如何找到現職小學老師補習?

彥彥媽咪

我見好多補習既中介公司, 又或自薦既補習老師多數都係現職大專大學生, 又或畢業後做左全職既補習老師。咁如果我想揾現職教緊小學既老師為小朋友補習, 請問你地知唔知佢地多數係邊樹揾呢D 補習多呢? 因我直覺佢地唔會去D 中介社揾學生? 定其實佢地工作好忙, 多數唔會再揾補習呢?

另: 我又想問, 咁當你揾到老師, 你地會唔會核實佢講既資料是否真確架? 如: 出示証書等? 家長是否有權咁做?  請指教。

LeeCC

現職的小學老師好夜放工架，邊有時間兼職補習？

或者半退休的代課老師可以做下補習

701003

彥彥媽咪 發表於 16-11-14 03:05
我見好多補習既中介公司, 又或自薦既補習老師多數都係現職大專大學生, 又或畢業後做左全職既補習老師。咁 ...

使乜搵中介？我係呢度都搵到現職老師補中文！唔好助長吸血中介！子女有否進步，就係最實在的証明！有D人一疊證書，教極小朋友都唔明，有鬼用咩！試幾堂就見真章啦！

彥彥媽咪

701003 發表於 16-11-14 10:08
使乜搵中介？我係呢度都搵到現職老師補中文！唔好助長吸血中介！子女有否進步，就係最實在的証明！有D人一 ...

係, 我都見係有少量老師在此揾學生, 但我既經驗係:

1) 問佢教幾年班, 唔講...只話小學
2) 問佢教邊間學校 (佢介紹話自己教 B1 小學), 又係唔肯講
3) 問佢現時有幾多個學生補緊, 佢又唔講 (因為我都想知, 若然佢學生多, 咁花在每一學生身上既時間杷對就會少, 又或會大機會因不同人要求, 要常調堂...個類, 對大家都唔方便)

我明白, 好多野係私隠, 又或者學校唔比秘撈, 但揾補習似揾工, 話哂我都要比一個陌生人到我家, 好多時又得個仔+工人同佢在 (補習緊時我都未放工) , 我認為我想知多少少 (已不是叫佢比証明) 應不太過份?  但我見好多老師都唔肯講, 淨係話得, 我有經驗, 咁我點信呢? 感覺實在不太良好

合作貴乎信任, 尤其香港地真的越多越多欺暪, 我都唔想大家有風險而已, 是否不應問? 定要先見工才可問? 但我見個好多老師好似一講就係約上堂, 而唔似想 "見工" 呀

babywoman

如果我要揾私補.
一,會問同學仔媽咪睇有冇介紹.
二, 如果網上揾 , 或派傳單所知, 試兩三四堂, 基本上就知呢個老師是否適合.
其它是否在校老師, 是否有經驗, 先信住. 揾合適老師要不斷試, 適合人地,未必適合你的小朋友呀.

我冇揾私補. 小二時為仔揾外籍時, 也是這樣的. 我俾仔三個月內逢二或六試兩個外籍班(兩個班都是經同學仔媽咪介紹), 第四個月選了 其一. 一直上至現在. 當時我的想法是, 如果兩個班都不適合,會繼續試其他口碑好的.

1998Ruby1998

好難搵小學老師肯做補習，收工最早都要 3 點，未計要同學生練朗誦比賽／改功課／彩排學校話劇等等，一搞就 5 點 6 點。畀著係你，8 點開始對住小朋友對到 5 點，仲要教書＋確保堂上秩序，你都累啦，仲邊會想搵補習？（除非你人工真係好唔夠洗）

如果係小學補習老師，通常都唔會係名校 Band 1，而且唔會開校名，因為好難確保家長／小朋友誤講出來，畀同事甚至校長聽到，通常學校都唔鍾意老師搵補習（除非係友情在先同埋得一兩單）。不過得一兩個學生的話，又怕家長知道他時間彈性高，會多了要求。

不過做小學老師未必代表一定教得好（其實做老師，考到教育文憑＋有學校請就得），我以前高小個數學老師教得唔好，成日 6X，搵個小學畢業的阿姨幫我，一補就進步到 8X－90分。都係要睇下個小朋友同老師夾唔夾，小朋友係咪學到野。

我唔知宜家d補習老師點開始第一堂或者點見工。不過我經驗就係，首先電話見工，解釋我會大概上堂做咩（有冇作文，學grammar）。第一堂通常家長都會係度，我會畀學生做 Test，畀家長，學生同我摸清對方個底。一來我知道個小朋友識幾多，二來個家長都會更清楚我個能力同埋係咪知道呢個年級會學咩。

sharon26788

請各位唔好再pM我了，呢位老師比較full，星期六日又唔會補。

701003

原帖由 彥彥媽咪 於 16-11-14 發表
係, 我都見係有少量老師在此揾學生, 但我既經驗係:

1) 問佢教幾年班, 唔講...只話小學

試堂!試一兩堂就知有無料到啦！正常現職老師揾兼職，有D剛畢業無耐，要還學貸而兼職!常額經驗老師有四五萬人工，好少要兼職!

Shin-hye

老師揾兼職要上報嫁! 除非佢地想比老細玩謝啦，否則都係秘撈，咁佢地仲會透露咁多資料咩？

little_child

現職考師咁忙, 邊有時間兼職做補習
就算星期六日補到, 比校長知道又有排煩

所以, 唯有退而求其次, 搵一D退左休或做代課的

大專生純兼職, 玩玩下, 賺下零用, 良莠不齊

最好都係搵全職專科補習的, 佢地教學生的經驗都唔少
但就好難搵, 多數係小型補習社的老闆, 真係可遇不可求

jc2009

彥彥媽咪 發表於 16-11-14 16:07
係, 我都見係有少量老師在此揾學生, 但我既經驗係:

1) 問佢教幾年班, 唔講...只話小學

你提的經驗, 跟我之前遇過也一樣.
現職老師俾人感覺不太好, 表現出好忙及好多學生跟她上; 第一次試堂也要遲到, 我覺得真沒有誠意....

brother4

要找適合點找? 如教宝校老師但小朋友私小/傳統深很多，要找教自己學校的老師，一般要有人介紹的，另佢地揀學生，唔叻唔聽話唔想教，有名氣會自己開補習社

shanshankakamum

我搵補習都係人踏人咁搵現職老師，因為驚唔知搵左咩人。我都無問過老師攞證明，資歷有時都真係唔係最重要，有時資歷淺既反而仲有熱誠，教法會創新d，最緊要有心同夾到小朋友。