如寫左求位信嘅學校打來話有位，唔想讀了會唔會好衰？

ilmummy

呢個問題比較低B ，字多，不喜勿插！最心儀個間（下稱A）只得waiting，我學人寫左求位信，根住先收到另一間全日（下稱B）同長全日（下稱C）嘅取錄信，我同老公再三考慮過，C又有延展服務嘅應該系最適合，姑且勿論間學校好唔好，齋睇個返學時間就知。A只系一般全日（講真呢間真系中意，開放日同睇網上評價都幾好，活動又豐富）但佢最早系8點9先開門，下午就要最遲6點接走，咁即系我唔可以返工。如果唔系就要請人湊返放學，有幾安全又唔知！而C就返8點放6點，仲有延展服務，正所謂系學校點都放心過系外面！
Sorry，講完一輪講重點先！A嘅waiting 信好早就收到，想讀咪寫左求位信咯。過左大半個月先收到B 同C嘅信話收左，我地考慮過都系讀C（共兩間收左，B都系早放學，5點半要接走，所以決定放棄，儘管相對C較中意B，無奈放學問題解決唔到，SO。。。。）如果注左冊，心儀個間真系有位嘅，我地又唔讀嘅，會唔會好衰啊？會比人覺得冇誠意嗎？
仲有幾日注冊了，可能系我自己諗多左，waiting 都未必輪到咯。我只系話如果，如果人地打左來，我要點答？（報名時都有諗過放學時間的問題嘅，當時覺得我可以唔做或者穩人湊，而家覺得市道又唔好，我地只系住屋邨，我唔做壓力都一定會好大，part time 嘅話又唔知可唔可以應付到？比人湊唔放心之余，都一樣系要比錢，比人不如比學校）可能，可能我真系諗多左！

ilmummy

多謝意見！

MANDYCHOI001

你唔讀大把人讀, 所以唔洗唔好意思

ilmummy

MANDYCHOI001 發表於 17-1-9 17:51
你唔讀大把人讀, 所以唔洗唔好意思

系嘅系嘅，

怪物小王子

ilmummy 發表於 17-1-9 17:53
系嘅系嘅，

唔讀直接拒絕就可以啦！唔使唔好意思，留比下一位！(emoji)

sandra9102

認衰好過之後後悔，唔讀唔會唔好意思。
始終為自己好d

HauMiranda

樓主按自己的需要選學校罷！選校是為小朋友，不是為自己面子或滿足學校，你只是學校冰山一角的case, 所以學校不會放在心裡的！

ilmummy

sandra9102 發表於 17-1-9 18:19
認衰好過之後後悔，唔讀唔會唔好意思。
始終為自己好d

都系嘅，我都系為小朋友好，系學校安全過系外面。

ilmummy

HauMiranda 發表於 17-1-9 18:28
樓主按自己的需要選學校罷！選校是為小朋友，不是為自己面子或滿足學校，你只是學校冰山一角的case, 所以學 ...

系咯系咯，斷古學校唔會記得

TandE

我個仔讀緊的n班最長放6點, 學校假期少。但我多數會選擇轉, 因為另一間雖然收費貴過現在讀個間, 學校假期多, 但課程安排好過現在果間, 著重語言, 學術方面。因為一想到個仔的發展就覺得轉好d，以上只是我的想法。

ilmummy

TandE 發表於 17-1-11 18:44
我個仔讀緊的n班最長放6點, 學校假期少。但我多數會選擇轉, 因為另一間雖然收費貴過現在讀個間, 學校假期多 ...

冇問題，純屬討論啫，每個父母都想個仔女好架嘛。堅持自己認為好嘅決定！

ilmummy

頭先心儀嘅真有打黎，不過得下午班，我話唔啦，雙職家庭冇辦法讀半日

hoursebb

ilmummy 發表於 17-1-13 14:51
頭先心儀嘅真有打黎，不過得下午班，我話唔啦，雙職家庭冇辦法讀半日 ...

咁請問係邊a, b, c?

ilmummy

hoursebb 發表於 17-1-14 03:55
咁請問係邊a, b, c?

尋日下午系a，即系最心儀嘅，正話有另一間系d（本來reject，交左信做後備，都交左求位信，因為呢間系長全日嘅心儀，所以都交左）嘅又打來話有，我仲考慮緊。