英基 vs 喇沙

Nation

siden 發表於 16-12-27 17:45
Agree

對小朋友的紀律、時間管理、沉著自我控制、耐性也是有一定的得着。

這個我很同意，怕小孩在國際學校太放縱，將隨心變成習慣。

964000

Nation 發表於 16-12-27 00:34
真的！最大問題是到想轉的時候，卻轉唔到！先在喇沙完成小學，其後才到EFS, 是我現在打算的計劃。當然世事 ...

正是，我覺得ESF最正的是幼稚園和小學開心，所以成日吾明點解話中學先轉。至於中文，如果只是要求本地小學程度，我稔在英基讀到中學畢業加外補也有本地小學程度吧。

ccjm

你孩子係讀开local定is呢？性格点样？

siden

Nation 發表於 16-12-27 20:49
對小朋友的紀律、時間管理、沉著自我控制、耐性也是有一定的得着。

這個我很同意，怕小孩在國際學校太放 ...

基本上先local school後轉IS, 最大practical problem 係怕冇位轉。

所以就算明知呢個方案有其可取之處，也未必可以實行。

964000

Nation 發表於 16-12-27 20:49
對小朋友的紀律、時間管理、沉著自我控制、耐性也是有一定的得着。

這個我很同意，怕小孩在國際學校太放 ...

那要看看小朋友本身的性格，和家長給多少時間小朋友。如果家長又吾管，學校又free, 咁真係可以幾失控。但如果小朋友教得好，內化了良好行為和價值觀，學校跟本不用太嚴小朋友也可以很乖巧很生性。

木子兔媽媽

請問樓主小朋友多大? 住邊區? 有小學學位了沒有?

retriever

siden 發表於 16-12-27 00:14
最理想係在LS完成小學先轉ESF, 但現實問題係到時ESF好難有插班位,可能有排排，或者入唔到。
...

有朋友細路由傳統去esf讀最後兩年ib.  原校中上。
ib讀得好好，亦話傳統教育幫到佢今日成績。

964000

retriever 發表於 16-12-29 08:50
有朋友細路由傳統去esf讀最後兩年ib.  原校中上。
ib讀得好好，亦話傳統教育幫到佢今日成績。
...

我成日覺得成績好的在IS由細讀上去成績也會好，但學習過程的享受，思想方法和性格的塑造，才是從少要培養，及決定那種學校的方向。

timothy_mto

喇沙
fame is important

siden

retriever 發表於 16-12-29 08:50
有朋友細路由傳統去esf讀最後兩年ib.  原校中上。
ib讀得好好，亦話傳統教育幫到佢今日成績。
...

有ESF朋友同我講，佢間中學成績最好果批，好多都唔係由grade1讀上去，而係由local school中途出家轉過去。不過係小學尾定中學先轉我又冇問。

AEteam

回覆 siden 的帖子

好多local schools 學生五年級會轉去國際學校。只要英文好，不難轉的。所以我覺得可先試LS

Maggielau46

如果俾得起一定係英基,
讀喇沙一定辛苦好多,
有錢將來去外國升學,梗係揀間大人細路都無咁辛苦,

964000

siden 發表於 16-12-29 12:59
有ESF朋友同我講，佢間中學成績最好果批，好多都唔係由grade1讀上去，而係由local school中途出家轉過去。 ...

我識的幾個巳長大做了醫生律師，都是由小一開始讀的。係讀得的讀乜都掂，吾掂的在英基起碼仍有自信。

ratafan

AEteam 發表於 16-12-29 13:01
回覆 siden 的帖子

好多local schools 學生五年級會轉去國際學校。只要英文好，不難轉的。所以我覺得可先 ...

LS is a very prestigious and elite local school in the eyes of many UK boarding schools. I think they hv a way to train up smart and confident boys.
For ESF, it's completely different style. It doesn't emphasise academic success that much and they more focus on upbringing of a happy child with balanced development.
It really depends on what you want. You are comparing 2schools at 2 extremes

siden

964000 發表於 16-12-29 22:59
我識的幾個巳長大做了醫生律師，都是由小一開始讀的。係讀得的讀乜都掂，吾掂的在英基起碼仍有自信。
...

無謂拗。

我無興趣同你爭論。

Grade 1 就ESF 定先local school 後IS的利與弊非常明顯。各有利亦各有弊。爭論來根本無謂，因為根本冇model answer。邊個好邊個唔好，取決於小朋友性格及家長育兒取向。

你已經入咗ESF放棄local school, 也自有你自己考慮，當然一定有其好處。但我認為你也不需下下反駁其他覺得先local school後IS 有其可取之處的comments。你的選擇沒有錯，也不代表其他人相反的選擇有問題。

Local school 同IS對小朋友教育各有所長係事實。IS有乜好唔使多講，你好清楚。但不能否認local school對孩子某些性格development 係有可取之處，楼主也很清楚。究竟邊個方案對楼主最好，大家俾完唔同睇法，最終要楼主自己分析。

那麼恰巧，我公司同事十個中有九個讀IS, 全部ESF咁濟。我非公司同事的朋友則十個有九個讀local school。佢地各有各苦惱，我多年來見唔少。

你認為初小輕鬆學習難能可貴，我從無反駁亦予以尊重。所以，希望你也嘗試理解有些家長會覺得初小建立適當紀律，時間管理，及打好中文基礎係佢地心目中係難能可貴。每一個小朋友友性格不同，受教的就如你所說容易被父母教得好，自細讀IS都冇問題。但我可以好肯定話你知，唔係每一個父母都有咁受教小朋友。

如果可能，等你小朋友遅些上咗ESF小學，理解多些各種小朋友情況，你對IS利與弊感受會更深。

mcl203

siden 發表於 16-12-29 12:59
有ESF朋友同我講，佢間中學成績最好果批，好多都唔係由grade1讀上去，而係由local school中途出家轉過去。 ...

個人所見...P3開始會陸績轉去IS....直至初中...初中後唔使點轉....要轉就直接放洋 ~~~

siden

mcl203 發表於 16-12-30 01:02
個人所見...P3開始會陸績轉去IS....直至初中...初中後唔使點轉....要轉就直接放洋 ~~~
...

係ar。

不過有些父母唔捨得（尤其女仔），又或怕太早出國負擔重，所以插IS。

聽朋友說早兩年有兩三個DGS女仔插入ESF高中，為咗考IB, 成績斐然。

mcl203

siden 發表於 16-12-30 01:05
係ar。

不過有些父母唔捨得（尤其女仔），又或怕太早出國負擔重，所以插IS。

所見既係....先讀local係打好過底...尤其係中文...為大過放洋做準備
轉番去IS多數係....頂唔順讀local既壓力...尢其係中文
又或英文講得唔好....去谷一谷英文語景 ~~~

Saboc

Esf 中文近年深咗，但確實又點都不能跟Local school 比！
反而覺得身邊朋友現讀及已畢業嘅esf子女都乖，比較大方。ib成績又唔錯，除了local school 轉入嘅有亮麗成績，本身Esf 上嘅都好好，入到嘅本地大學學科同top嘅外地大學都非常唔錯。當然，亦有普普通通，成績一般啦！
但至於esf 學生嘅時間管理能力就唔知。

我自己就認為，喇沙同幾間傳統名校肯定有某程度嘅質素保證。入得去，家長一定好放心同開心

主要concern 係而家多本地家長揀國際學校，受歡迎嗰啲條waiting list 會長！

不過最重要係小孩大個咗嘅意願，家長想轉，小孩未必肯！

siden

Saboc 發表於 16-12-30 07:57
Esf 中文近年深咗，但確實又點都不能跟Local school 比！
反而覺得身邊朋友現讀及已畢業嘅esf子女都乖，比 ...

Agree :
主要concern 係而家多本地家長揀國際學校，受歡迎嗰啲條waiting list 會長！

呢一點係最大uncertainty, 所以如果楼主覺得小朋友遅早「一定」要讀IS, 咁就依家入去讀，因為將來可唔可以轉係未知之数。