熙媽媽

lm251099 發表於 17-1-29 15:40
本帖最後由 lm251099 於 17-1-29 15:42 編輯

個人認為在cutoff 位時。有一個級別幫助吾奇。 ...

完全同意

熙媽媽

YeeYee01016 發表於 17-1-27 12:45
3.　sba 大家距離2, 3分是否即是dse 已距離1 個grade?

HAHA，如果去到cut off，唔使2-3分，1分已影響一個GRADE。

事實上，如果去到CUT OFF，邊張卷多1分，都已有以上效果。

熙媽媽

YeeYee01016 發表於 17-1-27 12:45
近來好煩
因為聽聞學校sba 是用來拉低個dse 整體成績

YeeYee01016 ，如果想知多D SBA D 野，可以上HKEAA睇，http://www.hkeaa.edu.hk/tc/sba/。
不過，小朋友大晒囉，應該由佢地緊張，我都係自己睇睇明白就算，都無同佢講我睇左D咩。

BTW , happy new year

lm251099

YeeYee01016 發表於 17-1-30 15:07
多謝大家既意見
我家細佬就係好緊張
我又唔識

我認為這個想法係錯的。

SBA 係DSE考試嘅一部分，無論佢係獨立一卷或是比例，只是佢不是公開大家坐定定一齊考而是校內老師俾分再經考局考核確認。但是在總分上都會有佢嘅存在。

就如在校考試成績表上總分會由平時分及考試分得出。

所以無話可以拉到grade. 只是你嘅能力可以考到幾分。

ALAL

縂之推動仔女盡力做就無錯，經過sba. 阿仔学懂好多應在大学才用的論文技巧，他有些科是最後一年有sbs.慶幸有經歷過。

ALAL

一線中学sba會高分D，我聽過，無奈。好多学生都|是考試吾叻做project叻

ALAL

應該是

熙媽媽

ALAL 發表於 17-1-31 15:44
一線中学sba會高分D，我聽過，無奈。好多学生都|是考試吾叻做project叻 ...

調分機制係用「公開試成績」調SBA成績，應該唔會純粹因為BAND 1 ，所以SBA分高。
應該係BAND 1學生係公開試有一定表現，可能平均成績高於全港水平，以致SBA分就會高於全港水平。

BTW, 上面「機制」本書都講左，係用全間學校「公開試成績」調SBA分，所以係學校SBA條隊個排位都重要，都唔好HEA做。
個人覺得，唔好HEA做SBA，但亦唔應該花太多時間做，畢竟除VA外，SBA只係佔成個公開試成績15-20%，仲有80-85%要努力。

熙媽媽

YeeYee01016 發表於 17-1-30 15:07
我唔知我有冇get 錯： 即係sba 係可以影響dse 1 個grade
是嗎？

如果小朋友已經好緊張，就唔好再同佢咁講啦！

「我唔知我有冇get 錯： 即係sba 係可以影響dse 1 個grade，是嗎？」太簡化左個問題，對小朋友無好處，仲有少少愚民。

其實我覺得GENPUB解釋得好好，你試下想想呀！

或者咁講，假設學校合格分為50，而某科考分由5份卷組成，
考生A計完weighted paper mark，
10(卷一)+10(卷二)+10(卷三)+10(卷四)+9(卷五)=49
差1分先合格(用你說法「影響 1 個grade」)，你覺得邊份卷多1分weighted paper mark就可以發揮到呢個作用？

答案係各份卷都得。就正如係DSE度，如果個考生成績近CUTOFF，邊份卷多1分都會影響個GRADE。

但係考生B計完weighted paper mark，
9(卷一)+9(卷二)+9(卷三)+9(卷四)+9(卷五)=45
如果比呢個考生某一卷多左2-3分將有咩效果？由於CUTOFF係50，比多3分呢個考生佢都係得48，無助於提升一個GRADE。

如果小朋友已經好緊張，佢應該自己了解一下。而我則反而覺得唔應該將SBA講到咁神化，唔好HEA做，亦唔好犧牲其他卷/科目嘅時間去做。