學之園 vs 民生

hwial2xxx

小兒今年在LH讀緊pn下午班, 2017年K1可以直升英普下午班, 剛收到民生K1 下午班offer, 不知如何選擇?

LH方面: 小兒讀咗一年LH, 本人對LH印象都唔錯, 學校透明度高, 有自己教材, 教師有愛心, 小兒亦好像識多咗好多野, 如回家後經常唱老師教唱的中英文歌, 模擬在學校做過的事情。 其他因素: 學校較谷, 注重紀律, 重視守規則, 有時會罰學生, 沒有室外playground。

民生方面: 本人認識不是太多, 主要聽人講: 龍校, 校舍大, 基督教, 算係谷但成績一般, 雖然話龍校但唔係100%(約85%), 仲有, 如果你小朋友中途跟唔到, 會叫你轉校以保成績, 唔係想教好你小朋友(唔知真唔真)。口碑好似一般 (另外, 想請問點解民生個offer封信無寫係英/普定英/粵班?)

請各位比d意見, 謝謝。

73662710

只論課程，我幾欣賞LH.

你要了解自己的要求，兒子的能力，進取還是保守。

用search engine 試吓，已經好多討論。

beanbeanbean

hwial2xxx 發表於 16-12-6 12:22
小兒今年在LH讀緊pn下午班, 2017年K1可以直升英普下午班, 剛收到民生K1 下午班offer, 不知如何選擇?

LH方 ...

LH for sure!!

pollywcw

我仲難決擇, 囡係LH 上午班, K1會係上午英普. 民生係下午班.自己唔係咁進取, 但阿囡俾老師comment 係一個專注力強, 留心聽書. 我先生認為阿囡留LH 可以小一考到好學校. 當我知道陳守仁6千人考, 就唔想玩呢個game. 好大機會去民生

SarahGil

回覆 pollywcw 的帖子

如繼續讀LH,你只target一間陳守仁? 陳守仁只係極端例子,係全港最多人報的小學. LH 上小學都有許多其他不錯的offer. 民生口碑好似真係一般, I will vote for LH.

hwial2xxx

73662710 發表於 16-12-6 13:03
只論課程，我幾欣賞LH.

你要了解自己的要求，兒子的能力，進取還是保守。

我兒子較為好動, 但學習能力不錯。
如果民生真係一般, 敢我都唔介意辛苦d讀LH, 升小時再考過。

pollywcw

如果留LH, 都會考SFA, 宣道, 九龍塘. 但呢d 一樣幾千人考, 亦都係同民生差不多, 傳統小學, 谷程度亦一樣. 其餘WFK, 培僑活動型小學, 直上中學, Banding 又唔夠民生中學好. 就算唔讀民生中學, 九龍城校網都好多choice. 我自己係咁分析

hwial2xxx

pollywcw 發表於 16-12-6 14:18
我仲難決擇, 囡係LH 上午班, K1會係上午英普. 民生係下午班.自己唔係咁進取, 但阿囡俾老師comment 係一個專 ...

請問民生點知係英/普定英粵班呀?

73662710

hwial2xxx 發表於 16-12-6 14:49
請問民生點知係英/普定英粵班呀?

民幼不再分英普英粵。全部英粵，不過每天也有pth 時段
我以前都認為英普好啲

其實粵語和古漢文更接近，個人現正支持粵教。

hwial2xxx

有無民生用家可以比D意見呀?

hwial2xxx

73662710 發表於 16-12-6 15:00
民幼不再分英普英粵。全部英粵，不過每天也有pth 時段
我以前都認為英普好啲

明白, 謝謝。
請問知唔知民幼是否有full time net 班主任? pth每天有多少時間?

73662710

hwial2xxx 發表於 16-12-6 16:25
明白, 謝謝。
請問知唔知民幼是否有full time net 班主任? pth每天有多少時間?

民生用家
小孩K1

民生十分注重德育自理。
課程深淺見仁見智，功課少，每天10分鐘左右。
無論是德育還是伴讀都需要家校合作，親子功課二星期一份，還可以。

K1 十分輕鬆，k2 可能忙啲。
有NET full time, 普通話時段唔清楚，估計15-20分鐘，每日都有。

無論是民幼還是民小都是愛心學校。
但是無論是民幼或民小都有家長不滿學校。民幼有大約7成升民小，另有部份考自私自行，有10%左近冇着落，而在k2學期尾評估時，老師會如實反映在評估表中，個別學生升不了民小，評估又差，考直私時會困難些。而民小有2/3人升上民中，當然民小有學生跟唔上，家長會很痛苦，而家長通常會怪學校，但是這種情況在很多學校也會發生，除了直升的直資。

真心無論是讀SC LH or KV, or MS, 有要求的家長也會跟得好貼，所以他們的小孩也會非常competitive! 反之亦然，靠學校的通常吃白果。

人望高處，很多民幼的學生也會考小學，但是多數只考幾間十分心儀的或者神校。心中多了一份平和。

73662710

而我們當初選民幼，升民小有一定的成因，而主動是我們對民幼課程的認可

cuhkrain

我當初選擇民生。兩個都是am.因為不想小朋友和家長一起面對考小學壓力。

hwial2xxx

73662710 發表於 16-12-6 17:51
民生用家
小孩K1

感謝回覆，非常詳細，謝謝！

dannynch

選擇民生是希望小朋友有快樂童年,慶幸碰到都是志同道合家長. 大家討論小朋友上課所見所聞, 家課, 興趣班.集體活動 很少提到外補中英數, 面試班等, 學校派了定期評核,也沒有人問或說出小朋友評核分數
至於"谷"程度, 粗略估計在德望,培正,ST CAT之上, 在學之園,KV之下

如果小朋友TARGET一線神小, 沒必要買保險, 在神幼可以跟志同道合家長切磋, 考唔到一線頭, 一線中尾問題唔大
在民生家長比較HEA, 關心小朋友聖誕節表演穿什麼衣服,多於外補搵邊間

Vanadium

若然樓主對民小民中已相當受落，又接受佢地既教學，同佢地成績，當然應該選民生。

但個人睇過LH派小成績，其實大部份都係拍得住、亦有唔少好過民小既，我會有一個諗法: 讀民幼若唔想升民小，有幾大機會可以搵得到其他比民小好既學校? 但若讀LH，感覺唔係好過都只係同民小差唔多。 當然....未計民幼其實都唔係100%升民小。

除非對民幼民小好情有獨鐘，或相信民幼畢業都夠照去搵其他學校，否則....以LH派位，唔覺得民幼有咩比LH明顯優勝。

若然以為讀龍校少D升學壓力，其實未必正確，當升小70%，升中70%，總計升到上民中只有50%，若80%X80%會好D，總計有64%，但升唔到...點算? 壓力仍唔少呢。

catcatbunb

我個女都係LH pn生和有民幼pm offer.
但我不敢玩升小一遊戲

73662710

看過LH 個list, 我反而有相反想法，唔計 計分的官津，只計直資私立，絕對好過民小的其實也不多。

不過同意樓上所說，小孩比較聰明，父母又會博命裁培，其實可以進取些，不需要這個保險。

如果不認同民幼課程，其實有更好的選擇。

gaoy

LH 做得唔錯
Marketing team