德望 vs 真道

cecilia.wilson

回覆 mcdonn 的帖子

我自己覺得 ib 同埋傳統學校是培養不同東西的。我有朋友讀國際學校，谷到個女成日上報紙，攞好多奬，但係佢阿媽就講明一定唔考ib,要考A level, 因為覺得個女嘅成績係谷出嚟，ib 一定好難考到高分。我選擇ib 係因為我怕有一日世界變得太多，傳統出嚟生存唔到。特別因為現在香港甘亂。ib 同國際更易接軌。
小朋友因為有其他國家護照，我想佢哋流動性高啲。

如果本身小朋友求知欲好強其實讀乜嘢都無所謂。因為傳統名校都有好多會不斷尋找課外知識，學校又會幫佢哋做enrichment.
反而是原本學習動力不足那一班才需要謹慎考慮。

lui

cecilia.wilson 發表於 16-11-14 21:24
回覆 mcdonn 的帖子

我自己覺得 ib 同埋傳統學校是培養不同東西的。我有朋友讀國際學校，谷到個女成日上報 ...

你說了我所想。有些事直說對一些人是捧喝。我也不便多說。只要問心，你要一個怎樣思考的孩子便可。我到現在仍支持真道（雖然我仍努力說服我先生，他不是要傳統名校）

littlefaith

lui 發表於 16-11-14 21:32
你說了我所想。有些事直說對一些人是捧喝。我也不便多說。只要問心，你要一個怎樣思考的孩子便可。我到現 ...

毋忘初衷

當初為小朋友揀真道，完全冇考慮所謂成績、入U率、學校名氣，而係欣賞真道可以响香港呢個處處要講數據、贏在起跑線、講入U率的氛圍下，堅持探究學習、自發學習，老師上課主要是引導學生，令學生愛上知識，主動尋求知識，而非硬塞、猛填「知識」、追Syllabus，學一大堆「社會要小朋友」學的「東西」。

此所以真道學科跟主流有很大分別，先刪去常識科，改為以探究、思考、實驗為主的「科學科」，以從了解社區、進而了解香港、再進而了解國家、了解世界為主的「社會科」，以學習攝影為開端、進而學習如何以文字以外的方法表達訊息、再進而學習如何分析資訊、分辨傳媒真偽的「媒體科」，以從認識自我、進而學習如何保持身心健康、最終學習處理人際關係及學習如何做一個好家長的「天倫教室」…　在在都訓練小朋友真真正正多角度思考，而不是求其進行幾個project、一兩課活動教學就叫活動教學，而是由小學第一年就貫徹恆常地進行。

真道令我的小朋友大開眼界，慢慢建立國際視野，也很愛思考，例如他們現在很喜歡和我討論港獨議題及美國總統大選如何影響世界，我作為家長當然樂於同他們討論。老實說，如果家長不下苦功，小朋友在真道學習只會事倍功半。

kbi

cecilia.wilson 發表於 16-11-14 18:05
我自己是名校出生，我贊成傳統名校好多經驗是一般學校比唔到的。
所以一般家長如有傳統名校收，我一定支持 ...

找到知音(emoji)，歷史、經驗、資源、價值觀、承傳、sisterhood, brotherhood 正是重點所在，升U率還是其次。

cecilia.wilson

回覆 poonseelai 的帖子

一個新的教學方法，由理論，到俾人接受，到付諸實行，到廣泛採用，往往都要幾十年。要改係政策學校老師家長考試方法全部都要改，大家唔係唔知傳統學校問題喺邊度，而係要改一啲都唔容易

mcdonn

cecilia.wilson 發表於 16-11-14 21:13
回覆 mcdonn 的帖子

大女讀啟思，我喜歡佢係ib (pyp), 加上生命教育做得好好。因為大女細個經歷左我離婚嘅 ...

感謝分享！我唔知你大女有冇需要出去補習, 如果係經濟理由而最終需要讀傳統學校，你要預條補習數，無論係未神校都要預。因為D嘢深(比我地果代教深幾年)，小朋友上堂又明唔晒，你自已又未必有時間跟得晒，有D嘢要借外力幫手。

cecilia.wilson

回覆 kbi 的帖子

其實我會相信只要前面嘅野做得好，就會自自然然入到大學。

mcdonn

cecilia.wilson 發表於 16-11-14 21:13
回覆 mcdonn 的帖子

大女讀啟思，我喜歡佢係ib (pyp), 加上生命教育做得好好。因為大女細個經歷左我離婚嘅 ...

想再知多少少有關IB 學習。一般所謂“神校”, 都會著重高階思維，強調批判思想、多方思考，重質多於量，咁同IB 學習 (形式、方法之類)有乜主要差別？請指教。唔太明有D嘢如串字、grammar，IB會点教？

明解同活用係兩回事。傳統學校可能用默書、測驗幫小朋友記憶然後活用。咁lB点幫小朋友“記”嘢? 靠做project 、討論咁点幫他們記嘢然後活用之類...

cecilia.wilson

回覆 mcdonn 的帖子

謝謝提醒。現時除咗普通話我要俾人教（因為我PTH唔好）, 基本上其他野我全部自己搞掂。另外要用的錢就是音樂費用，這個我也沒辦法自己搞掂。


如果每個月多咗幾千蚊，其實我最終都會放返係個女度。不過同大家出去補習的概念不太一樣。
因為其實我在小朋友方面費用好多。 我真係會一個月買幾千元書。
百几二百几一個鈡補習，又要用來回交通時間，我寧願直接買書。
同埋我係完全唔做練習的。用做練習的時間去睇書，對第日考ib 更有幫助。

我明白其實好多家長都知道自己想要乜，只不過大家唔敢行出傳統的框架。
希望大家都能為自己小朋友勇敢的作出適合的決定

Soundervolt

mcdonn 發表於 16-11-14 22:49
感謝分享！我唔知你大女有冇需要出去補習, 如果係經濟理由而最終需要讀傳統學校，你要預條補習數，無論係 ...

咁又未必……以阿仔学校為例，成绩愈好既同学補習就愈少。成绩好壞，除咗小朋友本身既能力，其實跟家長对子女喺学習條件上既教養比較去補習更加重要。

mcdonn

mcdonn 發表於 16-11-14 23:16
本帖最後由 mcdonn 於 16-11-14 23:18 編輯

想再知多少少有關IB 學習。一般所謂“神校”, 都會著重高階 ...

對於一個大學生，佢有能力去搜集各方資料，加以分析學習，但對於一個小學生，做project 等又學得幾多？可能用咗好多effort, 但只學到嘅知識係量方面相對較少? 請指教。

cecilia.wilson

回覆 mcdonn 的帖子

好難三言兩語解釋，因為成個概念非常複雜。其實我係另外一個post 分享過一些有關大女的功課。
現在三年級，上兩周有一份功課是要記錄一周的作息時間及飲食，之後寫返點樣影響身體各系統（循環系統，呼吸系統...）我覺得她這個循環做的東西，已經比我中學會考更複雜。佢唔使傳唔使麥每個系統裏面器官的名字，但係成個課堂不斷咁用，又不斷咁解釋互相關係，所以佢好快就記得7788。

另外好似語文咁，有啲人覺得要一步一步打底打上去，但係佢哋最近老師自己出咗本小冊子，講關於老師細個同埋現在的事。一次過做晒不同tenses,成本小冊子俾學生叫佢哋自己分是什麼tenses. 因為不是填充形式，真係逼到小朋友要思考，所以唔使點樣操都好快明晒。
因為你冇見過我哋啲功課，所以未必能夠解釋得很清楚。希望大概都幫到你

mcdonn

Soundervolt 發表於 16-11-14 23:25
咁又未必……以阿仔学校為例，成绩愈好既同学補習就愈少。成绩好壞，除咗小朋友本身既能力，其實跟家長对 ...

明白。但如果學校(尤其係名校)教得深，老師教得快，小朋友單靠上堂唔明，父母又唔係全職在家教導，咁可以点？由佢科科滿江紅，自信更低....無奈。重有，初小還好，一到高小，課程更深，更難應付，所以建議要考慮及預留條補數，以備不時之需。

mcdonn

cecilia.wilson 發表於 16-11-14 23:37
回覆 mcdonn 的帖子

好難三言兩語解釋，因為成個概念非常複雜。其實我係另外一個post 分享過一些有關大女 ...

謝謝。有較具體的了解！BTW, 可否send 你另一個post 的link 出來供參考？Tks.

cecilia.wilson

回覆 mcdonn 的帖子

這個就是香港學生出來的通病(當然有好多叻人例外）。可能原本自己家庭學歷不高又無外補，我去到大學也是不懂分析，因為由細開始已經沒有培養。

陪小朋友成長的過程其實我做咗好多反思，我覺得做咗媽咪後才真正成長，而且係在思考小朋友的問題是幫到自己的人生問題。

所以我先主張大家認真考慮，聆聽自己內心其實想要的是什麼

Soundervolt

mcdonn 發表於 16-11-14 23:38
明白。但如果學校(尤其係名校)教得深，老師教得快，小朋友單靠上堂唔明，父母又唔係全職在家教導，咁可以 ...

其實有唔少傳統名校尤其喺初小時唔会教得特別深，家長應該襯呢段時間对小朋友建立对学習產生自信，正確既学習態度，以及自理能力、時間管理等長遠学習條件上，如果可以做到以上條件，小朋友嘅成績唔会差得去边，倘若初小就將補習跟学業畫上等号，將來就觉得補習係学習上既必然動作，要擺脫依赖補習就会更難。

cecilia.wilson

回覆 littlefaith 的帖子

agree

mcdonn

cecilia.wilson 發表於 16-11-14 23:44
回覆 mcdonn 的帖子

這個就是香港學生出來的通病(當然有好多叻人例外）。可能原本自己家庭學力不高又無外 ...

你個case, 對教育有理念、研究，可能讀番IB會較適合D...依家D傳統學校(包括神校)有不少默書、測驗，要背嘢，怕你適應唔到。想像同現實係有分別的，做足資料搜集後才決定(不過我知你實會)，Good luck!

Soundervolt

mcdonn 發表於 16-11-14 23:38
明白。但如果學校(尤其係名校)教得深，老師教得快，小朋友單靠上堂唔明，父母又唔係全職在家教導，咁可以 ...

阿仔讀緊您所講嗰種学校，宜家已经高小。学校入面叻嗰班同学都有我以上所講既特質，好多都係双職家長，其実对小朋友應該由细開始已經要灌輸“讀書要靠自己”，而父母既責任係能夠令小朋友做得到。

mcdonn

Soundervolt 發表於 16-11-14 23:55
本帖最後由 Soundervolt 於 16-11-14 23:55 編輯

其實有唔少傳統名校尤其喺初小時唔会特別教得特別深， ...

明白你所講的。理想同現實，有時有段距離。教得深，教得快，追唔到就係追唔到，同自理能力無關。無論如何，很多謝你的分享。