自己算是中產, 都送小朋友去讀學卷幼稚園, 因為:

sonion

popcorncat 發表於 16-12-6 19:57
交10萬薪俸稅唔係多, 但應該請得起工人吧

樓主可否不要以錢來衡量一切 ?


我識不少父母也是專業人士, 也沒有請工人, 我自己也是
請唔請工人也有不少考慮, 有錢唔一定要請工人

仲要話人地交唔多稅, 是什麼意思??




知道你要交25萬稅是有錢人了, 你想表達什麼呢?

gaidanjai

不能認同更多
我都唔知道個post想帶出什麼

merci2046

回覆 sonion 的帖子

交稅25萬即是家庭年收入差不多200萬
咁又代表了什麼?

咸魚青菜, 各有所好!

宮二

樓主說：「學卷幼稚園可以令小朋友接觸不同階層的人，不止是有錢人，正如自己有私家車，亦經常會同小朋友坐巴士、地鐵⋯」

我醒起有朋友說有個富貴JM, 本身住南區洋房，暑假會send個仔去港島某親戚家小住，話係「not so rich area」，等佢體驗平民生活，要佢知不努力冇錢就成世要「搭巴士地鐵」，冇私家車司機⋯
大家都即刻搭唔到咀囉

mcdonn

popcorncat 發表於 16-12-6 23:11
私幼不是萬能, 每日返三個鐘, 其餘時間都是靠上其他堂、家教。咁如果你話一間好差的學卷校同一間十分好的 ...

樓主，恕我直言，因為你把錢放在第一位，才會有這種想法和做法。如果把小朋友的成長、生活和學習放在首位考慮，從小朋友角度出發，你的安排就唔會係咁樣。冇話對與錯，只係價值觀不同而已。你有成功的人生，自有你的道理，祝生活愉快...

littlemybabe

帶出主題：有錢無品！
完。

wwchuifamily

17-18年全香港有700幾間學校有join優質幼稚園(前學券)計劃,佔全港幼稚園差唔多8成,入資助幼稚園根本就係大多數人嘅選擇,唔需要因為是否中產而大造文章.


我地屋企同樓主交稅額相若,但我地冇車,因為覺得香港成日塞車parking又麻煩又多禁區,搭公共交通工具仲快同方便,有需要咪call的士或者uber囉.想講係決定做唔做一樣嘢唔係純粹取決於金錢上負擔能力,而係你最終想達到咩目的.


幼稚園比起大學、工作甚至婚姻已經叫無咁階級,學校收得你offer俾你嘅師資、校舍、校服、課程、課外活動甚至茶點大家都一樣,何必要強調俾小朋友接觸不同階層嘅人?樓下看更哥哥、屋苑清潔姨姨都係唔同階層嘅人,平日有冇教小朋友對任何人都要有禮貌尊重人?


唔係想評擊樓主,但我覺得無必要用家庭收入同選擇幼稚園扯上咁強嘅關係.


題外話,身邊大把收入唔高嘅朋友因為住公屋/同父母住,唔洗供樓又唔投資,去旅行多過我呢啲所謂中產.唔通又要拎嚟比較"自己係中產,一年都去唔到兩次旅行"咩...

wrsk12

我相信樓主想表達出自己好有錢，但不讓子女讀私校的「高尚情操」

omoinoyukue

maxifoxy 發表於 16-12-6 20:39
大把人住公屋都讀私幼，唔使係中產先讀到…
同埋中產啫，寶山都未必收。
...

有d住公屋重有錢過住私樓既...

99dogdog

mcdonn 發表於 16-12-7 10:08
本帖最後由 mcdonn 於 16-12-7 10:17 編輯

樓主，恕我直言，因為你把錢放在第一位，才會有這種想法和做 ...

Can't agree more!

Korira

學券本是政府給所有適齡學童的福利，怎麼願意參加的學校反會被標籤成「較次等」？
這種價值觀實在不能苟同。

U1pea

認同樓主大部分講法，但我又覺得每人都有選擇自由，亦都唔認同私校一定係中產專利. 身邊識人交稅照過$20萬，但佢都唔認為自己入中產，仲住係3百零呎單位添，亦有朋友月入二萬幾但住港島名屋苑同小朋友讀私校，我諗每個家長都希望俾最好既子女，睇下你認為咩叫最好啦，我認為只要負擔到任何人都讀得私校。

dougts

原帖由 wwchuifamily 於 16-12-07 發表
本帖最後由 wwchuifamily 於 16-12-7 10:47 編輯

17-18年全香港有700幾間學校有join優質幼稚園(前學券) ...

Can't agree more.
說得很好，身教最重要，認為孩子就是little me, 你的價值觀如此，孩子就會用同一把尺衡量自己的人生。
開口埋口，交幾多稅，使幾多錢，孩子眼中只會有$$。
我家著重禮貌，誠信，專心。我家兩小孩見到外人會說早晨，唔該。應承了的事說到做到，做事/玩時專心一致，做完一件事才做另一件。因為作為家長也以身作則。

Hopeforb

樓主好似想曬命多D，讀詳學校之前，先考慮一下自己作為父母的身教！

dorahelen

原帖由 sonion 於 16-12-07 發表
樓主可否不要以錢來衡量一切 ?

Agree!咁样講好有挑釁性！我同老公都係專業人士，交嘅税比樓主更多，(我亦相信EK大把比我地揾錢更多的父母，呢個世界天外有天，人上有人)，但我地一路冇請工人，並非因為錢的問題，而係有好多其他考慮例如想小朋友由家人照顧、自理能力好D，唔慣有外人在家等……宜家快有第二個小朋友先迫於無奈要請工人。好多嘢，並唔係有錢就可以解诀到。至於讀咩幼稚園，考慮點除左價錢，有冇學券，更重要的係學校環境、師資、教學方法等是否配合到小朋友嘅步伐。可以慳到錢，受惠到政府的學券制有邊個唔想？但問題係啱唔啱小朋友，係咪對佢最好

dorahelen

原帖由 wwchuifamily 於 16-12-07 發表
本帖最後由 wwchuifamily 於 16-12-7 10:47 編輯

17-18年全香港有700幾間學校有join優質幼稚園(前學券) ...

well said! can't agree more

mandy_ng207

Sofia88 發表於 16-12-6 20:27
咁平時邊個湊？

我地好好彩，日頭6299湊呀。為左每晚接阿仔返家，我地特登搬去6299附近住。我地得一個細路，所以應付到。
我的朋友都是雙職父母，都係專業人士，同樣交10萬薪俸稅一年，佢地就放一對仔女在育嬰園，安排佢地返全日N同K，冇請工人湊。
請唔請工人呢d決定係好個人化，無謂side-track討論呢樣野。我自己會首選校風好的學校，不會為了慳錢而選學券幼。自問家裡開支不少，需要專心工作揾食，亦不想6299帶小朋友四圍上堂咁辛苦，我情願俾多d錢揀我放心嘅學校比小朋友讀。
每人家庭情況不同，想法亦不一樣，討論區是鼓勵分享，不鼓勵批評的，對嗎？

mandy_ng207

唔係話學券幼有問題，而係佢地無能力揀學生，有時會有一些背景無咁好嘅學生入讀，可能會影響自己小朋友。香港地有一些不負責任的父母，又或者無能力照顧好小朋友嘅父母（例如家人有病，工時長...等等），佢地嘅小朋友無人理，真係好易學壞同帶壞其他人。我們在公屋長大，見得多，都唔希望自己小朋友學佢地一樣啊。學不學券不緊要，最緊要是校風好，家長關心子女，學生才不會容易學壞。
我真係唔係歧視無人理嘅小朋友，其實有時在公園見到呢d人都覺得佢地好可憐。不過人地家事真係唔可以理，可以做的只是幫手看下避免他們受傷......

popcorncat

Sofia88 發表於 16-12-7 00:00
什麼大量校外課程？吾辛苦？

暫時唔辛苦, 這些校外課堂好有彈性, 覺得太多隨時可以 cut, 唔覺有問題