世襲生搶佔多區學額

elbar

家長為今年九月入讀小學的子女選校時避免「一窩蜂」報熱門學校。


新學年適齡小一學童人數增加，屬學校必收的「世襲生」亦相對上升，進一步蠶食統一派位學額。名校林立的中西區11校網，「世襲生」合共蠶食了區內七十四個統一派位學額，是近十年來首次需要向其他校網借一百五十個學額「應急」。有校長提醒，統一派位競爭將更激烈，家長選校時應更謹慎，避免「一窩蜂」選報熱門學校。


中西區首次借額應對


《2017年度統一派位各小一學校網選校名冊》內發現，多個校網出現「世襲生」蠶食、即是在自行分配階段超額取錄有兄姊在同校就讀的學生，直接令統一派位學額減少。其中深受家長歡迎的九龍城41校網，「世襲生」共蠶食六十三個統一派位學額，需向黃大仙43校網借近一百六十個學額，其中喇沙小學因多收了六個「世襲生」，令該校統一派位學額僅餘八十四個。


另一名校網、中西區11校網的七十四個學額被世襲生取走，需向灣仔12校網和南區18校網借調合共一百五十個學額。在北區80校網，深受本地及跨境家長歡迎的鳳溪第一小學學額同被「世襲生」蠶食，統一派位學額由原本的六十個，大幅削減至僅得二十九個。中西區校長會主席、香港潮商學校校長詹漢銘指出，今、明兩年區內適齡入讀小一的學童人數增加，令學位競爭激烈，以他了解，今次是中西區校網近十年來，首次需向其他校網借調學額，意味將有學童需跨區上學。


家長忌集中揀熱門校


他提醒家長，在統一派位階段，填寫第二、三志願時應更謹慎，「唔好一窩蜂揀晒啲熱門學校，因為通常放喺第二輪志願的學校，獲派機會唔大」。

sunflower2000

之前論壇內有會員話要去平機會投訴世襲制度, 唔知投訴成點呢?

poonseelai

sunflower2000 發表於 17-1-22 09:19
之前論壇內有會員話要去平機會投訴世襲制度, 唔知投訴成點呢?

平機會只受理有關性別、家庭岡位、種族投訴，世襲應該不屬有關內容

tkinwong

poonseelai 發表於 17-1-22 09:26
平機會只受理有關性別、家庭岡位、種族投訴，世襲應該不屬有關內容

另外，世襲有負面意思，但兄長弟妹在同一間學校就讀，是支援家庭措施，我相信是社會共識支持。

hkpapa852

tkinwong 發表於 17-1-22 13:07
另外，世襲有負面意思，但兄長弟妹在同一間學校就讀，是支援家庭措施，我相信是社會共識支持。
...

不要期望無知既記者會有中肯既報導

ffaye

hkpapa852 發表於 17-1-22 13:26
不要期望無知既記者會有中肯既報導

但大部分家長或其他市民，睇既正是呢d報導。

Charlotte_mom

點解要用搶佔，蠶食呢d難聽字眼？
制度就係制度，總係對某d人有利，對某d人無利架啦。人地大仔讀緊，細仔直入，講到好似去搶咁

hkpapa852

Charlotte_mom 發表於 17-1-22 14:34
點解要用搶佔，蠶食呢d難聽字眼？
制度就係制度，總係對某d人有利，對某d人無利架啦。人地大仔讀緊，細仔直 ...

可惜依家D新聞好似唔嘩眾取寵就無法証明自己價值咁。

kkhon

回覆 sunflower2000 的帖子

世襲制度都係顧及父母方便照顧同校子女啫，雖然我得一粒仔冇得享用，但我覺得冇问題喎。将心比己，点解要投诉呢！其实好多野都係家家有求，當果樣野自己冇受惠就嗌吾公平，咁自己受惠左的又点呀？

nerolibaby

我係15分人士，我覺得世襲位 OK ，都係方便父母姐…
但宗教分， old boys old girls 就藉得商榷

Forgetmenot999

只為方便接送子女的確沒必要必收

se6b03

Charlotte_mom 發表於 17-1-22 14:34
點解要用搶佔，蠶食呢d難聽字眼？
制度就係制度，總係對某d人有利，對某d人無利架啦。人地大仔讀緊，細仔直 ...

但世襲收多左，的確係會用埋大抽獎既位，實際真係搶左人地個位，因為大家都有權利申請入讀果間學校。

如果係兩條隊，自行世襲收多幾多，相應開返咁多個位出黎，唔用大抽獎既位就無問題，點解唔開多d位呢？

Charlotte_mom

se6b03 發表於 17-1-23 09:50
但世襲收多左，的確係會用埋大抽獎既位，實際真係搶左人地個位，因為大家都有權利申請入讀果間學校。
如果 ...

一間課室咁多位就係咁多位架啦，無得加呀。

se6b03

Charlotte_mom 發表於 17-1-23 10:14
一間課室咁多位就係咁多位架啦，無得加呀。

特別室可以改做課室，點解一定係每班33人，加到38人唔得？可以用浮動班制，輪流使用課室，再唔係同其它學校借用臨時課室，加貨櫃箱改做課室，仲有好多方法。非常時期當然要用非常措施，要加班加人大把方法，只係當局要保護弱勢學校，加班就加係寶校，熱門學校就唔比加班加人。

kkhon

回覆 Forgetmenot999 的帖子

如果2個低小的子女不同校，返学放学的時间一样，而只有媽媽或一個老人家湊，咁点呢！

kkhon

回覆 hkpapa852 的帖子

社会的分化，有赖呢d報纸

Forgetmenot999

kkhon 發表於 17-1-23 10:33
回覆 Forgetmenot999 的帖子

如果2個低小的子女不同校，返学放学的時间一样，而只有媽媽或一個老人家湊， ...

那教育處可考慮要求學校延長一至一個半小時接送時段便可解決以上問題

kkhon

回覆 Forgetmenot999 的帖子

若学校有学生未離开，為保障学生安全，要有老师看顧的。

Forgetmenot999

se6b03 發表於 17-1-23 09:50
但世襲收多左，的確係會用埋大抽獎既位，實際真係搶左人地個位，因為大家都有權利申請入讀果間學校。
如果 ...

自行分舊生的確有其貢獻，但世襲分不但毫無貢獻，亦分薄了其他小朋友入讀的權利