活動教學升中問題

kksun

暫時只心儀馬灣基慧呢間小學, 但朋友叫我諗清楚, 活動教學升到中學驚佢唔適應普通中學, 如果諗住會送出國讀比較好, 有無媽媽分享下,升返本地中學有無問題,  會唔會跟得好辛苦? 好想知, 驚揀得唔好

bulo

kksun 發表於 16-10-28 18:03
暫時只心儀馬灣基慧呢間小學, 但朋友叫我諗清楚, 活動教學升到中學驚佢唔適應普通中學, 如果諗住會送出國讀 ...

於心，學校係傳統教學，同活動教學完全無關，唔係女鐘意呢間學校，我已轉校

fungchiying

bulo 發表於 16-11-1 23:38
於心，學校係傳統教學，同活動教學完全無關，唔係女鐘意呢間學校，我已轉校
...

可以了解下想轉校原因嗎？

bulo

我小朋友其實唔太適合傳統教學，狂塞填鴨方法，佢學野需要消化，只抄寫方式佢係入唔到腦，其實抽獎抽中後，我本來已諗住打電話搵學校，但人人話基慧係活動教學，但入到去並不如此，9月時都仲分組坐下，10月已變回舊式填鴨一排排坐，都係傳統單向式教學，而中文課程係深，我覺得有小二小三程度，但小朋友只係啱啱升上小一，10月開始車輪轉中英文默書，確實講我呢類型既人係唔太接受到，諗住睇埋下學期小朋友點，再決定搵學校
升中呢樣野，我聽過好多人話基慧升左上中學既小朋友，覺得中學課程易handle. 好似話係學校課程深同谷得行既成果

gracelam

原帖由 bulo 於 16-11-04 發表
本帖最後由 bulo 於 16-11-4 09:01 編輯

我小朋友其實唔太適合傳統教學，狂塞填鴨方法，佢學野需要消化 ...

由於小一有零星手足口病，所以全校都要分行坐，以免小一至小三分組坐而增加患病機會。  可能遲D就會分番組坐。

bulo

gracelam 發表於 16-11-4 11:12
由於小一有零星手足口病，所以全校都要分行坐，以免小一至小三分組坐而增加患病機會。  可能遲D就會分番組 ...

不過問題重點唔係坐位，而係教學方式係傳統單向，無需太多思考，不停抄寫，默書，認字串字

jk923

bulo 發表於 16-11-4 09:00
我小朋友其實唔太適合傳統教學，狂塞填鴨方法，佢學野需要消化，只抄寫方式佢係入唔到腦，其實抽獎抽中後， ...

我見你抽獎抽入去，理應好鐘意先放第一志願，事前無好認真去理解學校？
大仔已畢業，細女重讀緊，學校總算係開心學校，至少我遇過大部份都係好老師，會幫手處理事情。
佢地到三年級都重係分組坐，而且會因應某些題目比佢地做討論，例如英文group writing,音樂又有project等，當然講不上全活動教學（我諗都無咩政府學校可以完完全全做到），但佢係荃灣區小學黎講，派英中比率可算數一數二。

jk923

kksun 發表於 16-10-28 18:03
暫時只心儀馬灣基慧呢間小學, 但朋友叫我諗清楚, 活動教學升到中學驚佢唔適應普通中學, 如果諗住會送出國讀 ...

放心，學校派英中比率好好，同學都適應（我大仔升左中喇），佢地好有歸屬感，畢左業都會返學校幫手，例如小六學生家長會，佢地好多同學返黎分享面試過程，心得。

bulo

jk923 發表於 16-11-4 21:20
我見你抽獎抽入去，理應好鐘意先放第一志願，事前無好認真去理解學校？
大仔已畢業，細女重讀緊，學校總算 ...

本帖最後由 bulo 於 16-11-4 23:06 編輯

本帖最後由 bulo 於 16-11-4 22:59 編輯

真係唔好意思，係呢個馬基group入邊永遠只有人講學校好快樂，功課適中之類，有識得既人只話馬基very good. 從無人講有幾谷，我將中文閱讀理解send比係小朋友係九龍塘聖家既朋友睇、都話洗唔洗咁深
一路都諗住搵較少功課既直或私小，手上只有waiting list, 抽獎係最後無選擇中既選擇，唯一鐘意原因係間學校係正樓下，是旦填做第一志願，都無諗過會中
結果中左，識得既街坊紛紛話係正樓下而且學校好好，加上小朋友唔想舟車勞頓，所以故且比佢入讀，但而家小朋友開始發炆喊晒話又默書？！頂唔浦或轉校

jk923

bulo 發表於 16-11-4 22:51
本帖最後由 bulo 於 16-11-4 23:27 編輯

本帖最後由 bulo 於 16-11-4 23:06 編輯

對於你話多功課，多默書，我覺得學校已經好好，低年級學生一至四已有功課堂，而且一定係老師睇返，重會教佢地做功課（老師有教佢地做晒作業先，抄寫留到最後），英文默書一出就係一個學期範圍，絕對有足夠時間去溫書。
睇返上兩個回應，原來已轉校？希望你小朋友可以適應新學校啦。

tinaxxy

請問馬基現在參加TSA嗎？

gracelam

原帖由 bulo 於 16-11-04 發表
本帖最後由 bulo 於 16-11-4 23:27 編輯

本帖最後由 bulo 於 16-11-4 23:06 編輯

小朋友幼稚園是否happy school?? 幼稚園階段有沒有閱讀習慣?? 可能升上小一就會比較難適應， 其實默書只是幫助温習，到測考時不用一次記大量生字。抄寫功課都係默書前一兩日做，來幫助温習，每個詞語x3，我仔女抄完已經記到八九成。 功課量初小唔算多，我仔女在導修堂已經完成大部份，阿仔今年小三，回家大約30-45分鐘已做完功課，温埋默書，練完琴，仲有時間打一陣機或看課外書。
高小我認為功課係較多，我個女已經升中一了，現在佢畢業左同學大家仲有聯絡，無論係band 1或band 2中學，大家都做功課做到冇停手，又quiz又dictation，又test，比起小學真係忙到連玩嘅時間都冇。 中學先叫做辛苦!!
除非唔諗住hk讀中學或大學，因為大部份小朋友終極目標係考DSE，在教育局課程規管下，我相信冇一間小學係真正happy school. 唯有做家長要自我調節。

公平D講馬基初小功課量不是少，但也不是多，反而其他小學功課量聽聞仲駭人。

bulo

jk923 發表於 16-11-4 21:20
我見你抽獎抽入去，理應好鐘意先放第一志願，事前無好認真去理解學校？
大仔已畢業，細女重讀緊，學校總算 ...

Sorry. 未轉，睇埋下學年如何先
功課未至於最喪個隻，同協和小一功課量差不多（有朋友小朋友而家係協和讀緊）但我覺得程度係深，特別中文，而英文既教法係傳統到爆個隻，串字同死記grammar係學外語最差同最令人討厭既方法，所以我有幫小朋友搵校外native 英文班

jk923

bulo 發表於 16-11-7 08:53
Sorry. 未轉，睇埋下學年如何先
功課未至於最喪個隻，同協和小一功課量差不多（有朋友小朋友而家係協和讀 ...

講真，馬基嘅老師，我真心覺得係好好，好受學生愛帶，而且係跟得學生好足，有受傷或突發情況一定會通知家長。何校長都好受歡迎，同同學打成一片。我諗政府津貼嘅學校，點都不能成為全happy school,同校網嘅有一間家話下午唔洗上堂，但到知道佢個升中派位band1比率低，又接唔接受到呢。

jk923

tinaxxy 發表於 16-11-5 20:09
請問馬基現在參加TSA嗎？

今年教育局有無講到TSA會點處理，因為女唔係三，六年級學生，所以我無後意到。

gracelam

原帖由 jk923 於 16-11-07 發表
講真，馬基嘅老師，我真心覺得係好好，好受學生愛帶，而且係跟得學生好足，有受傷或突發情況一定會通知家 ...

我女啱啱上星期測完驗放半日，佢都特登回母校探老師，如果小朋友唔鐘意學校同老師，都唔會咁上人心。

jk923

gracelam 發表於 16-11-7 15:16
我女啱啱上星期測完驗放半日，佢都特登回母校探老師，如果小朋友唔鐘意學校同老師，都唔會咁上人心。



  ...

我大仔有時間就返去，連阿妹家長會都去，最開心就係阿妹開聖誕party，佢又咁岩放假就最開心）佢都返去搵老師傾計，老師又會問佢地讀成點，而且重會比啲tips佢地上中學點溫書。

subb

bulo 發表於 16-11-4 22:51
本帖最後由 bulo 於 16-11-4 23:27 編輯

本帖最後由 bulo 於 16-11-4 23:06 編輯

我小朋友小三仍是圍坐一組組坐喎 !
不過真有傳染病風險就會一行坐一輪的

你是校定打算轉校 !
不如問下女邊方面吸收唔到/跟唔到, 先去嘗試解決問題,教女點應付 !
跟唔上, 有無同老師傾下???
荃灣小學來講, 馬基已經唔算深, 其他荃灣區小學會更深
如果真的要轉，睇怕直資才合適　！
例如嶺小可能你會感覺開心D
雖然默書唔算少, 但默的字唔深, 算適中, 比起荃灣其他小學　！　

我見現在好多小朋友英強中真是好弱，睇怕要想想法子　！

至於活動教學, 在津校可以講唔太活動,只是半活動,
我小朋友話小一的數學老師教會活動D

努力 加油吧 !

kksun

bulo 發表於 16-11-1 23:38
於心，學校係傳統教學，同活動教學完全無關，唔係女鐘意呢間學校，我已轉校
...

一直無睇到留言, 多謝咁多位既意見, 真係好有用, bulo 都多謝你提醒我, 唔好想像到活動教學就唔駛成日默書果d.其他家長又講得有道理, 出面d學校一樣要狂默書.....>.<.... 暫時結論我都鐘意學校有導修堂, 可以即時教返小朋友唔識既地方, 慳返既時間可以用黎溫習.  我女而家k1, 大部份功課都係學校完成, 仲要佢份人係聽老師話唔聽我講, 學校做功課做得靚過係屋企做, 希望再有家長可以續分享.

jasul

我小朋友而家小二, 我唔覺得課程比外面深, 反而我覺得相反, 我小朋友幼稚園係super happy school, 冇外補, 所以英文底子唔好, 中文都係靠平時佢睇書睇電視學生字多, 到升上小一, 功課唔多又輕鬆, 佢都可以應付到, 至於默書, 都唔係一星期中英各一次, 我曾經向老師反映過, 想佢加密d添 小朋友返學好開心, 每日又有功課堂, 小一果年好輕鬆~

到而家小二, 功課開始多, 至於深唔深, 我覺得係跟返外邊津校一樣, 亦冇咩額外加多, 我聽好多朋友佢地學校係每星期都有中英默各一次的, 課程都深, 所以樓上話中文好深, 我唔認同