都係F4揀科問題：Bio 定 Econ

scooper

我都係為仔揀科問題而頭疼：

Phy + Chem 肯定會揀（應該會讀埋M2）

第三個elective本來仔話唔知揀乜好，後來他見幾個好朋友都話揀Bio，他就話不如跟班friend揀埋Bio啦，但好多人和補習老師都話唔抵讀，因太多野讀又難攞高grade。

我建議仔揀Econ， 因似乎易讀些，但仔話冇興趣。

各位可俾些意見嗎？謝謝！

chocolatebean

scooper 發表於 16-11-4 20:10
我都係為仔揀科問題而頭疼：

Phy + Chem 肯定會揀（應該會讀埋M2）

有咩咁煩？學校是否一定要求選3X？ if not, choose physic and chemistry, m2
你都知 Bio 多野，econ 冇興趣，2者都唔好揀啦！

scooper

回覆 chocolatebean 的帖子

學校係要揀3個electives，未計M1M2

mannewliv

諗下將來報邊個學系，睇下佢地收生要求先，唔好為易讀而報。再者，econ應該唔會夠其他文科易高分。

1773

阿仔當年都有呢個疑惑。中三時他要讀bio和Econ, 正好給他試試。當時econ成績超好，bio只中上，班主任意見是Phy chem 外選一科商科，將來條路可以闊啲，即使將來讀醫都可以。我忐忑，問阿仔自己睇法，他居然意志堅定，要選bio，原因好簡單：他有興趣，亦深信自己會讀得到讀得好。在他説要選bio後，我找來一些dse bio 課程資料給他看，多加了解，他仍然堅持決定。
結果他選了Phy chem bio m2。讀得開心！

都係果句：依他興趣，讓他決定，決定了就努力做好，結果如何也不需要後悔！

scooper

很多謝你們的意見，希望他過完上學期會發現到自己對bio定Econ比較有興趣吧！

youma

回覆 scooper 的帖子

bio 和 Econ 取5**/5* 的百分率相若.

有些學系 要求 bio 必修或加分, 反而ECON 好似冇.

讀有興趣的科目, 就算內容較多, 都會讀得較輕鬆和易攞高分.

scooper

回覆 youma 的帖子

有道理！ 謝謝你的提醒!

dativebond

scooper 發表於 16-11-4 20:10
我都係為仔揀科問題而頭疼：

Phy + Chem 肯定會揀（應該會讀埋M2）

高中Bio真係好多野讀，好多野要背，唔容易攞5**或5*。唔同econ，唔係理解完個原理就可攞得足分，例如Bio有長題目，一個答案要成幾十個point，要操得marking scheme先可攞足分。唔操既話，就算你自以為識答，都會失好多分。

我果時讀CE攞B，但AL只攞到D，高中係多野讀多十倍咁滯。

不過，最後都係要阿仔自己選最好，選左唔好怨。你可以去買D Bio和econ精讀、past paper和marking scheme比佢望下先（呢D錢唔好慳），咁先可以作出明智既選擇。有時，乜都未睇，就話自己中意讀乜唔中意讀乜，其實太膚淺。

studyso2c

bio 易過econ
因bio 分topic 考，但econ.   一個main concept “罐”穿全科，有小小concept 唔清即死

bestwish

中三就買定past paper和marking scheme ? 都未教, 入面內容都唔識, 點樣作出明智既選擇, 其實中三溫書時, 就知自己興趣鐘意溫咩。 如果冇興趣, 幾易考都冇用。 全程好唔enjoy便冇心機溫書。 又未必可以揀得番自己將來大學想入既科。

dativebond

bestwish 發表於 17-1-23 15:37
中三就買定past paper和marking scheme ? 都未教, 入面內容都唔識, 點樣作出明智既選擇, 其實中三溫書時,  ...

買幾年比佢望下有無信心考得好，好似打機咁睇左攻略先，否則一切喜歡不喜歡只是空談，因為你考得唔好唔會中意，考得好既又點會唔中意呢？

純粹問果科好唔好讀無用，人人能力不同，有人中意一個concept走天涯，有人中意背唔駛諗，係咪？

呢個都係我讀書時既經歷，以為自己好中意Bio（Cert都考得唔錯），去到A-level先發覺和我想像中太大分別。同埋，唔好以為初中果科考得好就高中實好。我果時Biology都有B，Maths攞A但又唔算好中意，但又中意Bio得好緊要，就AL都選Bio無選pure maths，到最後原來AL Bio好鬼多野背，而我唔中意背，偏向中意一個concept走天涯果類人，AL Bio 得D。所以，切身感受過靠初中成績決定揀科的不足之處。初中成績唔好果科一定唔可以揀，但考得好既科唔係純靠感覺，要再多點資料先做決定。

我覺得比佢睇定past paper和marking scheme無壞（又唔係叫佢操），雖然未教（去到高中要懂得自學，唔係下下跟學校，因為其實高中教得好趕，太多野教），但其實睇下都會明明地果科讀乜和點考，佢知得清楚其實果科係要學D乜，考試模式係點，咁先識㨂。

最差咪係睇完都唔識㨂，都只係浪費幾舊水，係咪？但起碼叫比晒足夠資料佢做educated guess和做決定，㨂左唔好話自己唔知原來果科係咁咁咁，係度後悔係度怨。

你乜都未比佢知，就問佢中意定唔中意，呢樣唔係educated guess，其實無意思。

總括而言，㨂科一定佢自己揀。但父母既責任係比足夠資料佢做決定，因為佢無你諗得咁仔細（你經歷過實諗得詳細點）。係babykingdom問人，當然係資料，但未免偏頗。你比精讀、past paper和marking scheme佢望下、親身感受下，係我諗到最好的資料比佢做決定。

bestwish

dativebond 發表於 17-1-23 15:48
本帖最後由 dativebond 於 17-1-23 16:02 編輯

買幾年比佢望下有無信心考得好，好似打機咁睇左攻略先， ...

呀囡一早鎖定左Bio係膽, 所以冇得走雞。

其實可以睇下點取捨,

有興趣, 就算深, 都會有動力去溫。不過可能未必好高分, 但又有機會可數星。

如果揀易讀既科, 可能比較穩陣唔會好低分, 不過想數星就可能機會少D。 因為未必係強項同心儀科目。

都係等個小朋友自己揀啦 ! 溫果個始終係佢自己。我識有朋友個囡 Chem都好高分, 但最後個女冇興趣讀chem, 修左BAFS + Econ。 反而BAFS+Econ都唔係好高分。 佢呀媽都比佢激死, 但最終都係比個囡自己揀。

dativebond

bestwish 發表於 17-1-23 16:37
呀囡一早鎖定左Bio係膽, 所以冇得走雞。

其實可以睇下點取捨,

我都覺得一定係仔囡自己揀，但做決定前要儘父母責任去提供足夠資料佢諗。

因為我都年少過，明白其實少年揀野有時太受朋輩影響，話自己中意其實又未必切合佢能力，讀讀下可能又會唔中意。

這正正係我揀Bio的經歷。Cert Bio好易，就算無興趣既部份都尚可搞掂，而正因為搞得掂，我當然都未意識到自己對讀植物無乜興趣。但到高中難度一加深十倍，先發覺讀植物好悶，但你要知道，讀Biology唔係只讀動物，植物同樣重要，而且係每一部份都要讀晒動物和植物，係每一部份！（而我認為呢個都係點解讀醫唔駛必需讀Bio既原因，因為植物佔成一半，動物既上到year 1先讀番唔遲）例如講reproduction時，動物和植物繁殖的方法都要讀，兩種方法有相似和不似的地方，咁先死，超級容易搞到亂晒。所以that's why我講初中考得差既唔好㨂，考得好既都最好望一望高中果科實際學乜考乜先揀，因為初中的經歷都係太片面。

揀科好難，尤其如果科科成績差不多果批同學，好似我除了中英數外，要㨂既科都科科B，高不成低不就，唔識揀。

都係自己親身感受過先再決定會比較好，花少少錢比佢望下D 精讀、past paper和marking scheme，佢睇完都有信心考得好先好話自己中意。

scooper

我想請教讀Bio係咪要畫好多圖呢？

pineapple0983

scooper 發表於 17-1-26 08:49
我想請教讀Bio係咪要畫好多圖呢？

DSE 以課程來說，不用畫很多圖。
其實bio好玩的地方在於學的東西可以觸摸得到，例如細胞、動物、植物、生態、環保議題等，可以在野外，在實驗室、在周圍環境都見得有
觸得到的東西就比較實在，容易入腦，而且有些現象可以用 phy chem 解釋得到，不用死記。生字的組成大多有系統，記也不難。
例如有次我小朋友戈組要派代表到街市買個豬腦番學校解剖，雖然過程有些厭惡，但印象非常深刻。以後有題目一出腦，就執分~
econ 比較抽象，比較悶。我小朋友S3 的econ是級頭3，但覺得依科唔好玩，所以冇選

pineapple0983

以對手來講，理科生的膽是 chem，商科的膽是 econ。
也就是說，2科的尖子是分別 take Chem 和 Econ。如果你小朋友冇咁尖，咁take bio 遇到的尖子對手，不如考 econ 的多。
理科尖子據我觀察，除 chem 做膽外，phy、ict 也不少，極少是 geog。當然有 chem/phy/econ啦；因為選得 chem 的大多是 S3 級排名比較前的同學，佢地大多有優先權選比較 hit 的科 (chem/econ)~
這也不失是一個考慮因素。
MS，對bio很重要，要答題精簡、中point，不答廢話，就要明白出題者的意圖。如果唔係，時間花了，分拿不到，就好難 5+架啦~

scooper

回覆 pineapple0983 的帖子

謝謝你的分析，會叫阿仔再想清楚。

PaPa

pineapple0983 發表於 17-1-27 10:51
MS，對bio很重要，要答題精簡、中point，不答廢話，就要明白出題者的意圖。如果唔係，時間花了，分拿不到，就好難 5+架啦~

唔好意思，甚麼是MS？

samsam123321

dativebond 發表於 17-1-23 16:54
本帖最後由 dativebond 於 17-1-23 17:39 編輯

我都覺得一定係仔囡自己揀，但做決定前要儘父母責任去提 ...

如果覺得讀AL bio 係難，跟本無可能讀medic.