葵青，荃灣B1中學會否注重比賽和公開試

KirryLai

仔仔屬B1b學生，想問那幾間適合他?
除學業成績，呀仔只是鋼琴3級，奧數校隊，便冇其他。想問中學收生會否注重比賽和公開試成績? 如是，想問那些比賽，考試會有利? 請大家指點，好讓在暑假期間多參與。萬分感謝!

miriam

學校我無意見畀到.

只想講任何比賽唔係為左塞靚份申請表去報, 唔少學校成績表同課外活動或比賽要由 P.4 開始睇, 點解要睇? 就係要睇係咪持續性, 好似運動咁係由細開始訓練, 要比賽係夠分齡歲數已經開始參加, 突然係 P.5 升 P.6 個段時間彈一兩次比賽出黎, 明眼人都知係為填表而報.

為左份表靚靚而花時間去訓練去比賽, 倒不如再考好呈分試, 爭取係更高名次囉.

KirryLai

真的? 我起初都好似你咁諗，所以集中學業上，但見身邊所有媽媽都幫呀仔參加運動比賽，校際朗誦，奧數比賽，音樂比賽，畫畫比賽，又考普通話，英文公開試，大家同level，打算報同一間中學，而自己呀仔乜都冇，又怕羞，心裡一定會比下去。
而我參觀學校時，有學校話如果大家面試，成績相同，佢地會睇有冇什麼獎項，公開試來決定，我要揀既中學又多人報，所以比較擔心。

gracelam

原帖由 KirryLai 於 17-01-13 發表
仔仔屬B1b學生，想問那幾間適合他?
除學業成績，呀仔只是鋼琴3級，奧數校隊，便冇其他。想問中學收生會否注 ...

都係嗰句，考靚3次呈分試好過什麼一兩次的豬肉奬。 所有中學成績行先，體藝奬都係輔助，除非勁到學界攞牌或樂器8級或演奏級先有用。(鋼琴唔計)

KirryLai

明白曬，謝謝你地分享，咁我繼續堅持著重學業，我好易受人影響，其他媽媽叫我比呀仔參加比賽，話幫助升中，比佢地講下講下，我又受影響，真冇用。

guhelen

我都是十五十六，阿囡成績B1頭，沒什麼奬，去見老師，老師叫阿囡多參加課外比賽，但念真囡囡的課外活動學得麻麻地，平時很少練習，她的時間都用在讀書上，怎出去比賽！😥

chocolatebean

如不是全港有排名的比賽，作用不太。再其次是區際。

講緊呢d都係經多年訓練下的成果，運動，音樂，藝術等方面。好多幼稚園或初小階段已開始，也有些有各天份的已被發掘及操練，並不是P4-5才開始的。而家才開始的，就算有証書，一睇就知朱肉，可有可冇，不如留番d時間提升成績仲實際

miriam

無謂係緊張時刻再花時間去夾硬操再去比賽.

唔好理人地有成堆乜獎物獎, 人地可以拎到咁多你諗下花左幾多時間落去先得架.

畀個難題你諗下, 假如所報項目咁岩遇正測考期間, 你會點做? 為一次唔知會唔會有獎既比賽花時間加操, 定係將時間考好個試, 我估你唔使我講都會知點做.

guhelen

明白了！唔該晒！