初中~港島 band1女津校vs 英澳中學(有獎學金)

fcatherinehk

亮燈 發表於 16-11-4 16:57
今年九月，兩子都去左英國讀書，我地兩老全份糧都俾左學費、機票、生活費…等，好彩有OEA幫補下，雖然咁艱 ...

好羨慕你有OEA！ 如果我有就即刻註冊比deposit....
睇見你哋個個話小朋友去咗英國讀書之後都比香港開心，我都諗住用晒成副身家都比佢去讀，佢都知屋企環境，比我儲多D錢先過去。

fcatherinehk

skIII 發表於 16-11-4 18:23
當香港計劃DSE時，我都諗啲細路慘啦，所以用腳去投票，係英國佢地讀多好多科，有西班牙文，法文，德文同拉 ...

如果我女yr 9/yr 11先去開始追到課程嗎？
唉……無錢無辦法，我仲同個女講唔好意思……

fcatherinehk

basbyy 發表於 16-11-4 19:44
其實如果妳亞女係 gifted 咁就更加要考慮清楚，佢地喺呢個時候嘅情緒支援係好重要，做得唔好有機會出事，結 ...

你仔係gifted咁你明白我心情，我女比較對人嘅語氣態度敏感D，從來唔會喊，但返到屋企會因一D小事諗好耐，我哋成日都要開解佢，外人完全唔知，依家大個咗思想好好多。
你陪咗阿仔幾耐？依家適應好D未？


如果我女過去，我可能會陪佢1-2個月。
我都怕佢慢熱，要好耐先可以適應，不過幾乎大部分人都反映小孩留學後嘅評價係正面的，加上我女依家性格思想比以前好D，而佢又有興趣去，所以都會試下

fcatherinehk

caerion 發表於 16-11-5 00:13
樓主，
其實我個女的情況同你也有些類似，我都係一般階層，但因為覺得香港的教育制度有問題，女兒的出路窄 ...

多謝你的鼓勵！
我女不是特別叻,至於scholarship,唔少香港學生都申請到.

我女學校入U率8×%，但呢幾年嘅小學生活我覺得學唔到野，有時直頭覺得佢十下十下，唔醒目，我仲要出錢又出力同佢温習，我自己都覺得好攰。我想佢思想成熟，獨立，有分析能力;佢喜歡鑑證科學/音樂/數學,唔鐘意默書/背文/作文……但依家幾乎日日都要做，無時間思考。

我都有諗過升唔到香港嘅大學先去外國讀，慳返D錢，但其他forum有家長話如果dse低分先去外國讀u，質素好的科目選擇都少咗.我會聽呢度家長意見，因為我經濟問題，比阿女讀埋F2/F3先去，讀完A level就同時報英國及香港的大學。

唔洗學費嘅歐洲大學我都有諗過嫁，我有諗德國，不過資訊少，未有詳細研究。

亮燈

clly 發表於 16-11-5 01:55
亮兄，你兩個仔都會讀埋大學？

未知，要到時睇佢地考唔考到，又要睇下到時我仲有冇能力，所以，隨緣吧！我同佢地兩個都係咁講：唔一定會讀到尾，所以每一年都要好好珍惜。

亮燈

fcatherinehk 發表於 16-11-5 02:38
好羨慕你有OEA！ 如果我有就即刻註冊比deposit....
睇見你哋個個話小朋友去咗英國讀書之後都比香港開心， ...

就算有OEA，我地都係俾晒成庫身家學校，兩老就慢慢挨，食少D，取消旅行，連送佢地開學、School visit都冇能力做，咁至勉強俾到佢地去讀書。雖然係咁，我地都覺得開心！

emmafish

fcatherinehk 發表於 16-11-5 02:15
係喎……我未考慮到通識科，我女英文唔叻，用英文答通識未必答得好。
你女依家讀得開心嗎？
我都係得1粒女 ...

我女明年9月入學，已有學校收咗。  佢之前為通識科喊哂又頹廢，而家知道可以去外國擺脫通識，即刻積極哂，佢知道唔中意都要讀，因為成績表有 fail 好難睇，亦知道捱多一輪就可完成，對未來有希望。

我女小六開始反叛期，中一中二初都頂心勞氣，但而家就乖咗懂事咗。我唔怕佢在外会反叛，因為寄宿生活大部分係群體生活，佢極少機會獨處，星期六日都有活動，佢無咩機會諗埋D無謂野。

每逢長假佢都返來，其實每次只係隔3個月啫。我而家晚晚都同佢見，但係教功課，催温習為主。我期待之後同佢嘅相處係 quality time

basbyy

clly 發表於 16-11-5 01:54
冇工人鐘點幫到你

慳得就慳，希望自己做得黎，唔駛請鐘點喇！我見好多同事都係無工人，都搞得掂！

basbyy

fcatherinehk 發表於 16-11-5 03:03
你仔係gifted咁你明白我心情，我女比較對人嘅語氣態度敏感D，從來唔會喊，但返到屋企會因一D小事諗好耐，我 ...

我亞仔係一個好開心嘅人黎架，佢從來無交友困難，係好多朋友果種人，但係無喇喇 2016 年暑假，就情緒出現問題，乜都無興趣，連機都唔打！！！佢當時仲喺香港，我地陪左佢大約一個月左右而家無大問題，不過仲會耐唔中話D唔好情緒黎搵佢，我時常要提佢呢D低落情緒係會耐唔中走出黎，你當見到你唔順眼嘅人唔好理佢，佢會越黎越少出黎，出黎嘅時間會越黎越短，呢個亦都係我要佢家姐轉校同佢同校嘅其中一個原因。

Lachelle

回覆 caerion 的帖子

我都想知

Lachelle

caerion 發表於 16-11-4 11:29
回覆 fcatherinehk 的帖子

請問如何申請到scholarship

我都想知

fcatherinehk

basbyy 發表於 16-11-5 15:13
我亞仔係一個好開心嘅人黎架，佢從來無交友困難，係好多朋友果種人，但係無喇喇 2016 年暑假，就情緒出現問 ...

學校有support嗎？Can u pls pm me the school name?

fcatherinehk

Lachelle 發表於 16-11-5 17:21
我都想知

每間學校在不同項目的獎學金方面都有唔同嘅條件(有D學校網頁有列明)，如果子女符合要求，不妨試下申請。

basbyy

fcatherinehk 發表於 16-11-6 00:07
學校有support嗎？Can u pls pm me the school name?

我諗亞仔將入讀呢間學校應該對 gifted 小朋友無乜特別支援，而我都唔係咁 care 有無特別支援，反正我亞仔同一般男仔無乜大分別，咪等佢慢慢『醒』囉，最緊要係愉快學習，快樂童年。