單一性別學校好處壞處？

L+H

Monstereasy 發表於 16-12-18 18:53
我由幼稚園開始讀女校直至大學先有男同學。大學學科係傳統男性行業，男性為主導。我反而覺得由於自小在女校 ...

完全同意Monstereasy, 自身經歷和你相似。大學時industrial training 從來無諗過揾男同學幫手，反而我幫佢地攞筆記。
的確，温柔無我份，但我唔粗魯架，相信很多男仕也會欣賞獨立既女仕。我見我同學也有很好既network和幸福家庭。

我囡囡也正讀女校。

FATBJ

我前老闆個女小學至中學都讀女校
到而家讀U, 面對男仔好怕羞,唔敢望對方眼睛,佢話一同男仔講野會好易緊張
身邊朋友都係女性,因為小學中學都係女仔,到而家大個始終好難識到個知心男性朋友

我覺得小學讀男女校真係會好D,起碼識番D男同學,到中學再讀單性別學校
社交同異性相處,一同合作做功課,男女比較等呢d都係從小灌輸比較好

Monstereasy

原帖由 fixedstar99 於 16-12-09 發表
你自身個例子又係小學男女校，中學先齋校。
有冇由小學起就齋到中學既人來現身說法呢? 好想知道齋12年既女 ...

我齋足十五年，認同Derek好難用自身角度去評論一般情況。我過往在女校正正係學會committee, 校隊分子，算受歡迎，我既經歷相對美好，而且一班好姊妹係由三歲識到現今，好比親人一樣，所以好喜歡女校生活。

女校是非多，但咪好似睇八卦新聞咁，講一排呢個又講下另一個。而係八婆堆生存要練好一身好武功，呢份武功正正幫到我處理辦公室是是非非，特別係同女上司相處。

不過，有所得亦有所失，當年好多人睇"那些年"都好有感受，我完全無……

retriever

Monstereasy 發表於 16-12-19 16:01
我齋足十五年，認同Derek好難用自身角度去評論一般情況。我過往在女校正正係學會committee, 校隊分子，算受 ...

較認同derek既看法。

可能版友對男女互動既睇法，是男是女也有不同視角。

係咪結到婚，無變宅男，講野唔面紅就無問題？

我覺得講既唔係呢d極端例子。某程度係效率問題。點解有人靠把口就物都掂？ 又有人俾哂成副身家，做牛做馬都唔掂？

互動睇點拿"捻" 條線，見讀男校既係有點"過猶不及"...

964000

香港大部分傳統名校都是單性學校，所以其實沒有太多選擇。如果真的要取捨，我覺得可以考慮小學男女校吧。

Felix223

其實讀齋唔齋校, 會唔會變宅, 根本唔關事, 都係睇小朋友自己性格和制遇.

Angelice-BeBe

我自己小學中學，都傳統女校，又無任何同異性相處嘅問題，小圈子，搞是搞非，只要有女仔嘅地方就會有，無分咩學校，而且就算全女校，都總會有一堆人係唔會搞是非，專心讀書嘅學生，問題在於自己選擇同邊一類同學做朋友咋喎

explorerhk

appledai 發表於 16-12-2 23:07
抽獎容易中，但我並不喜歡，比如女孩子一直讀女校是會比較乖，但是大後不知道如何同男仔相處（我指一般情況 ...

點會呀， 我都係讀男校， 咪又係媾到女， 結到婚， 生到仔。