面試有感

babycatrina

琴日in 坑真，驚交通問題，我地太早去到，阿女好開心可以玩，但因為落過雨，設施仍濕，又當風，所以玩得就住就住，阿女唔小心跣腳，條褲濕左，佢無咩野，做阿媽心裡難受，因為佢病緊未好番晒

等太耐，阿女又想去操場玩。但已夠鐘，又驚佢再凍病，安撫佢唔俾去，但阿女心情已唔好。

面試老師好好人，阿女唔肯答或做錯指令都好有耐性等待同教導，可惜阿女心情唔好，一係唔答一係答錯，奈何嘆句無緣。

講咁多，一來係感嘆家長同小朋友為爭取好學校既付出，二來係見左咁多間，發現最難唔係要小孩做指令，係點樣保持小孩愉快既心情-唔可以病，唔好太high, 唔可以無mood. 咁之後先有機會deliver平時既小朋友水平。

小朋友面試前曳話唔話？教唔教？教的話，小孩就心情唔好，面試死梗。唔教，又覺得唔應該咁功利，為左面試就當睇唔到曳行為。難、難、難！

依家最欣賞小朋友自己入課室面試既安排，唔駛見到阿女唔perform就暗自唔開心。始終都唔夠三歲，要小孩每次面試都叻叻係好難，但做阿媽總想小孩可以有「好」學校收，將來條路潤啲，點樣面對面試帶來既壓力係呢個月最大既挑戰。

好彩已近尾聲，各位家長同小朋友都加油！

千語mami

唔需要唔開心，讀那一間學校其實並不重要，最重要的是讓小孩感到爸媽永遠在她身旁支持她，而且，幼稚園只是開始，人生漫漫長路呢 加油

babycatrina

千語mami 發表於 16-11-27 13:21
唔需要唔開心，讀那一間學校其實並不重要，最重要的是讓小孩感到爸媽永遠在她身旁支持她，而且，幼稚園只是 ...

完全明白，但知易行難。

自知小孩入到名校係父母感覺良好多於小孩本身開唔開心，但真係想入龍校減低玩小一面校既壓力。否則點都會破壞親子關係。

第一次玩k1面試，無我想像中咁多人，希望call到waiting!

sakbbjaijai

原帖由 babycatrina 於 16-11-27 發表
完全明白，但知易行難。

自知小孩入到名校係父母感覺良好多於小孩本身開唔開心，但真係想入龍校 ...

今年比往年少人，應該有希望，相信學校除了看小朋友表現，家長質素亦非常重要，祝你我今年都好運

babycatrina

sakbbjaijai 發表於 16-11-27 14:10
今年比往年少人，應該有希望，相信學校除了看小朋友表現，家長質素亦非常重要，祝你我今年都好運



...

Yeah!

Good luck!

babycatrina

sample@trade 發表於 16-11-27 14:14
你報左邊幾間？
間間都好多人

龍校

只係係ek睇討論比以往靜而覺得

亦都無見到六千幾號既申請表而估計，當然三、四千人唔走得甩

Chan343

果日遊行，火都黎！去試場超harsh, 銅鑼灣塞爆

Dadagaga

babycatrina 發表於 16-11-27 12:08
琴日in 坑真，驚交通問題，我地太早去到，阿女好開心可以玩，但因為落過雨，設施仍濕，又當風，所以玩得就 ...

說中我心聲

Catkimbb

幼稚園面試只係一個遊戲。懂得如何玩便贏。
上年n加今年k的經驗話比我知。跟本短短數分鐘如何㨂到最好的小朋友。識講野代表一定叻？
我個女口齒玲利。我從來沒用英語同佢溝通。因為我認為一定要母語行先。懂表達。才慢慢敎其他語言。但今年有幸面見真光。大開眼界。用英文問問題。can you point your eyes
Can you cap your hand
我呆左。之後用左2日train 佢。已經全部識曬
洗腦式日日講。咁代表佢好叻?我吾覺得
所以隨緣。個天會比最好的選擇佢。

babycatrina

Catkimbb 發表於 16-11-28 00:37
幼稚園面試只係一個遊戲。懂得如何玩便贏。
上年n加今年k的經驗話比我知。跟本短短數分鐘如何㨂到最好的小 ...

第一次見坑真用英語面試既分享，我諗當刻你一定好意外。

K1面試，真係考家長多於考學生 - 如小孩唔識回應，家長點適時補底。

阿女見得唔好，好大程度上係我既責任，因為我manage唔到佢情緒，見佢點都唔同老師講老晨我已經半放棄，無再積極啲幫佢（又怕太插手會影響老師評分），最後面試一塌胡塗。

我反省，當阿女唔識既時候，我應該「本死」咁插手，橫掂都估佢面試唔成功，咁超碼引導佢做/答到，講俾佢知老師點解咁問，咁今次面試都係「成功」既經驗，否則對小朋友來講，去一個陌生地方，同陌生老師回答「扮」玩既面試問題其實幾大壓力同唔自在。我留意到我女好似越見表現越唔好，咁肯定係我帶得唔好，我無細心留意到佢既不安同需要。

係架，小孩面試三分鐘，家長背後十年功。一齊加油！

babycatrina

Chan343 發表於 16-11-28 00:18
果日遊行，火都黎！去試場超harsh, 銅鑼灣塞爆

應該無遲到？！

因為坑真要家長早半小時去玩，應該啱啱好？

祝好運

letiteasy

我都好唔開心....因為阿女in培正又唔肯入去, in 徳望又唔肯自己坐係前面....唉....無望....真係嬲到喊

babycatrina

letiteasy 發表於 16-11-28 13:36
我都好唔開心....因為阿女in培正又唔肯入去, in 徳望又唔肯自己坐係前面....唉....無望....真係嬲到喊:pity ...

明白你心情, 係咪細b? 要小朋友突然肯分離，尤其係剛訓醒未warm up就直接來真係好唔容易

letiteasy

babycatrina 發表於 16-11-28 13:49
明白你心情, 係咪細b? 要小朋友突然肯分離，尤其係剛訓醒未warm up就直接來真係好唔容易
...

係大B....所以我個心重難受...

babycatrina

letiteasy 發表於 16-11-28 14:03
係大B....所以我個心重難受...

平時返學無問題？

letiteasy

babycatrina 發表於 16-11-28 14:15
平時返學無問題？

完全無問題...第一日返N班到而家從未喊過...

千語mami

原帖由 Catkimbb 於 16-11-28 發表
幼稚園面試只係一個遊戲。懂得如何玩便贏。
上年n加今年k的經驗話比我知。跟本短短數分鐘如何㨂到最好的小 ...

請問你in邊間真光？以我所知，大坑真光係用廣東話面試，堅道真光上年或以前都係用廣東話面試，你講嘅真光，係元朗真光嗎？ 元朗真光我無in過，唔知佢會唔會用英文