<討論> 成熟度與學業成績

retriever

呢度主流講私補同練習部.

另一面係所謂"閱讀派" 萬事皆能...

想在這裡提供另一視角討論...

記得當年中學既數理化生物.... 大家可能有同樣感覺...

就係當年覺得好難好TRICKY 既野, 到而家睇返覺得好淺..

唔係話自己溫返書, 實際係多年唔接觸, 但多年以後睇野闊左多角度...


無論數理解題, 知識性既理解都好STRAIGHT FORWARD 咁, 當然效率係另一回事...


如果你認同以上經歷, 會否認同成熟度與學業成績既關係?


老實講句, 同年代讀名校既朋友仔, 又真係成熟D....


提昇孩子成熟度, 又是否增進細路學業表現的另一途徑?


歡迎跟帖討論.

akys

有時未到嗰個階段，再努力都係事倍功半。 例如要小孩認真覆卷或寫作流暢等。閱讀係打底，當開竅時就會見到成績。當年自己中三前都係hea爆，玩行先，無理將來，成績中下，但一上中四有感前途重要性，自動發力。。。

retriever

akys 發表於 17-1-27 11:43
有時未到嗰個階段，再努力都係事倍功半。 例如要小孩認真覆卷或寫作流暢等。閱讀係打底，當開竅時就會見到 ...

成熟度包括責任感, 使命感, 睇事物多角度, 遇難唔易放棄...


呢D 係咪對學業有側面幫助?


係隨生理年齡自然增長, 還是可以培養?!

MASAYA

可以培養，就係多d生活體驗

brother4

想起產房廣告，女學生 生bb,男學生正在打機，另成熟度高的，一定又目標/方向，成績有要求。。

akys

回覆 retriever 的帖子

覺得太早都係事倍功半(之前寫錯)，淨係責任感同明白因果（努力－成績好－上大學）同個初小學生講都係嘥氣。因為覺得精乖小朋友係想父母認同多過為自己。

retriever

akys 發表於 17-1-27 12:15
回覆 retriever 的帖子

覺得太早都係事倍功半(之前寫錯)，淨係責任感同明白因果（努力－成績好－上大學） ...

責任感我係要佢自己收出街玩既野，帶漏左就無得玩，如此類推。自己能力做到既事自己做。

keep-calm

個人覺得小朋友的「成熟度」係先天性格主導，後天教養方法不同影響不大

洋蔥頭媽咪

個人覺得態度與責任感先最為重要。孩子有良好讀書態度，有責任感，我相信差極有限，而呢啲行為與態度必須從小就要培養。並非每個人都是讀書材料，學業成績亦只是人生其中一小部分啫，一個人嘅態度先最影響成敗。

oooray

絕對係。我自己便是一個例子。當年唔知点解早左2年入學；小學冇問題,學業叫做好嗰邊啦,上到中一,鴻溝好闊,中英係跟唔上,返學年年發緊夢,中五放Easter先開始温會考,勉強過到中五傅碌原校升中六,基本功唔好,A-level當然打棟入打橫出。

Yanamami

成熟度－向重要……唔係点解禁多人要自己果个做大B? 点解学校鈡意收大B? 点解女仔成績会好过男仔(尤是小学、初中階段)……咪就係成熟d.

retriever

Yanamami 發表於 17-1-27 15:45
成熟度－向重要……唔係点解禁多人要自己果个做大B? 点解学校鈡意收大B? 点解女仔成績会好过男仔(尤是小学 ...

你講既成熟度，特別女仔比對男仔果D， 明白，主要係上進心方面。

但係對問題理解能力，亦係人老左明白哂。呢方面又點計？

retriever

oooray 發表於 17-1-27 15:42
絕對係。我自己便是一個例子。當年唔知点解早左2年入學；小學冇問題,學業叫做好嗰邊啦,上到中一,鴻溝好闊, ...

可否培養？

ABC-DAD

一個人，係唔會同一時間，所有條件同能力都同步發展，強摘的瓜不甜吶。
為增進成績做考量，把小學生在未成熟的階段催成高中生的水平，難道不抇心在大學中段就凋殘了麼？

ANNAFRIEND

邊個話女仔一定成熟d，我果兩件咪唔係羅，我覺得佢地發展似男仔多d，極遲熟。我相信如果佢地熟起上黎，讀書係可以好勁果種，我期待中

oooray

我覺得冇。
我自己做了個實驗,中五中七各考多一次公開試,在冇乜好好準備情况下,同一科目考多一次结果成績大多高一級(英文除外,因係得半桶水就半桶水）亦引證你講早一年睇極唔明,遲一年一里通百里明。如樓上說有D家長出盡辦法由細B變超大B,係有道理。

retriever

ABC-DAD 發表於 17-1-27 16:03
一個人，係唔會同一時間，所有條件同能力都同步發展，強摘的瓜不甜吶。
為增進成績做考量，把小學生在未成 ...

咁睇下講緊物野成熟度。當然唔係講緊”學業操到殘” 果D

oooray

原帖由 retriever 於 17-01-27 發表
你講既成熟度，特別女仔比對男仔果D， 明白，主要係上進心方面。

但係對問題理解能力，亦係人老左明白哂 ...

撇開成績唔講,十一二歲階段,女仔係普通成熟一点,男仍有好多低能思想或行為,是事實。

retriever

oooray 發表於 17-1-27 16:11
我覺得冇。
我自己做了個實驗,中五中七各考多一次公開試,在冇乜好好準備情况下,同一科目考多一次结果成績大 ...

我唔係話差一年半年既。

好似中學既物理，甚至大學既一D 科目，到而家一把年紀，但真係一睇就明。仲有一D 以前不求甚解要強記既口水科目，而家會自動歸左個目錄咁，順瓜摸藤咁講返哂出來。

我指既成熟度唔係對某學科既深入理。係多視角似D。

oooray

除外慢火120度焗二十分鐘,我就唔知有咩方法大幅提升孩子成熟度。叫佢去寫字樓train番一年半载,又唔現實。樓主有咩高見?