伴讀

MrBeast

freshrose 發表於 16-11-22 17:33
你要開始習慣一下, 我地每晚係食完飯就開始讀, 最初佢都有D 唔配合, 又未至於抗拒, 如果唔讀咪唔好玩, 唔 ...

我就唔會associate獎勵with result.  可能會培養到責任心但培養唔到閱讀興趣，真的有興趣的，食飯all c 都會自動攞本書來看

MrBeast

Felix223 發表於 16-11-22 15:09
我最近改了用一個方法, 因阿仔喜歡路牌, 而家`出街見到D 路牌上的字教佢認. ;慢慢來. ...

我都用過這招，效果也不錯

tong_tong_c

其實可以放鬆d，伴讀的目的唔係只係認字，有d小朋友係好抗拒續字續句咁讀，人地work的方法又唔代表你小朋友適合。勉強要小朋友記晒d字但唔明成句講咩又有咩用？俾d時間大家，享受伴讀時間，遲下可能有意外收獲，付出左唔會白費的

Olympian

原帖由 wigg 於 16-11-21 發表
阿仔由細到大我都有同佢睇書嘅習慣，但而家5歲，都仲係文盲，唔肯睇字，更唔肯認字，唉！我屋企人話我再迫 ...

明年升小一嗎？我認為你擔心得有道理的。我小朋友跟你的情況相似。老師不斷著我多跟她溫習。所以四歲半時，我就有和她溫習。小朋友能記得課本的生字，但不能在其他地方認到。有可能是把課本背熟了，並不是真的把單字或詞語認得到。我會把學校要認讀的詞語做字卡。溫習時，先給他看書本的一個生字，讀一次，然後收起書。接著要他從數張字卡中，找出剛才給他看的字。如果他找不到，可讓他再看書一次再找。到小朋友熟一點就可不用先看書，直接讀出生字然後叫他找。最後，要小朋友一見到個字就識讀。另外，我會記住他已學識的字，當我讀圖書時，看到她學過的字就叫他讀那一兩個字，加強認讀和理解。當然，最好先問她已熟識的字，增強信心，小朋友覺得自己做得到才會願意配合你。第三，可用已學會的字卡串句子。我會串得搞笑一點，如：媽媽喜歡吃老鼠。跟住叫他讀，目的都是增強認讀。

eviepa

阅讀最重要元素係趣味，無趣味嘅閱讀會令效果大減。夾硬要小朋友心不甘情不願咁認字只會扼殺閱讀興趣，有害無益。

只要小朋友喜歡睇書，享受裏面嘅情節，佢哋自然會認到字，而且係高速咁學到生字、生詞。

Olympian

原帖由 eviepa 於 16-11-23 發表
阅讀最重要元素係趣味，無趣味嘅閱讀會令效果大減。夾硬要小朋友心不甘情不願咁認字只會扼殺閱讀興趣，有害 ...

其實，家長可分開親子閱讀和策略伴讀。親子閱讀，就是親子活動，消閒功能為主，從中豐富孩子的知識，提升閱讀興趣和能力。

策略閱讀，就可以有明確的目的，例如：認字，理解內容，流暢度等。兩個時間可分開。我就早上做認讀，睡前就純親子伴讀。

還要因應小朋友的能力。我對我大仔只進行純親子閱讀，他已學得好好，中英閱讀能力已好理想。個細就唔同，完全吸唔到。

小朋友都愛玩，只要將認字過程，變成遊戲，是不會抗拒的。我還會跟他們玩字卡配對。即反轉8張卡，每次開兩隻，相同的得一分。還有釣魚遊戲，把字卡用自製的魚桿吸起，小朋友都好鐘意的。還有玩接龍。但的確要多花點心思和時間。

eviepa

關鍵係趣味，如果可以將認字化為遊戲，又未嘗不可。

LuckyFish

原帖由 kmb369 於 16-11-22 發表
可考慮報讀認字班，如你仔仔只在認字方面較弱

請問有沒有好的中文認字班介紹呢？孩子現在讀小一。謝謝！

little_yolky

Olympian 發表於 16-11-23 11:30
其實，家長可分開親子閱讀和策略伴讀。親子閱讀，就是親子活動，消閒功能為主，從中豐富孩子的知識，提升閱 ...

我仲試過玩返以前自己細個同家姐玩既遊戲, 响對方背脊寫字, 叫對方估寫乜。又可以等佢認字, 又可以練習寫字, 仲訓練埋想象力添。

以前細個無乜玩具, 真係乜都玩得一餐。

Tintin926

freshrose 發表於 16-11-22 17:33
你要開始習慣一下, 我地每晚係食完飯就開始讀, 最初佢都有D 唔配合, 又未至於抗拒, 如果唔讀咪唔好玩, 唔 ...

你果個係幾生修道的好仔，真係唔係個個咁合作咁容易氹，努力培養，唔好哂！

jenniferK

基礎漢字500要緊持才學得好。出版社網頁有教回何用，每次讀六課，五課舊的加一課新的。我小朋友每完成一本我就送一份小禮物。通常堅持完成第一本就容易好多了。

平時伴讀時，見佢地學過的字會叫他們讀，就算讀不完一整句，他們巳經很開心。

我的目標很低，小學前要完成500字。第一個孩子做到，第二個努力中。一路讀落去，每天只會花少於十五分鐘讀完六課。小朋友覺得不難，又有禮物會好好合作。

伴讀時照字讀，不用白話講。小朋友有用心聽自然會問聽不明白的字詞。聽得多就會習慣，小朋友適應其實很快。慢慢再用手指指住讀，令佢地認其他字。

我小朋友小一可以自己睇中文書，估住咁睇。不過默書未如理想，要繼續加油。

Carroad

Felix223 發表於 16-11-22 15:09
我最近改了用一個方法, 因阿仔喜歡路牌, 而家`出街見到D 路牌上的字教佢認. ;慢慢來. ...

贊成，其實老套啲講，學習係要以興趣行先，認路牌係好方法，我仔三歲前後認晒港鐵車站名，唔好睇少，其實都識咗好多個字，佢見到近似or同音字，仲會舉一反三，例如佢見到個吉字，會話“太古個古字加多一劃就係呢個字”，跟住你就可以同佢講，係呀，呢個咪係吉字囉，大吉大利個吉呢、橙色嗰啲吉呢咁，要圖畫化，拉近生活，因小朋友學嘢係講經驗，佢感受過先會明同學到。加油呀！

Elenalan

jenniferK 發表於 16-11-29 14:10
基礎漢字500要緊持才學得好。出版社網頁有教回何用，每次讀六課，五課舊的加一課新的。我小朋友每完成一本 ...

基礎漢字500我個女覺得好悶, 好早買左, 但睇兩下就唔想再睇 (我女現在4歲)。

反而佢自己鍾意睇青田d書仔, 起碼有小小故事性。

另外都會去圖書館借d繪本俾佢睇。

佢有興趣o既書, 佢先會主動朗讀。我覺得佢讀出聲, 認字快過我讀俾佢聽。

Elenalan

Carroad 發表於 16-11-30 12:48
贊成，其實老套啲講，學習係要以興趣行先，認路牌係好方法，我仔三歲前後認晒港鐵車站名，唔好睇少，其實 ...

agree, 認站名、路牌、餐牌...生活中常見o既字, 佢會好積極咁去認。

去餐廳, 俾個menu佢, 如果佢自己識讀想要order o既食物飲品, 讀得o岩就俾佢自己order, 呢個認字(中英文都係)動力係非常大!