升中派位的實況

Ivankwok2009

stanleysham 發表於 17-1-4 21:25
我唔係想引起爭論，首先，我所講「知情」係學生可以得到教育局告知佢本身真實banding。

另外，我承認我冇 ...

答案其實好明顯有網友㸃題了。只是大家用自己理想角度去考慮而矣。任何制度必有不如理想的成份，不能滿足所有不同程度的學生。用學校評分的方法不同于公開試，在責任落重於學校的考試上，問題就於試卷，特別是老師改卷評分準則！  當给你知道你子女如考名次50是B2，而知道48、49是B1，請問你會有乜行動幫助貴子女？答案乎之欲出

stanleysham

Ivankwok2009 發表於 17-1-4 21:41
答案其實好明顯有網友㸃題了。只是大家用自己理想角度去考慮而矣。任何制度必有不如理想的成份，不能滿足 ...

你意思係學校為左避免家長找學校麻煩，學校就隱瞞學生真正banding？

Band5

genpub 發表於 17-1-4 11:34
如果有一個十分準確的排名和BANDING，你估怪獸家長們會唔會因為知道差一兩分就升一個BAND為咗一兩分每日打 ...

我估樓主嘅重點係要公布確實嘅banding，唔係排名，如果公布banding係由教育局，所有分數已成定局，家長再冇得投訴！
又講番而家冇準確嘅排名同banding，你估啲怪獸家長就唔投訴，出貓？到處都有一個口號，差一分可以差十幾廿名（其實我唔相信）或者一個band！

其實差一個名次，影響自行反而絕對好大！

stanleysham

Band5 發表於 17-1-4 22:15
我估樓主嘅重點係要公布確實嘅banding，唔係排名，如果公布banding係由教育局，所有分數已成定局，家長再冇 ...

係，冇錯，我只係想學生係呈分試之後由教育局告知佢本身banding，等學生唔洗估估下，不過，只係我自私地咁樣幻想下，因為我覺得小朋友唔清楚自己banding而去選校會好痛苦。

Eat_Sleep_Play

Band5 發表於 17-1-4 22:15
我估樓主嘅重點係要公布確實嘅banding，唔係排名，如果公布banding係由教育局，所有分數已成定局，家長再冇 ...

其實差一個名次，影響自行反而絕對好大！


點解咁講呢？

johnmamama

我其實對小學睇法有所保留, 經過兩次仔囡呈分, 大囡當初小學是呈分Band 1 中, 她沒有任何補習班, 沒有報任何直資, 只是派入Band 1 頭中學, 分班試只入了普通班 , 是否你們所講配錯學校嗎!

Ivankwok2009

stanleysham 發表於 17-1-4 22:05
你意思係學校為左避免家長找學校麻煩，學校就隱瞞學生真正banding？

講就好似好簡單，事實自己係家長，問心，肯定前後一名升降B1、2。同話你知是邊緣人，真的處理上冇分別？我風凉話都要講句，我一定唔得！
事實係，追分是必然，一生一死之分，心態差好遠，行動就天与地之別！
又事實係49、50真的很多時只差0.幾平均分！好啦，俾嗰位50名B2學生有幸合理地追加分逆轉上B1！問題重大獲？俾著你係之前嗰個49名B1降落B2學生同家長，會豁點？俾我會打死人都有份！(講下乍)
但現在呢？俾人加分上升名次，D人點心態呢可？

stanleysham

我：「阿仔，今晚有波睇，同我落去買啲野。」
仔：「哦！買咩呀？」
我：「可樂，薯片，花生，杯麵。」
仔：「哦！」
我：「用我呢張8達通去買啦！」
仔：「入面仲有幾多錢？夠嗎？」
我：「夠架喇！去啦！」
仔：「咁即係仲有幾多錢？我驚唔夠！」
我：「放心啦，夠錢喎，我點會呃你。」
仔：「算喇，一係你俾現金我去買。」
我：「衰仔，你連老豆都唔信？」
仔：「唔係呀！你又唔記得卡上面仲有幾錢！」
仔：「一陣我拎住啲野俾錢時唔夠錢咁點算喎！」
我：「仔，你知唔知點解黃金聖鬥士會咁犀利呢？」
仔：「.............」
我：「唔係因為件聖衣令到佢咁犀利。」
仔：「..............」
我：「係因為當小宇宙提升到極限時...」
仔：「..................」
我：「就會超越六感。」
仔：「...................」
我：「去到第七感。」
仔：「..................」
我：「仔，燃燒你嘅小宇宙，去第七感啦！」
仔：「只要我有第七感，8達通就可以用到？」
我：「嗯....」
仔：「唔洗知道餘額？」
我：「嗯.......」
仔：「想買咩都得？」
我：「嗯......」
仔：「你係咪當我傻架？我問你卡上面剩幾多錢，你叫我燃燒小宇宙，你冇錢咪出聲囉，一係你答我剩番幾多錢，夠錢咪買囉，唔夠我最多唔買花生或薯片，你搞咁多野都唔知你做乜！」

完

wbmom

hkpapa852 發表於 17-1-4 18:15
荒謬之處, 又豈止於此呢?

學生既banding係根據前人Pre-S1成績嚟決定, 咪仲荒謬

係，我認為冇乜嘢可以俾呢個更荒謬了！

Ivankwok2009

wbmom 發表於 17-1-4 23:53
係，我認為冇乜嘢可以俾呢個更荒謬了！

唉！其實它的荒謬便是其精髓所在。在乎學生無為無欲。更無壓力下考同一份卷，可以比較一下不同學校學生水評。其精神在，老師教育畢業學兄為校及學弟出一分力，責任之所謂也！當然，教出不負責任的畢業學生，學校咪評分下降囉。

catcatcat549

hkpapa852 發表於 17-1-4 18:15
荒謬之處, 又豈止於此呢?

學生既banding係根據前人Pre-S1成績嚟決定, 咪仲荒謬

絕對認同！自己的命運為什麼比 39547的學長影響~荒謬中的荒謬！

Band5

Eat_Sleep_Play 發表於 17-1-4 22:36
其實差一個名次，影響自行反而絕對好大！

本帖最後由 Band5 於 17-1-5 02:10 編輯

本帖最後由 Band5 於 17-1-5 02:04 編輯

因為自行學校會睇全部報名學生嘅排名，報同一間中學自行可以多達幾百個唔同小學嘅學生，而成績多數會好接近！

假設你間小學多數級11到級20會報某一中學，其他小學可能有200個相若成績嘅學生報名，約等於你小學10個名次，喺呢個例子，你每跌一名，就好可能自行排名跌20名，自行得四五十個位，你估你機會跌咗幾多？

當然如果自行報低一級（入梗）或報高一級（死梗），就唔會有影響！

bobo-mama

王家爸爸 發表於 17-1-4 10:52
至於錯配問題，其實主要係小學引起既，其實小學校長係知道自己學校既BANDING情況既，所以各BANDING既比率佢 ...

王家爸爸，請問學校是否會準確地知道每次呈分試的各banding人數，例如六年級有100人，40人B1、32人B2、28人B3等，或者只知大嘅％？又會唔會知道當中有幾多個在自行時已收了？呢個遊戲真係難玩，唔該哂。

Ivankwok2009

catcatcat549 發表於 17-1-5 01:26
絕對認同！自己的命運為什麼比 39547的學長影響~荒謬中的荒謬！

人，容易忘卻初心！
當初子女入小學，如果可以選擇的話(當然有些人無得揀)。
考慮教師質素？當然啦！
考慮學風環境？當然啦！
考慮歷屆入B1英中比例，戰績？
才是當然中的必然啦！
咁，呢D戰績誰建立的，39547畢業生是也！
重點是，到自己啦！驚應屆39547師兄姊負累，hea考？咁，之前234567歷屆有冇負累而考慮中途放棄或不曾取取這小學？
選校時信心滿滿，到切身利益就不信賴學校教育方法！
教育學生成為一個有責任心，為學校，學弟認真努力，是學校及家長必然的！
學校也想不斷向上的！
畢業生亦必與校榮焉！
到自己子女，責承他認真，有責任地為學校，學弟考好D啦！
前人名句：承先啟後！

ICbaby

hkpapa852 發表於 17-1-4 11:36
所以..... 我認為回歸N年前, 升中試反而係最公平公正

學生靠自己實力, 成績公開, 又唔受前人成績限制/護 ...

agree是関大家做同一份卷，公平呀！
根本依加所謂呈分試，每間学校出卷深淺不同！二、三線小学出得淺学生成績會好亮麗！如一線小学出得深，呈分會比人差！
話就話根據升中試評估、調整果間学校水平，但點調整？冇人知！

ICbaby

Band5 發表於 17-1-4 20:47
升中制度當然有佢嘅目的，所以我極少質疑直資，自行，三個band，甲部乙部嘅派位方法，因為任何形式都梗有人 ...

我都認為自行應早d公布，吾得再玩大抽獎，同一日公布系好有問題！

ICbaby

stanleysham 發表於 17-1-4 18:12
我好認同你用「荒謬」呢兩個字去形容，如果清楚呢個「遊戲」嘅「玩法」就知道，一定會有人個號碼排先，亦 ...

真系幾荒謬吓！

little_yolky

Band5 發表於 17-1-4 22:15
我估樓主嘅重點係要公布確實嘅banding，唔係排名，如果公布banding係由教育局，所有分數已成定局，家長再冇 ...

這不是一個口號, 平均分差一分, 真係差咗10個名次, 係真人真事, 我女女成績比較浮動, 所以經歷過好多次大上大落, 好彩大大下穩定咗。

小鹿揀學校

little_yolky 發表於 17-1-5 08:41
這不是一個口號, 平均分差一分, 真係差咗10個名次, 係真人真事, 我女女成績比較浮動, 所以經歷過好多次大上 ...

自己唔小心被扣一分，跌左10個名次，都OK，與人無尤

最慘是……. 配對果位考PRE-S1師兄/姐恰眼訓，被扣一分，跌左50個排名次第名次!  

人世間最痛苦之事，莫過於此……………

little_yolky

小鹿揀學校 發表於 17-1-5 08:55
自己唔小心被扣一分，跌左10個名次，都OK，與人無尤
最慘是……. 配對果位考PRE-S1師兄/姐恰眼訓，被扣 ...

呢個真係堅唔合理, 我哋學校師兄師姐成日恰眼瞓 阿女前幾日至同我講, 有同學仔考作文考考下瞓著咗覺, 好彩瞓醒仲寫得切