請求現讀16-17年小一生家長對學校的看法

hazelhazelyeung

請分享一下小一適應，測驗次數，考試次數，功課量，課外活動種類，老師態度等

taptap83

我同我仔都非常鍾意聖小，我仔並非聖幼上小學，亦不是舊生，初初揀學校時因爲少資料、又好多話「好嚴、好傳統」等傳聞就想打退堂鼓。後來自己睇學校網頁內一d報告，覺得其實學校真係落實做好多野，符合自己期望又適合小朋友先揀。

作為一線小學，對學術有要求是必然的。聖小一個學期兩測一考，係比較密，不過亦因爲考得密每次範圍都唔多，我仔懶到出汁反而哩種模式岩佢。功課量一般，唔少亦唔係出面d學校咁日日十樣。

適應小一學校都俾左兩個月蜜月期小朋友，要佢地建立自理能力同時都體諒佢地有甩漏，欠交欠帶只寫手冊內頁，冇寫正式計欠家課欄記缺點果版。兩個月後先開始寫正式欠交果版，但其實老師都鬆手啦！我仔甩漏多做功課麻煩，先正式寫得幾項，揸正黎計一早記缺點了。 老師其實嚴得黎又好關愛，好錫小朋友，阿仔都好鍾意佢地。

咪以為聖小只一昧讀書小息要留喺課室果種，原來學校放小息要所有小朋友去操場休息，有跳繩區，又有枱仔教小朋友做下手功、數學遊戲等，真係日日好happy, 星期一至四放學前最後一堂係功課班，所以唔洗擔心冇時間玩。

man28

taptap83 好多謝你詳細的回覆,
因在網上及學校網頁有關聖小的資料實在係極少.
請問你個仔是否活躍型????
請問你又知唔知有無人係成功叩門入???
其實3年班就開始分精英班, 本人略嫌太早因男仔一般較女仔 遲發力&起步. 你又點睇呢??

hazelhazelyeung

taptap83 :多謝你詳細的資料。 請問功課深嗎?你仔仔可以自己獨立做功課?他每天要用多少時間做功課?請問你仔仔是自行分配入或統一派位入?

hazelhazelyeung

taptap83:

                 你可分享一下培養阿仔獨立做功課的心得嗎? 你仔仔你自行分配入一或大抽獎入聖小?

gg33

我最關心，學校對頑皮學生的接受程度怎樣，會點對付？（擔心阿仔太顛入到去比人標籤） 謝謝

annchloe

回覆 taptap83 的帖子

謝謝你既分享呢！都幾開心呀！請問係幾點開始上堂幾點放學呢？