升中派位的實況

stanleysham

其實我真係唔太明白，政府對學生會分為三個級別，但點解唔可以official話俾家長同學生知道呢？家長同學生捱左6年小學生涯，去到最後要靠估，估錯左band就搞到成個選校策略會錯晒，後果嚴重，影響深遠，見到年年啲家長為左子女唔好錯配，日諗夜諗，放榜後又的身水身汗周圍搵學校，其實點解唔可以公開學生屬第幾組別呢？我真係唔明。

你話俾學生知佢屬第幾組別，佢選校都可以按實際情況去選，之前好似有個講法，話好多學生都會按自己banding去選番合適學校，唔會亂選，既然大部份人都唔會亂選，何苦要家長學生自己去估自己屬咩banding呢？

BabyCannan

stanleysham 發表於 17-1-4 09:38
其實我真係唔太明白，政府對學生會分為三個級別，但點解唔可以official話俾家長同學生知道呢？家長同學生捱 ...

我估，係小學自己怕公開band 1、2、3佔嘅人數比例，從而小學之間會有比較，再影響日後自己收生人數及質素。你知啦，如果比人知道某小學band 1人數比例較一般少，d 人會諗可能呢間學校質素差，如果冇好質素嘅學生入讀又只會越做越差......所以唔公開，係想保障自己。這只屬本人嘅諗法

王家爸爸

stanleysham 發表於 17-1-4 09:38
其實我真係唔太明白，政府對學生會分為三個級別，但點解唔可以official話俾家長同學生知道呢？家長同學生捱 ...

我估唔正式咁話俾家長、學生知道既原因有三類：第一，級別跟隨住每次呈分而變，所以執行上唔太容易；第二，自行階段學校唔係只睇成績，而成績部分睇次第多於睇級別，所以用處不大；第三，其他原因，包括（純粹估）校本式既呈分制度本身既問題（始終唔係好似以前升中試咁公平）、官僚問題（官員唔想做太多）、利益（影響直資收生）等等。

王家爸爸

至於錯配問題，其實主要係小學引起既，其實小學校長係知道自己學校既BANDING情況既，所以各BANDING既比率佢哋應該好清楚地知道，但係礙於種種原因，例如唔想俾外界知道BAND1比率太低，所以有啲差啲既學校，美其名為唔想小朋友比較、愉快學習等，唔講校內排名，令家長、學生升中時只好靠估。

另一個主要引起錯配問題既原因係家長，部分家長高估咗自己小朋友既能力，接受唔到自己小朋友有機會係B2生（其實B2B先至係中位數）。

b3410

我都覺得政府做法可以改善。家長在不知情（不能肯定banding)的情況之下揀學校，的確有問題。

就算學校唔想俾人知banding, 教局都可以只通知學生家長小朋友的準確banding。

例如每個小朋友有一個學生編號及網上密碼，可以登錄教局網站check自己banding。

不過教局要多做功夫就係真。

LingChiBaBa

王家爸爸 發表於 17-1-4 10:52
至於錯配問題，其實主要係小學引起既，其實小學校長係知道自己學校既BANDING情況既，所以各BANDING既比率佢 ...

其實用返5個band係咪可以減輕錯配問題？

王家爸爸

LingChiBaBa 發表於 17-1-4 11:08
其實用返5個band係咪可以減輕錯配問題？

我都覺得5個bands會好啲，但係如果小學管理層、家長既心態唔改變，問題依然會存在。

judy

我建議唔分banding。
banding分法世界少有。

mcl203

b3410 發表於 17-1-4 10:58
我都覺得政府做法可以改善。家長在不知情（不能肯定banding)的情況之下揀學校，的確有問題。

就算學校唔想 ...

提供真正Banding....係要家長好有理性先得
學校提供校內名次已可以評估成績...但現實各校水平參差頗大
會否令强校越強....弱校收檔既局面....中小學如是
我估教協都唔同意公開真正Banding....我估吓乍 ~~~

mcl203

王家爸爸  問題係有啲村校捉蟲到連校內名次都無    發表於 1 分鐘前

*********************************************************************

所以現實好難搞....學校唔公佈名次...EDB代勞若話60%係Band 3
D客唔夠都面臨殺校....教協實嘈到拆天 ~~~

hkpapa852

judy 發表於 17-1-4 11:13
我建議唔分banding。
banding分法世界少有。

其實分banding目的, 係希望按學生"學術能力", 分配去水平較合適既學校.

令教學資源集中, 提升效能, 減少資源錯配同浪費, 原意係好.

但學生自己根本唔知自己實際Banding, 點去選合適水平學校?

stanleysham

我只係以過來人經歷去講，只係用家長角度諗，當日見到好多同學仔果種淒涼，我都好唔舒服。

genpub

如果有一個十分準確的排名和BANDING，你估怪獸家長們會唔會因為知道差一兩分就升一個BAND為咗一兩分每日打比家長投訴，甚至幫忙出貓，為學校做成大量行政和工作負擔？

hkpapa852

genpub 發表於 17-1-4 11:34
如果有一個十分準確的排名和BANDING，你估怪獸家長們會唔會因為知道差一兩分就升一個BAND為咗一兩分每日打 ...

所以..... 我認為回歸N年前, 升中試反而係最公平公正

學生靠自己實力, 成績公開, 又唔受前人成績限制/護蔭

不過, 一定又有一大班家長, 話會攪到過份催谷 (其實佢地自己係咪真係無谷個自己個小朋友先?)

stanleysham

冇錯，有啲學校係連名次都冇，但都有呈分畀教育局，教育局又真係實際地用呢啲分數作為數據去為學生分b1,b2,b3，個分數係屬於學生自己考番黎，佢想知道自己嘅banding都好合理，好過自己去估。

王家爸爸

hkpapa852 發表於 17-1-4 11:32
其實分banding目的, 係希望按學生"學術能力", 分配去水平較合適既學校.

令教學資源集中, 提升效能, 減少資 ...

除咗讀緊小部分邊緣學校外，其實大部分既家長都應當可以根據小學過去既派位情況、校內排名等資料，大約知道自己小朋友既實際banding，所以如果家長夠理性，可能有問題既只係邊緣人。

LingChiBaBa

王家爸爸 發表於 17-1-4 11:11
我都覺得5個bands會好啲，但係如果小學管理層、家長既心態唔改變，問題依然會存在。

...

我覺得小學校長都有難處。如果清楚咁俾學生知道自己屬於邊個band，我諗日日都俾排邊緣線後第一、二個學生嘅家長煩死。

減輕錯配，我覺得增加自行學额都可以。不過，這又是既得利益者問題，改返5個band同增加自行學额，Band1C嘅又會話唔公平。

王家爸爸

其實邊緣人問題唔難解決，以B1邊緣人為例，最穩陣既做法係自行、甲部、乙一揀間B1尾，然後乙二起按B2選校，只係有啲家長接受唔到現實。

mcl203

hkpapa852 發表於 17-1-4 11:32
其實分banding目的, 係希望按學生"學術能力", 分配去水平較合適既學校.

令教學資源集中, 提升效能, 減少資 ...

唔公開Banding...我估....原意只係做到按學生"學術能力"....提供優先選校既機會
做唔到"分配去水平較合適既學校"既目的 ~~~

judy

其實分banding目的, 係希望按學生"學術能力", 分配去水平較合適既學校.
令教學資源集中, 提升效能, 減少資源錯配同浪費, 原意係好.
但學生自己根本唔知自己實際Banding, 點去選合適水平學校?

所有學校都是教同一課程、考一樣的試，有甚麼水平合唔合適之分呢？况且六年小學，真能分得出水平參差？能定出一個孩子將來的能力嗎？起碼，小六不是 "按學生"學術能力", 分配去水平較合適既學校." 的年歲，到大學才分也不遲。

不錯，分banding一定程度上可減少資源錯配，但却造成了資源的浪費。常言道，天生我才必有用，有賭未為輸。小朋友要多鼓勵才有進步。但現在却将1/3只讀了六年書得人仔定性為band2，1/3只讀了六年書得人仔定性為band3，你話，對佢地打擊幾大。banding政策，政府浪費幾大。