delete

Nomos

當初無為意, 報名時選了撘校車, 係咪就會分配入呢個校舍呢
如果接送, 唔近mtr真係好煩
同埋呢個校舍門口好舊, 未入過去, 但校舍好似好細
有無人讀緊呢間, 可以分享下, 謝謝

mcdonn

Nomos 發表於 16-12-7 10:47
當初無為意, 報名時選了撘校車, 係咪就會分配入呢個校舍呢
如果接送, 唔近mtr真係好煩
同埋呢個校舍門口好 ...

被編入邊個校舍，同選撘唔撘校車冇關係。建議樓主放鬆D，有D人想入SC都未必入到。坐校車時間長，長咪長囉...唔坐校車，或者唔讀呢間學校，亦會遇到其他問題。知足常樂。

am621

我都有㨂校車
雅息士無英普
所以佢一定比羅福

但聽聞Essex比較小班教學
不知是否屬實
但即既然有校車
問題何在?

Nomos

回覆 am621 的帖子

因為頭尾站, 其實路程不遠, 但來回足足要2個鐘
我自己返工坐一個鐘巴士都好累, 咁細個就要咁, 所以有點不開心

am621

Nomos 發表於 16-12-7 11:35
回覆 am621 的帖子

因為頭尾站, 其實路程不遠, 但來回足足要2個鐘

其實羅福車程唔會相差太遠

有否考慮搬屋?

Nomos

唔會搬啊，但罹福近mtr, 可親自接送

mic.mo

估計唔係校車坐一個鐘，而係提早到校。九龍塘返放學時間交通好緊張，所以預早係好。而早返到小朋友都係玩下，定下神，唔洗太擔心

我都揀校車，派羅福道，我派左知道近地鐵都考慮過自己接送，但細想九龍塘站想推b車搭(emoji)都排長龍，加上小朋友細，其實自己接送時間都唔會少。

我派左都唔知兩間校舍有咩分別，但慨然已派，而
學校有講明無得轉，無得強求，不如平常心。如果學校係心儀嘅，應該對學校有信心，各方面應該唔會太大方別，睇校網，雅息士道校舍都幾好。

lily1995

都好有多人好羨慕你小朋友可以入到雅息士道! 不過我都覺去九龍塘返幼稚園真係好遠.. 小朋友太細個.

mannitol

雅息士道得約16班，大細班都有，課室分佈會比羅福好啲，唔會有啲好似落咗地下室嘅課室，課室嘅空氣流通會好啲。我又覺得，校舍細，人少啲，老師就算冇教過，佢哋都會記得學生啲嘢，比較有歸屬感。而且同學仔三年會同一班嘅機會又大啲，感情好好㗎。羅福校舍樓齡耐啲，但近年修輯過，所以望落會覺得新啲。樓上有人講得啱，的確唔洗一個鐘車程。校車通常係會比上堂時間早~15min到，小朋友可以早點預備上堂＆和同學玩陣教具。而且因為一架校車要去晒兩間學校，所以係會預多啲時間的。我以前都試過一年帶住亞囡搭地鐵返學（not SC），但嗰種迫法兼繁忙時間會停吓行吓，時間唔會快幾多。而且小朋友細粒迫住响大人個pat pat, 佢同我都覺得辛苦。如果諗住推車仔，會好難先上到車。

99dogdog

如果有其他適合既學校在家附近可縮短許多交通時間；當年我連SC pn報咗都冇去考，原因係冇校車（太細坐街車又唔放心）而個位又吊腳！到K1 先入SC亦考慮到車程在15分鐘內！小朋友越高年班越多嘢做，多啲休息時間好緊要！如果現在已經覺得車程耐就更要考慮清楚！其實住得遠坐校車比自接送更好，慳好多時間！我朋友住TKO, 青衣等返到屋企既時間同我地近啲自接送既差不多，因為一放學，校車學生先走，羅福果邊自接起碼等多三個字先入得去接！
之前有人讀完雅息士話個校舍較新又光猛好多，人又少啲，覺得都好好！

edniebridge

通常校車早半小時到校，小朋友有時間交功課、玩玩具。校園細啲但也少人啲，無咁墟撼。校車有機會係先過雅息士再過羅福，如果想自己送，美孚有42號巴士或官塘van過去雅息士，仲好過逼地鐵。
雅息士有小花園，有兩邊playground，其實都幾好㗎

mannitol

原來係美孚去SC。咁我可以話你知，車程約35~40分鐘，校車會去咗雅息士校舍先去羅福。用嘅係大旅遊巴。呢架車搭較耐嘅原因，其中一個係因為司機叔叔（如果來年冇）揸車好安全，車速一啲都唔快。兩個跟車嘅姨姨（如果都冇）都好好人，好錫啲小朋友的。

mannitol

35~40分鐘呢個時間，係等同你搭巴士返學校。而且42 或 2D 嘅班次唔密，加上夏天個巴士站有小昆蟲咬，都唔係好受㗎。小巴唔係繁忙時間都好似15分鐘一班車，放學更加唔洗旨意有位俾你上到車。當年我都有諗過讀羅福咪好囉，可以親自接送。但發現原來要比上校車嘅遲點放學，放學返到嚟嘅時間都相差唔多。如果佢要瞓覺抱埋，就更加唔得掂。又要日晒雨淋响學校門口排隊，地鐵有咩故障又count 遲到。所以都係算吧。之後亞囡搭校車都好開心，可以識到唔同班唔同校舍嘅同學。所以間唔中接送吓當去同老師了解吓佢返學情況就算了。

mannitol

應該係6D巴士先啱。

Nomos

多謝你的資料，但我見佢2車程時間表，12.47-5.26來回，真的差不多2小時

Nomos

請問你是否都是住美孚坐2號車，tks

mannitol

原帖由 Nomos 於 16-12-07 發表
請問你是否都是住美孚坐2號車，tks

坐了3年畢業了。我記得pm班，放學~4:40上校車，5:25分就到美孚。返學12:40上校車，有時我接送，見到校車1:15已到學校。學校是1:35分關門，校車當然唔可以最後一刻先返到啦。你唔可以單單以時間咁計，就話成2個鐘頭車程。當中仲包括返到學校嘅準備時間，放學集合全校排隊等上校車嘅時間，都要計埋先得㗎。

Nomos

謝謝你的解答，令我安心不少了
請問考到什麽類型小學，我target係陳守仁，sc的老師有愛心嗎？你覚得sc帶比你小孩什麽改善，你覚得值得讀嗎，唔好意問甘多野，謝謝

HaYi

我大的已畢業, 細的己K3, 2個都在羅福道, 在K2暑假去了雅息士道上收費的SC 暑期班, 小朋友又好喜歡個度, 因為個度新D.

SC 2間校舍的老師都好友善, 我大仔畢業左幾年, 細入讀時, 老師都仍記得大仔, 因2個都是英普班, 老師同班號大部份都是相同, 有時接細的, 老師都問下我大仔野, 大仔放假都有時都帶大仔回去接細仔, 見下老師, 好開心的.

我地雖然遠, 但是尾站, 去到學校都只是半小時, 校車是要經雅息去羅福, 所以雅息定羅福坐校車就冇分別, 唔坐就真係唔方便, 暑期班我地都坐直去雅息的校巴.

另外大仔現已是陳守仁高小生, 當初都放棄左一D直資龍校入陳.  讀得開心, 唔係因為成績, 而是因為好多野參加好多活動, 比較合佢的性格.   細仔剛考直私, TSL 已入最後一輪, 現等結果, 另亦有如SFA等己收offer, 其它有些學校仍等結果. 都希望最後都入到TSL做哥哥學弟(如SC).  

佢地2個冇咩學術上的課外活動, 都是音體多, 所以大部份學術是由學校來, 不是谷出來, 因SC 真不是谷的學校, 而是引導出來,  佢地英文比中文強, 細的由於中文我們注重左, 竟然在TSL 校長眼中評語是中強於英.   但如果真讀SFA之類重學術的學校, 我覺得K3最好去報下學術, 尤其是中文, 因一般幼稚園程度, 就算是SC 畢業, 入讀後會不夠.

rai_fc

我很喜歡雅息士道campus因為細校舍，不同老師都認識我仔仔。校舍又新一點。