德寶(寶盈) vs 德寶(富康)

WP1821

現在寶盈分校主要是國際班，而富康分校是主流班，除了國際和主流不同外,大家會如何選擇呢？
有沒有用家可以分享下？

yeung_b_mama

我女由2014年讀N班到依家K2。N班時讀國際班，一個外籍老師加一個中文老師做班主任，老師，嬸嬸都有愛心，女女番學都開心既，但始終英文唔係母語，佢同中文老師就多野講啲，外籍老師就成日同佢傾計氹佢講英文。
到K1時轉番主流班到依家，日日都會同我講番番學好開心。程度一定較有學券學校深，K2下學期開始默書，今星期默英文下星期就中文，最多三個詞語，小朋友接受到既。每日都有外籍老師上課，普通話就一星期有三堂，全日班就比半日班各上多一堂。茶點都可以既，校舍都大，語境非常好既。活動教學，上英文課已經學埋拼音，哩個好好，出面要再俾錢學，但佢上堂就學埋。多出外比賽機會，如朗誦。交通安全隊都成日拎奬的。2016年時仲轉左個校長，我覺得轉得好！有好多新既改革，但以小朋友為出發點，以前行政混亂，依家透明度高左，而且成日見到個校長，以前成日唔見人。

fatfattiger

回覆 yeung_b_mama 的帖子

你好呀！我係新搬入哩區既媽媽，對哩區既約幼稚園零知識，依家努力了解中，啱啱剛到你哩個post，寶盈哩間德寶因為近我，我都想小朋友報考K1，想請教你當年囡囡入學面試時係點架？係考小朋友多啲定大人多啲架？因為我聽人講有啲學校着重家長

Owencheung

fatfattiger 發表於 17-4-13 10:43
回覆 yeung_b_mama 的帖子

你好呀！我係新搬入哩區既媽媽，對哩區既約幼稚園零知識，依家努力了解中，啱啱 ...

我都係新搬到將軍澳。有Deborah 同greenfield  offers,  最後選了Deborah,面試時感覺Deborah (寶盈）較international . 小朋友嚟近讀K2.希望無選錯喇

siutingf

Owencheung 發表於 17-4-22 08:40
我都係新搬到將軍澳。有Deborah 同greenfield  offers,  最後選了Deborah,面試時感覺Deborah (寶盈）較int ...

我仔國際K2 我都係覺得德寶感覺比綠茵好，寶盈老師睇得出好鐘意小朋友，我小朋友好有學習動機，我好滿意間學校，而家學校仲有免費的面試班比小朋友上

AK14

yeung_b_mama 發表於 17-3-30 14:18
我女由2014年讀N班到依家K2。N班時讀國際班，一個外籍老師加一個中文老師做班主任，老師，嬸嬸都有愛心，女 ...

請問你囡囡讀寶盈定富康?

Charmom

yeung_b_mama 發表於 17-3-30 14:18
我女由2014年讀N班到依家K2。N班時讀國際班，一個外籍老師加一個中文老師做班主任，老師，嬸嬸都有愛心，女 ...

希望德寶好！囡囡8月開始讀國際PN。總覺得他們的前線員工禮拜一般，行政不太有條理。

yeung_b_mama

fatfattiger 發表於 17-4-13 10:43
回覆 yeung_b_mama 的帖子

你好呀！我係新搬入哩區既媽媽，對哩區既約幼稚園零知識，依家努力了解中，啱啱 ...

老實講，當年我無諗過佢會入到哩間學校，因見左幾間學校都唔收，其中只有一間收，而且一心諗住讀果間就算，所以當年面試，我要番工無陪佢去見的，由其他家人陪同去見的。我真係唔知佢考左咩(emoji)希望你小朋友能入讀

yeung_b_mama

AK14 發表於 17-7-3 13:07
請問你囡囡讀寶盈定富康?

佢依家係富康讀主流班

yeung_b_mama

Charmom 發表於 17-7-3 21:20
希望德寶好！囡囡8月開始讀國際PN。總覺得他們的前線員工禮拜一般，行政不太有條理。
...

前線員工唔係重點，重點係啲老師點對小朋友。BB班時教過亞女既老師，依家一見到面都會即刻好熱情地過黎攬住亞女，令亞女好有歸熟感好開心老師仲對佢咁好呀！至於你話行政，已經比舊校長時代好嫁啦，起碼依家日日都會見到校長，而且會聽家長意見，有問題即刻幫你拆掂。前校長有問題就唔見人的

Unibb

行政的確普通，但老師有耐性有愛心

Leemeilo

回覆 yeung_b_mama 的帖子

你好似同楊校長好熟甘播，連佢邊一年上任都背得出，大家個名有係有個楊 (yeung) 同姓3分親? 你係德寶員工? 希望你係真正用家啦，唔好誤導其他家長

yeung_b_mama

Leemeilo 發表於 17-8-4 01:55
回覆 yeung_b_mama 的帖子

你好似同楊校長好熟甘播，連佢邊一年上任都背得出，大家個名有係有個楊 ...

我需要誤導大家嗎？如果間學校係唔好既，我相信無論我講咩都唔有人理我。更何況唔需要我講咩，都已經好多人報名啦我小朋友果班入面，有區外小朋友入讀添。我日日放學都會自己接個小朋友放學，校長日日都會見到，日日見佢知我係邊個小朋友家長好出奇咩？ 話我係學校入面做就仲搞笑，落力去宣傳學校跟住等多啲人報讀，等自己多啲野做？咪講笑啦 分享俾大家知多啲關於學校既疑問，又俾人砌生豬肉，唔怪之得哩邊咁少人答野啦

granny

yeung_b_mama 發表於 17-8-9 02:33
我需要誤導大家嗎？如果間學校係唔好既，我相信無論我講咩都唔有人理我。更何況唔需要我講咩，都已經好多 ...

我都考慮緊富康主流。
想問下佢全日班的時間表、學費雜費係點既呢？
區內校車收費如何？
是長全日定4:30放學果隻？
同埋英文一日兩堂是否都是net教呢？
你覺得佢會否太著重抄寫？thank you very much!

yeung_b_mama

granny 發表於 17-8-9 09:21
我都考慮緊富康主流。
想問下佢全日班的時間表、學費雜費係點既呢？
區內校車收費如何？

時間表係課室會有列明，我唔太記得  全日學費係$6950(2016-2017價)，好衰一點通常九月或十月先講加幾錢學費，跟住要交番開學到果陣差額，秋後算賬我個人不喜歡雜費半個學期交一次約$3600，跟住無其他費用啦。校車唔知，因我自己接送的。全日班放學時間係4:50的，有講點解咁遲，但我唔記得 英文堂絕大部分都係net，除非net老師無番學。我又覺得抄寫還可以，每日只係一頁中文及一頁英文或數學，k2下學期有默書，中文及英文都係3個詞或字。