補充練習的黃昏；大量閱讀的黎明—從兩篇文章講起

judy

下一步, 係點樣搞掂果個只鐘意睇漫畫既阿妹。呢個真係嚴峻既考驗嚟。

大少到结婚生子仍睇天下；阿二至今仍追花生。

睇咩由佢啦。

cchappy

好多謝eviepa 不遺餘力地係EK推動閱讀！小囡今年K3，大半年前我開始上網搵考一小資料，無意中睇到eviepa的文章，才了解到閱讀的好處，所以在過去大半年一有時間就伴讀，由最簡單幾個字的書開始，經過半年努力，感覺到小囡進步神速，甚至考到我最心儀直資（二線）。小囡在一間happy school讀書，以前我成日覺得小朋友唔需要咁早開始讀書認字，所以無外補，無閱讀，平時只係俾佢玩。直到要考小一上網搵資料才發現自己做錯咗，就算不是為咗考小一，培養閱讀興趣都十分重要，雖然依家小囡都仲係鐘意玩多過睇書，但我會繼續努力，希望有一天小囡都做到書不離手。

當然我都認同囝囝爸的觀點，大量閱讀之餘都應做下練習，才能相輔相成，我自己理想比例係八二，八成閱讀，二成練習．我都唔希望小囡齋睇書但唔識應用同分析，所以會讓佢做適當練習鞏固知識。

little_yolky

judy 發表於 16-11-28 12:03
大少到结婚生子仍睇天下；阿二至今仍追花生。

睇咩由佢啦。

咁都要睇下D多字書, 唔好一日到黑掛住睇漫畫丫, 都小二了, 下學期測考無讀題, 再唔睇多D, 好大鑊了。

little_yolky

judy  小二仲讀題？  發表於 40 秒前


係呀, 我哋學校好好, 循序漸進, 小二上學期仲有讀題的。

little_yolky

MrBeast  遲d加埋文言文真唔知點算   發表於 4 分鐘前


文言文好優美, 有什麼不好?

chairhair

ppmmbb 發表於 16-11-28 11:43
同學老師講一句, 好過阿媽阿爸講千句！

睇慣英文書既人, 叫佢睇中文書同樣攞佢命！

那我都要急追看英文書，謝謝分享

sarahdad

little_yolky 發表於 16-11-28 11:11
我女女幼稚園時期, 我就係刨過Eviepa個愉快學習個案, 照版煮碗。點知過咗幾年, 死喇, 記得讀中文唔記得讀英 ...

Geronimo Stilton(程度:480L至580L)其實是一套很有趣的小說, 如果她愛看, 你可求其所好, 買齊80多本老鼠記者的英文版給她看, 若她追完80多本英文版老鼠記者後, 你以後再不用擔心她的英文了. 我都買了前40本老鼠記者的英文版給女兒看, 但她只看了頭20本便停了, 去追別的系列, 現在她的最愛是My Weird School(程度:580L至650L).

Ahbee02

eviepa 發表於 16-11-26 18:03
要短期內將文法搞好不易，而且除了取分外無甚用途。書看多了，文法就會慢慢好起來，到中學時自然顯出威力 ...

Eviepa,
英文方面我一直對女兒進行伴讀及讓她看英文書。不知是否女兒資質問題還是吸收問題，她英文語法存在很多問題。比如時態對的時候，裡邊的複數吾記得加s，又或者吾記得去y變成ies......諸如此類，成日顧得頭來，又吾記得個尾。提點佢多次，都仲係甘錯法。所以讓我都好煩惱。


小女現就讀五年級，將面對第一次的呈分試，所以我決定，現階段有必要想辦法操佢多點grammar，否則呈分試估計就grammar都失分吾少。

eviepa

回覆 Ahbee02 的帖子

到中學文法自然會慢慢好，不過如果妳覺得呈分試重要，不容有失，做點文法練習我不反對。但真的要選擇好的練習。

ppmmbb

sarahdad 發表於 16-11-28 14:56
Geronimo Stilton(程度:480L至580L)其實是一套很有趣的小說, 如果她愛看, 你可求其所好, 買齊80多本老鼠記 ...

我自己睇過內容，覺得My Weird School淺過Geronimo Stilton，原來計Lexile是My Weird School深 d！

little_yolky

sarahdad 發表於 16-11-28 14:56
Geronimo Stilton(程度:480L至580L)其實是一套很有趣的小說, 如果她愛看, 你可求其所好, 買齊80多本老鼠記 ...

開什麼玩笑, 上次佢話鐘意rainbow magic, 我一口氣買咗25本俾佢, 點知大小姐三分鐘熱度, 睇咗10幾本之後其他响書架封塵。今次絕對唔會買咁多俾佢, 最多一次去書局買幾本, 睇完想睇先再買。

真係唔明隻老鼠有乜好睇, 但小朋友既喜好好難捉摸。同學你見佢有老鼠書, 個個圍住佢, 佢突然變得好受歡迎。睇嚟, 都幾多人鐘意呢隻老鼠。

little_yolky

awah112  應從小背三字經，弟子規...等  發表於 4 分鐘前


係, 有做。同埋, 佢哋唱開粵劇, D文縐縐嘢好受落。

haihaimom

ppmmbb 發表於 16-11-28 15:33
我自己睇過內容，覺得My Weird School淺過Geronimo Stilton，原來計Lexile是My Weird School深 d！:surpri ...

兩套都係我仔小時既至愛，我自己鐘意My wired  school 多啲，個人覺得都真係幾好笑。

jadenhayden

haihaimom 發表於 16-11-28 17:07
兩套都係我仔小時既至愛，我自己鐘意My wired  school 多啲，個人覺得都真係幾好笑。
...

有沒有啱小一程度，簡單適合男仔嘅英文書介紹？（除了oxford reading tree外）

byoung

請問大家點才算大量閱讀呢？中文要大量，英文又要大量，真的有這麼多時間嗎？自從小兒升小一後真的沒辦法做到中英文都可每日一本(emoji)

serinac

byoung 發表於 16-11-28 17:28
請問大家點才算大量閱讀呢？中文要大量，英文又要大量，真的有這麼多時間嗎？自從小兒升小一後真的沒辦法做 ...

我自己覺得唔需要太刻意，小朋友如有興趣和時間，想睇幾多便由得佢，但要平衡一下運動和其他興趣發展。

小女自小迷書，經常唔做功課睇書，上緊堂或做緊功課時偷睇書。(emoji)(emoji)

最近考試前，寧願睇書都唔肯溫書(emoji)結果俾我丙鑊金嘅兼收書(emoji)

jadenhayden

byoung 發表於 16-11-28 17:28
請問大家點才算大量閱讀呢？中文要大量，英文又要大量，真的有這麼多時間嗎？自從小兒升小一後真的沒辦法做 ...

我都好有同感！小一真的唔似幼稚園咁多閱讀嘅時間！可能生活好忙，佢有時間，寧可玩都唔願看書！感覺好難讓佢做到書不離手(emoji)

eviepa

十幾年前可能是補充練習如日方中的年代，當時，我和親友提出閱讀是最佳學習語文方法時，絕大部分都當作異端邪說，他們家中都堆滿了各科的補充練習，認為是最佳學習語文的方法。我女兒當時大概被認為先天不足（讓人家有蠢蠢哋的感覺），後天失調（居然用閱讀取代補充練習）。

我記得很清楚，大概十年至十二年前間，囝囝爸曾經幾次在EK裡表達大概以下的訊息:

「我親友的孩子中，最棒的都是沒有課外閱讀習慣的。當然啦，十八般武藝件件階精，那裡來這麼多時間去閱讀課外書。」

囝囝爸當時明顯覺得，課外閱讀對語文，甚至於學術水平，帮助甚微。這種看法，就是當年的主流。當然啦，囝囝爸看過我們閱讀派以及後來者的表演後，慢慢將立場修改成:

「閱讀只適合小部分有條件的人，對大部分人来說，閱讀行不通。總體來說，做練習為主的學習不比閱讀差。」

今天，覺得課外閱讀不能忽視的家長越来越多，從前鄙視閱讀如囝囝爸也不得不大幅修改對阅讀及練習的看法，不再堅持閱讀是低效能工具、練習不是至高無上的活動。

今天，練習的退潮非常明顯，是夕陽；閱讀的人數，漸漸上升，是黎明。

poonseelai

little_yolky 發表於 16-11-28 16:16
開什麼玩笑, 上次佢話鐘意rainbow magic, 我一口氣買咗25本俾佢, 點知大小姐三分鐘熱度, 睇咗10幾本之後其 ...

我覺得隻老鼠好攪笑喎，之前同兩個孩子伴讀，笑死我哋，可能加上我七情上面演繹

囝囝爸

回覆 eviepa 的帖子

這則題目約寫於9年前，你我同在，你說的話可信嗎。

http://www.edu-kingdom.com/forum.php?mod=viewthread&tid=966299&page=2#pid16434163

另外一則，你我同在，又係9年。

http://www.edu-kingdom.com/forum.php?mod=viewthread&tid=989270&page=1#pid16733771

十一二年前的，我真搵唔倒。你講到實牙實齒，唔該你引文證明。 十年前後教育變咗，我變都唔出奇掛。你仲挖番的嘢來講，你真是一個歷史人。