過動活躍的藥物

BeBe媽媽

我小朋友由初初食4小時X2次，
老師話佢第5、6堂就開始多動作，
中途加過份量。
約大半年後，醫生建議轉18mg 係12小時的，
我仔就有比較辛苦既副作用，但都照食左一個月，
再見醫生，果時亞仔話無乜再頭痛頭暈等等，
但明顯知道佢中午無乜胃口。
在暑假時停藥，肥左好多。開學就慢慢瘦番了..
但都算係正常體重(佢由BB到大，食量算小，但唔會點瘦)

佢朝早7：30食藥，其實放學4：00左右，
我已覺得無藥效，我亦唔想佢再加藥份量。
老師唔投訴就算。

平時放假我唔會比藥佢食。所有假期如是。

盡量忍佢但的確好辛苦好辛苦好辛苦

我有諗過學人home school，可惜我自己讀書好差。
幻想下，發下夢就得。

我想講轉藥大半年，我而家先察覺到，
亞仔之前一直高得快、算高....但暑假後見番啲同學，
好多都高過佢，亞仔好似慢左、停左...
連頭髮都係。之前個個月要剪，而家可以3個月都唔太長。
好心痛......痛唔係因為佢唔高，而係估計整體發展有影響？？？

tutik

a.agnes.lam 發表於 16-12-17 00:01
我小朋友今年4年級 由三年級下學期左右開始食藥 初初每日食兩次4小時藥 初頭都會有d頭痛 但適應左就無事  ...

請問你小朋友食藥嘅藥量係幾多?八小時係咪都係食10mg,四小時5mg?
我小朋友就係咁,但係相對佢8小時
反而無效!
我都好擔心啲藥影響佢嘅高度,發育同情緒,我成日都想幫佢停藥.

BeBe媽媽

回覆 tutik 的帖子

你小朋友食藥時有冇幫助呀？
我自己呢就係小朋友放假唔食。

番學就唔敢唔食，始終對佢在校表現有影響，
最主要係 與同學相處，唔食就有好多衝突，
或因不專心上堂，而被同學及老師標籤。

wang88

我想請問你們見那個精神科醫生？我小朋友之前見過鍾醫生，食Ritalin - 10mg for 8 hours, 但d藥食咗一星期，部分老師覺得好咗，但都係一時時，另一科老師覺得無分別！副作用唔算太大！但之後考試發呆，所有試卷只做了一半，考到第四、五日唔俾佢食藥，只差少少做哂試卷，唔駛好似之前差咁多無做！搞到我都唔知應唔應該再食！

另外，食藥副作用是否只是即時頭痛、無胃口、失眠，將來會不會有其他副作用！

PurinBB

回覆 a.agnes.lam 的帖子

請問你小朋友食12小時長效那種是否都是Ritalin？吃了有沒有那些副作用？thx.