早期教育訓練中心

pinglee

仔仔2歳半，去兒童體能智力測驗中心，醫生做咗評估，言語表達及理解能力比同䶖較慢約歳半，同小肌肉能力較慢約2歳，＜沒有自閉及過度活躍＞，安排咗輪候早期教育中心，想問：會否影響入幼稚園及小學？點解會安排早期訓練？好擔心，謝謝解答，Thx

eceteacher

媽媽不用擔心, 亦恭喜你及早發現，2碎半其實好多症狀都未完全浮現，你可以係未浮現之前阻止，一定有得追😊，早期訓練目的是希望幼兒能追回同年齡孩子的能力。而幼稚園好多都唔會抗拒收特別的孩子，亦會配合有關訓練，而幼兒學校同幼兒中心這類幼稚園通常會有某數量學位一定要給特殊幼兒的，而這類學校會有特殊教師協助訓練，例如平日會跟正常幼兒上課，指定日子和時間會抽出來做特別訓練等。 所以不用擔心收生問題。而小學收生亦無須擔心，你咁早發現同做訓練，一定追得返。學校反而會看家長談吐和性格，學校不喜歡過度緊張和有投訴文化的家長。干涉到學校課程和部署。

其實發展遲緩就好似我地讀書咁，50分同99分能力相差緊係大，但我們會常常忽略50分同99分都係合格分數，專家對你幼兒評估係較慢，較慢只係慢左，唔係停左無得救，所以正面d睇件事啦，因為好多人發現有問題都太遲，過晒黃金時期，你好好彩咖啦, 加油

申利，現職幼稚園老師